Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (2 Votes)
சிறுகதை - உன்னையே நம்பு! - ரவை - 5.0 out of 5 based on 2 votes

கதவு தட்டப்படும் சத்தம் கேட்டு, பாரு திறந்தாள்.

" ஏய் நீயா? வரப்போறேன்னு சொல்லவேயில்லையே, வா உள்ளே....."

வந்தவள், உள்ளே வராமல், தயங்கி நின்றுகொண்டிருந்தாள். பாருவுக்கு குழப்பமாயிருக்கவே, வெளியில் வந்தாள்.

வந்தவள் தனது பெட்டி, படுக்கையுடன் வந்திருக்கிறாள்........

ஓஹோ! ஏதோ சங்கடமான சூழ்நிலையிலே வந்திருக்கிறாள் என்று புரிந்துகொண்டு, பாரு வந்தவளின் கைகளைப் பிடித்து, உள்ளே அழைத்து வந்ததோடு, பெட்டி, படுக்கைகளையும் உள்ளே கொண்டுவைத்தாள்.

" ராதா! இவதான் காலேஜிலே என் சீனியர், என் ஆபீஸிலே வேலை செய்கிறான்னு சொன்னேனே, மீரா!, ....."

"மீரா! வாங்க! ஏதோ சங்கடத்திலே இருக்கீங்கன்னு நினைக்கிறேன், சொல்லுங்க! எங்களாலே உதவி செய்யமுடிந்தால், செய்கிறோம்......"

" வந்து.....இப்ப.....நான் ....தங்கறதுக்கு.....இடம் வேணும்...."

"என்னாச்சு, மீரா? சொந்தக்காரங்க வீட்டிலே........."

" அங்கே இனிமே தங்கமுடியாத நிலமை......."

" ஏன்?"

" யாரை என் கார்டியனா நம்பியிருந்தேனோ, அவரே வில்லனா மாறிட்டாரு......."

"ஓ! புரிகிறது, மீ டூ சமாசாரமா?"

" ஆமாம், கையை பிடிச்சு......"

பாரு, ராதாவை பார்த்தாள். 

" பாரு! மீராவுக்கு தங்க இடம் வேணும்போலிருக்கு......"

"ஏன் மீரா! உன் யோசனை என்ன?"

" பாரு! எனக்கு தனியா ரூம் எடுத்து தங்க பணவசதி கிடையாது, உங்க ரூமிலேயே........மூணிலே ஒரு பங்கு வாடகை நான் கொடுத்துடறேன்....."

பாரு, ராதாவைப் பார்த்தாள்.

" மீரா! இன்னிக்கி ராத்திரி இங்கே தங்கிக்கோ! நாளைக்கு ஹாஸ்டல் மேனேஜரை கேட்டுண்டு முடிவு செய்யலாம்....."

டின்னர் முடிந்து, படுக்கையில் சாய்ந்தார்களே தவிர, மூவரும் நிம்மதியின்றி புரண்டு படுத்தனர்.

வீட்டுக்கு வெளியேதான் ஆபத்துன்னு நினைச்சா, வீட்டுக்குள்ளேயே இருந்தா என்ன செய்வது?

வயசுவந்த பெண்களுக்கு மட்டுமில்லே, பள்ளிக்கூட சிறுமிகளுக்குந்தான்! நோ நோ, மூணு வயசு, நாலு வயசு குழந்தைகளுக்குந்தான்!

நாலு சுவருக்குள்ளே மட்டுமில்லே, நடு வீதியிலே, ரயில்வே ஸ்டேஷனிலே, ஓடுகிற ரயிலிலே, பஸ்ஸிலே, ஆபீஸிலே, பள்ளியிலே, பார்க்கிலே, கோவிலிலே, .......ச்சே! ஆண்களா, இல்லை, இரைதேடி அலையும் மிருகங்களா? 

அம்மா அப்பாவுக்கு கையடித்துக் கொடுத்த சத்தியத்தை காப்பாற்ற முடியாதுபோலிருக்கே! என பாரு கவலைப்பட்டாள்!

இதற்குப் பயந்து ஊருக்கு திரும்பிப் போகமுடியுமா? போனால், வேறுவிதமான பிரச்னை வராதா?

படுக்கையிலே உட்கார்ந்தாள் பாரு! அவளைப் பார்த்து, மீராவும் ராதாவும் எழுந்து உட்கார்ந்தனர்.

" மீரா! நாம மனம் விட்டுப் பேசி சில முடிவுகள் எடுக்கவேண்டிய நேரம் வந்துவிட்டது! இங்கே நாம மட்டும்தான் இருக்கிறோம், உனக்கு நேர்ந்த ஆபத்தை விவரமா சொல்லு!"

