Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

1 1 1 1 1 Rating 5.00 (5 Votes)
தொடர்கதை - கலாபக் காதலா - 15 - சசிரேகா - 5.0 out of 5 based on 5 votes
Pin It

தொடர்கதை - கலாபக் காதலா - 15 - சசிரேகா

kalaba Kathala

வீடு வந்து சேர்ந்ததும் ராதா தன் மடியில் படுத்திருந்த முராரியின் தோளை தொட்டு உலுக்கி எழுப்பினாள். அவனோ எழாமல் இருக்கவே அதைப் பார்த்த தேவியோ அவனது தோளை போட்டு நன்றாக உலுக்கவும் மெல்ல கண்விழித்து எழுந்து அமர்ந்தான். அவன் எழவும் விட்டால் போதுமென ராதா உடனே வண்டியை விட்டு இறங்கி வீட்டுக்குள் மெதுவாக நடந்து சென்றாள். தேவியோ முராரியிடம்

”அண்ணா நான் உள்ள போறேன், வாங்கி வைச்சப் பொருள் எல்லாம் இருக்கு எடுத்துட்டு வந்துடுண்ணா” என சொல்லிவிட்டு அவள் சென்றுவிட நொந்து போய் கொட்டாவி விட்டபடியே காரை விட்டு இறங்கினான், டிரைவர் அதற்குள் தேவி மற்றும் ராதா வாங்கிய ஷாப்பிங் பைகளை வைத்துக் கொண்டு நிற்பதைக் கண்டவன்

”இவ்ளோவா வாங்கினாங்க, எனக்குன்னு ஏதாவது ஒரு பொருள் வாங்கினாங்களா நம்மளை யாருக்குமே கண்ணுக்கு தெரியலைப்பா” என புலம்பிக்கொண்டே அந்த பைகளை வாங்கிக் கொண்டு வீட்டிற்குள் சென்றான் முராரி.

வீட்டிலோ ஹாலில் அனைவரும் அமர்ந்திருக்க தேவி காலை முதல் தான் செய்த ஷாப்பிங் கதைகளை அளந்து விட்டுக் கொண்டிருந்த நேரம் பைகளுடன் முராரி வரவும் அவனிடம் இருந்து பைகளை வாங்கி அனைவருக்கும் தான் வாங்கிய பொருட்களை காட்டிக் கொண்டிருந்தாள். முராரியின் கவனமோ ராதையின் மேல் விழுந்தது. அவளோ முராரி தன் மடியில் படுத்த காரணத்தால் அந்த இடம் வலிஎடுக்க மெல்ல அவளது கையால் அந்த இடத்தை தடவிக் கொண்டு இருந்தாள்.  அதைக் கண்டு எதுவும் புரியாத முராரியோ மெல்ல அவளிடம் வந்து நின்றான். அவளோ தான் வாங்கிய பொருட்களையும் தாராவிடம் காட்டிக் கொண்டே ஒரு பொருளை அவளிடம் தந்து

”அக்கா இது உனக்காக வாங்கி வந்தேன்” என சொல்ல அவளும் வாங்கிப் பார்த்தாள். அது அழகான ஹேண்ட் பேக்

”வாவ் அழகா இருக்கு நைஸ் கலர்” என சொல்லியபடியே அந்த பையை பார்த்து ரசித்தாள் தாரா.

அடுத்து வேணுகோபாலனிடம் வந்த ராதையோ அவரிடம் ஒரு பொருளை தந்தாள். வாட்ச் அது

”இது எனக்கா”

“ஆமாம் அங்கிள், கட்டிப் பாருங்க உங்க பழைய வாட்ச்ல ஸ்டார்ப் நல்லாயில்லை இதுல பாருங்க 7 கலர் இருக்கு விதவிதமா செட் பண்ணி போட்டுக்கிட்டுப் போகலாம் அங்கிள்” என சொல்ல அவரும் கட்டிப்பார்த்தார்

”இந்த வயசில எனக்கு இது தேவையா”

“இருக்கட்டும் அங்கிள் இது நல்லாயிருக்கே” என சொல்லியவள் அடுத்து சீதாவை பார்த்தாள்

தொடர்புடையவை: உங்களுக்கு இதுவும் கூட பிடிக்கலாம்... -

சுபஸ்ரீயின் "இதயச் சிறையில் ஆயுள் கைதி..." - காதலும் மர்மமும் கலந்த தொடர்கதை...

படிக்கத் தவறாதீர்கள்..

