Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (2 Votes)
தொடர்கதை - கனவுகள் மட்டும் எனதே எனது... - 07 [Summer special series] - 5.0 out of 5 based on 2 votes

07. கனவுகள் மட்டும் எனதே எனது... - வினோதா

07. ஏன் தண்டனை நான் இங்கே வாழ்வதும்...

ஸ்டார் பக்ஸினுள் நுழைந்துவிட்டு,

“உனக்கென்ன வேணும் நந்தினி? எனக்கு தலை வலிக்குது, கத்தி கத்தி தாகமா இருக்கு, நான் காஃபி குடிக்க போறேன்” என்றாள் அனாமிகா.

“எனக்கு எதுவும் வேண்டாம்ப்பா...”

Kanavugal mattum enathe enathu

“ஏன் என்ன டையட்டா? சும்மா இரு... கலோரி கம்மியான காஃபி வாங்கலாம்...”

“வேண்...”

நந்தினி பேச தொடங்கும் முன்பே திரும்பி ஆர்டர் செய்ய தொடங்கினாள் அனாமிகா.

நந்தினிக்கு அவளின் இந்த உரிமை கலந்த பேச்சும் நடவடிக்கையும் புதிதாக இருந்தது.

அவளின் தம்பியும், தங்கையும் கூட இப்படி அவளிடம் ஒட்டிக் கொண்டதில்லை.

ஐந்து நிமிடத்தில் தயாரான காபி கோப்பைகளை வாங்கிக் கொண்டு இருவரும் ஓரிடத்தில் அமர்ந்தனர்...

“இந்தா உனக்கு நான்-ஃபேட் கேப்பச்சீனோ... வெறும் சிக்ஸ்ட்டி கலோரிஸ் தான்...”

“நான் அவ்வளவு நுணுக்கமா எல்லாம் கேலோரிஸ் கணக்கு பார்த்து சாப்பிடுறதில்லை அனாமிகா...”

“அது தான் தெரியுதே. இனிமேல் அப்படி இருக்காதே... ஜிம்க்கு போ... சலோன் போ... ஹேர் ஸ்டைல் மாத்து...”

நந்தினி அமைதியாக அவள் முன் இருந்த கோப்பையில் இருந்த காபியை ஸ்ட்ராவினால் கலக்கிக் கொண்டிருந்தாள்.

“எனக்கு ஸ்ட்ரா எடுக்க மறந்துட்டேன்... எடுத்துட்டு வரேன்...”

அவசரமாக நாற்காலியில் இருந்து அனாமிகா எழுந்திருக்க, அவளுடைய வாலேட் (wallet) கீழே விழுந்து, அதில் இருந்த பொருட்கள் சிதறியது...

“நீ போய் ஸ்ட்ரா எடு, நான் இதை எடுத்து வைக்கிறேன்...” என்றாள் நந்தினி.

அனாமிகா நகர்ந்து செல்ல, நந்தினி கீழே விழுந்திருந்த பொருட்களை சேகரித்து அனாமிகாவின் வாலெட்டினுள் வைத்தாள்...

எத்தனை, அறைகள், எத்தனை பொருட்கள் என்ற யோசனையுடன் வைத்தவள், வாலெட்டை மூட முயன்ற வேளையில் தான் அதை கவனித்தாள்.

அது ஒரு போட்டோ...

அனாமிகா வருகிறாளா என்று பார்த்து விட்டு வாலெட்டை நன்றாக திறந்து பார்த்தாள்... இப்போதைய விலை உயர்ந்த லெதர் பைகளில் இருக்கும் ரகசிய அறை போல் உள்ளே மறைவாக இருந்த அந்த இடத்தில் இருந்த போட்டோவில் சற்று முன் பார்த்த ஷ்யாம் சிரித்துக் கொண்டிருந்தான்.

நம்பமுடியாமல் பார்த்தாள் நந்தினி!

இது அதே ஷ்யாம் தான் அதில் சந்தேகம் இல்லை...

மேலோட்டமாக பார்த்தால் இந்த போட்டோ இருப்பது தெரியாது...

வேலை மெனக்கெட்டு மறைத்து வைத்திருப்பது புரிந்தது...

வேறு யார் அனாமிகா தான் வைத்திருக்க வேண்டும்...

ஆனால் அவளின் கோபம், அழுகை எல்லாம்...!!!???

ல்லாம் எடுத்துட்டீயா தேங்க்ஸ் நந்தினி”

அனாமிகாவின் குரல் கேட்டு வேகமாக வெலட்டை மூடிய படி

“எடுத்தாச்சு, இந்தா உன் வாலெட்... ரொம்ப நல்லாருக்கு...” என்றாள் நந்தினி.

“மேசீஸ்ல வாங்கினேன்... உனக்கும் நிறைய பொருள் வாங்கணும்... இன்னைக்கு நிறைய ஷாப்பிங் செய்ய ப்ளான் வச்சிருந்தேன்... எல்லாம் அந்த ஸ்டுபிட்னால ஸ்பாயில் ஆச்சு...”

“உனக்கு அந்த ஷ்யாமை எவ்வளவு வருஷமா தெரியும்?”

