1 1 1 1 1 Rating 5.00 (5 Votes)

தொடர்கதை - காளிங்கன் - 03 - சுபஸ்ரீ - 5.0 out of 5 based on 5 votes

Page 1 of 5

தொடர்கதை - காளிங்கன் - 03 - சுபஸ்ரீ

ஞாயிற்றுக்கிழமை காலை என்பது வேலை பள்ளி கல்லூரி எனச் செல்பவருக்குப் பொன்னான பொழுது. மற்ற நாட்கள் போல அவசரம் இல்லை. நிதானமாக எழலாம் மெல்ல வேலை ஆற்றலாம்.

பவித்ரா மருத்துவ பயிற்சியில் இருப்பதால் ஞாயிறு செல்ல வேண்டியதில்லை. தேவையெனில் மட்டுமே கபிலன் அழைப்புக்கு ஏற்ப செல்லவேண்டும். கபிலன் சொல்வதுண்டு “டாக்டருக்கும் விடுமுறை தேவை. குடும்பத்துக்கும் முக்கியத்துவம் கொடுக்கணும். டாக்டர் மனுஷன்தான் மெஷின் இல்ல”. ஆனால் அவன் விடுமுறை என்றாலும் மருத்துவமனைக்கு போன் செய்து நோயாளியைப் பற்றி விசாரித்தபடி இருப்பான். தேவையெனில் அடுத்த நொடி சென்றுவிடுவான்.

ஸ்கூடியை நிறுத்தி பவித்ரா டிபார்ட்மென்டல் ஸ்டோருக்கு சென்றாள். தனக்கு வேண்டியவற்றை அவசரம் இல்லாமல் பார்த்துப் பார்த்து வாங்கினாள். வீட்டிற்குத் தேவையான பொருட்களை ஒவ்வொன்றாய் எடுத்தாள்.

அவள் இருந்த இடத்திற்கு எதிர்த் திசையில் ஒரு சிறுவன் ஐந்து வயது இருக்கும் எட்டி சாக்லட்டை எடுக்க முயன்றபடி இருந்தான். அவன் குட்டி கைக்குள் சாக்லேட் அகப்படமாட்டேன் எனப் பிடிவாதம் பிடித்தது போலும். பவித்ரா அருகேச் சென்று நான்கைந்து 5ஸ்டார் பார்களை எடுத்து குழந்தை கையில் திணித்தாள்.

பிரகாச புன்னகையுடன் தன் சின்ன கையில் அத்தனையும் குழந்தை அள்ளிக்கொண்டது. உலகத்தில் கோடிக் கோடியாய் பணம் வைத்திருப்பவனுக்குக் கூட இத்தனை மனநிறைவு இருக்குமா என்பது ஐயமே!

“தேங்க்ஸ்” என்றது மழலை மாறாமல் கண்களை உருட்டியபடி

புன்னகையுடன் “அம்மா எங்க? தனியா இருக்க? ” பவி கேட்கப்

பதில் சொல்லத் தெரியாமல் விழித்த குழந்தை “அப்பா சாக்லட்” என்றபடி தன் அப்பா உள்ள திசை நோக்கி வேகமாக ஓடியது.

அதற்குள் “ஆதி” என அழைத்தபடி வந்தவரை யாரோ என எட்டிப்பார்த்தாள் பவி. கபிலன் நின்றிருந்தான் “அப்பா சாக்லேட் “ எனக் குழந்தை தன் கையுயர்த்திக் காட்ட

“இத்தனை சாக்லேட் சாப்ட்டா என்னடா ஆகும்?” என ஒன்றைத் தவிர மற்றதை எடுத்து வைத்துவிட்டான்.

“அப்பா எல்லா சாக்லேட்டும் வேணும்” என்று சிணுங்கிய குழந்தையைத் தூக்கியவன் “ ஆதி குட் பாய் ஆச்சே அப்பா சொன்னா கேட்டுப்பான் தானே?” கொஞ்சி முத்தமிட்டான் குழந்தையை.

About the Author

Subhasree

Subhashree's popular stories in Chillzee KiMo

Kadhal Circus
Kallaraiyil oru karuvarai
Suzhalum marmam

Completed Stories

On-going Stories

Karuppu vellai vaanavil (No schedule)
Kaalingan (No schedule)

More articles from this author

Add comment

Comments

+1 # RE: தொடர்கதை - காளிங்கன் - 03 - சுபஸ்ரீ — Srivi 2020-07-05 14:13

Very nice initial episodes sis..nalla thodakkam.. awesome a irukku.. eager to read forth coming episodes..all the best sissie

Login to your account

Create an account