" ஆமாம் மீரா! பாரு சொல்வதுபோல, முடிவெடுக்கவேண்டிய நேரம் வந்துவிட்டது, மனம் திறந்து விவரமா பேசு! எப்படி இந்த மாதிரி நிலைமைகளை சமாளிக்கிறதென்பதை யோசித்து முடிவு செய்வோம்......"

மீரா துணிவை வரவழைத்துக்கொண்டு, பேசினாள்.

" பாரு! ஊரிலே நீயும் நானும் ஒரே கல்லூரியிலே படித்தோம், நான் உன்னைவிட ரெண்டு வருஷம் சீனியர், இதுதானே உனக்குத் தெரியும்? என் குடும்பத்தைப்பற்றி ஏதாவது தெரியுமா?"

" தெரியாது......."

"இப்ப நான் சொல்றேன்..........நம்ம ஊர் முனிசிபல் சேர்மன் ......."

"தெரியுமே! பஞ்சாபகேசன்! ரொம்ப நல்லவர்! ஏழைகளுக்கு, அனாதைகளுக்கு, நிறைய பண உதவி செய்திருக்காரு, அவரை எதிர்த்து தேர்தல்லே யாருமே ஜெயித்ததில்லே...."

" நிறுத்து, நிறுத்து! அது ஒரு பக்கம்! அவரோட மறுபக்கத்தை நான் சொல்றேன், இப்ப! ஊர், உலகத்துக்கு நான் அவருடைய ஒரே மகள்! ஆனா உண்மையிலே, அவருக்கு குழந்தையே கிடையாது. நான் அவர் வீட்டு சமையற்காரியின் மகள். எங்கப்பா அவர் வீட்டு கணக்குப்பிள்ளை! அவர் வீட்டு அவுட் ஹவுஸிலே நாங்க குடியிருந்தோம். ரெண்டு வயசுக் குழந்தையா நான் இருந்தபோதே, என்னை அவருடைய மகளா வளர்க்கிறதா ஊர் உலகத்துக்கு விளம்பரப்படுத்திக்கிட்டார். எங்கப்பாவை அடிக்கடி வெளியூருக்கு அனுப்பிவிட்டு, எங்கம்மாவிடம் தப்பா பழகுவார். அம்மாவை பயமுறுத்த என்னை பயன்படுத்திக்கிட்டார்.

Add comment

Comments  
# RE: சிறுகதை - உன்னையே நம்பு! - ரவைmadhumathi9 2019-01-21 13:41
wow semma idea sir.pengalukku paadhukaappu payirchi, kathi patri kurippittathu arumai. :hatsoff: sir.arumaiyaana kathai.vaaltugal sir. (y) :clap: :GL:
Reply | Reply with quote | Quote
# RE: சிறுகதை - உன்னையே நம்பு! - ரவைRaVai 2019-01-21 16:20
Dear Madhumathi9,
உங்க பாராட்டுக்கு ரொம்ப நன்றி.
புத்தி மட்டும் போதாத நேரங்களிலே, பெண் கத்தியை எடுத்துத்தானே ஆகணும்! பணத்துக்காகவும், பதவிக்காகவும், தற்பெருமைக்காகவும் ஆண்கள் கத்தி எடுக்கிற காலத்திலே, தன்மானத்துக்காக, பெண்கள் கத்தி எடுத்தால் என்ன தப்பு?
Reply | Reply with quote | Quote
# RE: சிறுகதை - உன்னையே நம்பு! - ரவைmadhumathi9 2019-01-22 05:57
(y) :clap: ungal ennam nalla ennam.idhai pengal unmaiyaana kaaranathirkku intha ideavai payan paduthinaal magizhchi. :thnkx: :thnkx: sir. (y)
Reply | Reply with quote | Quote
# RE: சிறுகதை - உன்னையே நம்பு! - ரவைAdharvJo 2019-01-20 22:27
Simple plot with needed message sir :clap: :clap: As you said its high time and your tips are valid too but how far these can be effectively implemented is question mark....such is our law facepalm and one more notable thing in the story was hiding one's true color :yes: its better not to trust anyone. Anyway let us pray and hope for the best.
Thank you!
Reply | Reply with quote | Quote
# RE: சிறுகதை - உன்னையே நம்பு! - ரவைRaVai 2019-01-21 07:16
Dear Jo!
Thank you for sharing my anguish and agony.
Keep vigilance, seems to be the order of the day!
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top