“இப்போ எதுக்கு அவனை பத்தின பேச்சு? எனக்கு ஏற்கனவே தலை வலிக்குது...”

அனாமிகாவின் மீது சுவாரசியமான ஒரு பார்வையை வீசியதை தவிர நந்தினி எதுவும் கேட்கவில்லை.

சென்னை வெயிலுக்கு போட்டி போடுவது போல், நியூஜெர்சியிலும் வெயில் கொளுத்திக் கொண்டிருந்தது.

நந்தினி வெயிலை பொருட்படுத்தாமல் அந்த வீட்டின் முன் இருந்த தோட்டத்தில் உலாவிக் கொண்டிருந்தாள்... அவளுக்கு தோட்ட வேலை பழக்கமில்லை...

மற்றபடியும் தோட்டத்தை சரி செய்ய ஆட்கள் வாரம் இருமுறை வந்து போனார்கள்...

அழகாக வெட்ட பட்ட செடிகளும்... பூத்து குலுங்கும் ரோஜாக்களும்...

ஆங்காங்கே காற்றுக்கு தலை அசைத்து ஆடிக் கொண்டிருந்த மரங்களும்...

நடப்பதற்கு பஞ்சு போல் சமமாக வெட்ட பட்டிருந்த புல்வெளியும்...

எதுவுமே அவளின் மனதை கவரவில்லை...

அவளுடைய கோர்ஸை தொடர்ந்திருந்தால் இந்நேரம் செமஸ்டர் எக்ஸாம் தொடங்கி இருக்கும்... அவளுடன் படித்த மற்றவர்கள் பேஸ்புக்கிலும், ட்விட்டரிலும் போடும் மெசேஜுகளை பார்க்கும் போது அவளின் மனதினுள் அவளையும் அறியாமல் ஏக்கமும், ஆதங்கமும் ஏற்பட தான் செய்தது...

எத்தனை எத்தனை கனவுகள் வைத்திருந்தாள்...!

அவளையும் அறியாமல் அவளின் கைகள் கழுத்தில் இருந்த அந்த சங்கிலியை வருடின...

எங்கிருந்து எங்கே வந்து மாட்டிக் கொண்டிருக்கிறாள்?

ஒழுங்கு மரியாதையாக சென்னைக்கே திரும்பி இருந்திருக்கலாம்... ஒரு வேலையை தேடிக் கொண்டு கடனை கொஞ்சம் கொஞ்சமாக அடைத்திருந்திருக்கலாம்...

ஆனால் அது அத்தனை எளிதானதா?

எல்லாமே சொல்லும் போதும், நினைக்கும் போதும் எளிதாக தான் இருக்கின்றன... இந்த பொம்மை கல்யாணத்தை போல...!

சதீஷ் குமார்!

இவனை என்ன செய்வது? எந்த விதத்தில் சேர்ப்பது?

மிஸ்டர் எஸ்ஸாம்!!! எஸ்! மண்ணாங்கட்டி எஸ்!

ஜமைக்காவில் என்ன செய்துக் கொண்டிருப்பான் அவன்?

அவளை பற்றிய நினைப்பு அவனின் மனதின் ஓரத்திலாவது இருக்குமா?

ப்ச்... அவனின் அறையில் பார்த்த போட்டோக்களின் நினைவில் அவளுக்கு மனம் கசத்தது!

இந்த திருமணத்தின் எதிர்காலம் என்ன? அவளின் எதிர்காலம் என்ன?

லோ! ஹலோ....” எங்கிருந்தோ அந்த குரல் ஒலித்தது.

தன் யோசனையில் இருந்து விடுபட்டு குரல் வந்த திசையை பார்த்தாள். அங்கே ஷ்யாம் நின்றிருந்தான்!

அந்த சிறிய காம்பவுன்டின் அருகே வீட்டினுள் வராமல் வெளியே நின்றிருந்தான்.

இவன் என்ன செய்கிறான் இங்கே?

அவள் தயக்கத்துடன் நிற்க,

“ஹலோ...” என்றான் அவன் மீண்டும்!

நந்தினிக்கு ஏனோ முதல் நாள் வகுப்புக்குள் வர தயங்கி நிற்கும் பள்ளி மாணவன் போல் அவன் தோன்றினான்...!

ஆனாலும் அனாமிகா அவளிடம் சொன்னதின் நினைவில், தயக்கத்துடனே,

“ஹலோ...” என்றாள் அவள்.

“நீங்க சதீஷோட வைஃப்பா? நேத்து சாந்தி சொன்னாங்க...”

சதீஷின் மனைவி...!

அவளுக்கு கிடைத்திருக்கும் புதிய அங்கீகாரமா? இல்லை அவள் அணிந்திருக்கும் அரிதாரமா?

“உங்க கல்யாணம் பத்தி தெரிஞ்சிருந்தா முன்பே வந்து விஷ் செய்திருப்பேன்...”

“பரவாயில்லை...”

  •  Start 
  •  Prev 
  •  1  2  3  4  5 
  •  Next 
  •  End 

Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# LovelyKiruthika 2016-07-14 13:00
Bindu you have wonderful talent in narrating the story just wow wow wow
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)

சுடச் சுடச்...!

 

Go to top