”ஆன்ட்டி இது உங்களுக்கு, பூஜையறையில குங்குமச் சிமிழ் பழசா இருந்துச்சி அதான் புதுசா வாங்கி வந்தேன் லேட்டஸ்ட் மாடல் இந்தாங்க” என காட்ட அதை வாங்கிப் பார்த்தார்

”வெள்ளியா இது”

“ஆமாம் ஆன்ட்டி புது மாடல் எப்படியிருக்கு”

“ரொம்ப நல்லாயிருக்கும்மா நிறைய டிசைன்லாம் போட்டு கல்லு பதிச்சிருக்காங்களே, பார்க்க நல்லாதான் இருக்கு” என சொல்லவும் அடுத்து கோவிந்தை பார்த்த ராதாவோ

”உங்களுக்கு நான் ஒரு சர்ட் வாங்கிட்டு வந்திருக்கேன்.” என சொல்லி அவனிடம் நீட்ட அவனோ அதை வாங்கிப் பார்த்தான் சந்தன நிற சட்டை இருக்கவே

”இது போல நான் போடறதில்லை ராதா” என சொல்ல அவள் முகம் வாடவே முராரி வந்தான்

”அதைக் கொடு நான் போட்டுக்கறேன்” என சொல்லி கோவிந்திடம் இருந்து அந்த சட்டையை பிடுங்க அவனோ முடியாது என தடுக்க அதைப் பார்த்த ராதாவோ

”இருங்க என்ன செய்றீங்க நீங்க இப்படி வாங்க” என முராரியின் கையை பிடித்து இழுத்துக் கொண்டு வந்தாள்.

”ஏன் அவர்கூட சண்டை போடறீங்க” என கத்த அவனோ

”எனக்கு எதுவும் வாங்கிட்டு வரலை ராதா, அவனுக்கு மட்டும் வாங்கிட்டு வந்திருக்க” என கோபமாக கத்த

”உங்களுக்கு நான் வாங்கலைன்னு சொன்னேனா” என அவள் கத்த அவன் அடங்கியே போனான். அதைக் கண்ட அனைவரும் வியந்தார்கள். அதிலும் சீதா

”இவனை யாராலயும் அடக்க முடியாது, நீ கத்தவும் உடனே அடங்கி நின்னுட்டானே அதிசயம்தான் போ” என அவர் வியப்பாகக் கூற அதைக் கேட்ட ராதாவோ சிரித்துக் கொண்டே இன்னொரு பையை எடுத்து முராரியிடம் நீட்டினாள். அவனோ அதை வாங்காமல் முகத்தை கோபமாக வைத்துக் கொண்டு அவசரமாக அவனது அறைக்கு செல்வதைக் கண்ட ராதையின் முகமோ வாடிவிட்டது.

தேவியோ அதைப் பார்த்து

”ராதா அண்ணா அப்படித்தான். நீ கவலைப்படாத விடு” என சொல்ல ராதாவும் அமைதியாகி

”சரி நான் போய் தூங்கறேன்”

“சாப்பிடலையா”

“இல்லை மதியம் சாப்பிட்டதே இருக்கு”

About the Author

Sasirekha

Sasirekha

Like to read stories? Now you can read full novels at Chillzee KiMo. No wait time,  No ads, No restrictions!!!

Completed Stories
On-going Stories
Add comment

Comments  
# RE: தொடர்கதை - கலாபக் காதலா - 15 - சசிரேகாராஜேந்திரன் 2019-04-24 10:57
nice story
Reply | Reply with quote | Quote
+1 # RE: தொடர்கதை - கலாபக் காதலா - 15 - சசிரேகாvijayalakshmi 2019-04-19 11:33
nice epi pavam murari devikitta mattikittane ayyo pavam ini enna nadakumo?
Reply | Reply with quote | Quote
+1 # RE: தொடர்கதை - கலாபக் காதலா - 15 - சசிரேகாராணி 2019-04-19 07:26
முராரி மறறும் ராதாவின் காதலை தேவி ஏற்றுக் கொள்வாள் என நம்புகிறேன் அருமையான பதிவு சசி
Reply | Reply with quote | Quote
+1 # RE: தொடர்கதை - கலாபக் காதலா - 15 - சசிரேகாmadhumathi9 2019-04-18 21:13
wow very nice epi.adutha vaaram eppadi irukkumonnu ninaikkira alavu viruviruppa kathai poguthu :clap: (y) :clap: egarly waiting 4 ext epi sasi. :thnkx: & :GL:
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top