Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Friends, Chillzee KiMo is all set to be released 👏👏! Please visit Chillzee KiMo website - www.kimo.chillzee.in to learn about the subscription plans and other details.

Friends, Chillzee KiMo is all set to be released 👏👏! Please visit Chillzee KiMo website - www.kimo.chillzee.in to learn about the subscription plans and other details.

 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (1 Vote)
சிறுகதை - சிரித்து வாழவேண்டும் - ரவை - 5.0 out of 5 based on 1 vote
Pin It

சிறுகதை - சிரித்து வாழவேண்டும் - ரவை

couple

"ம்மா! நீ ஏம்மா, எல்லா நாளும் நாங்க எல்லாரும் சாப்பிட்டு முடிச்சபிறகு, தனியா சாப்பிடறே?"

"அதுவா, நான் சொல்றேன்! அவ சமைச்சதை சாப்பிட்டுவிட்டு, நாம உயிரோட இருக்கோமான்னு தெரிஞ்சபிறகு, பயமில்லாம நிறைய சாப்பிடத்தான்......!"

அனைவரும் சிரித்தனர், அம்மா உட்பட!

"அப்பா! நீ ரொம்ப மோசம்ப்பா! இருபத்தைந்து வருஷமா அம்மா சமைச்சதை சாப்பிட்டு, ஒட்டரைக்குச்சி மாதிரியிருந்த உடம்பை, டபுள்பேரலா பெருக்கிக்கிட்டு, இப்படி அவதூறா பேசக்கூடாதுப்பா!"

"சுசீலா! அப்பாவை கோவிச்சுக்காதேடீ, பாவம்டீ அவர்! ஏதோ கடவுள் புண்ணியத்திலே, அவர் இதுவரையிலும் உயிரோட இருக்கார், எவ்வளவுநாள்தான் கடவுள் காப்பாத்துவார், நாமும் கொஞ்சம் உஷாராயிருக்கணும் இல்லையா, நாளையிலிருந்து, என் சாப்பாட்டை மறந்துட்டு, அப்பா நடுத்தெரு கையேந்தி பவன்லே, சாப்பிடுவார்!"

"ஐயையோ! அப்பா ஓட்டல் சாப்பிட்டார்னா, ரெண்டாவது நாளே, அவர் வயத்திலே உள்ள அல்சர், ரணமாகி, ஆஸ்பத்திரியிலே படுத்துடுவார். நீயும் நானுந்தான், அங்கேயும் இங்கேயும் ஓடணும்......"

"சரி, அப்ப சமையலுக்கு ஒரு ஆள் போட்டுடலாம்,........"

"ஹையா! நல்ல சமையற்காரியா நானே பார்த்து அழைச்சிண்டு வரேன்.....அதுவும், இந்த கல்கத்தாவிலே, பிரமாதமா கிடைப்பாங்க....."

"பார்ப்பீங்க, பார்ப்பீங்க! கண்ணை தோண்டிடமாட்டேனா!  நான் போய் ஒரு நல்ல சமையற்காரனா......"

"போதும், நிறுத்துங்க! அப்பா, அம்மா, வயசுவந்த பொண்ணு என்னை வைச்சிண்டு பேசற பேச்சா இது?"

"சுசீலா! என் வாயைக் கிளறி வார்த்தைகளை பிடுங்கி வெளியே வரவைச்சிட்டு, இப்படி என்னை சோறுதண்ணியில்லாம சாகடிச்சிட்டியே, தப்பு, தப்பு, நான் சொன்னதை அன்கண்டீஷனலா வாபஸ் வாங்கிக்கிறேன், இந்த தீபாவளிக்கு அம்மாவுக்கு பட்டுப் புடவை வாங்கித்தரேன், என்னை காப்பாத்து!"

எல்லோருடைய சிரிப்புச் சத்தத்தை அமுக்கிக்கொண்டு, கேட்டது, பக்கத்து அபார்ட்மெண்ட் குழந்தையின் அழுகை!

அதிர்ச்சியில் அப்பா, அம்மா, சுசீலாவுடன் அவளுடைய தம்பியும் தங்கையும் கதவைத் திறந்துகொண்டு, அடுத்த அபார்ட்மெண்ட் கதவைத் தட்டினர்.

Pencilஹாய் பிரெண்ட், கதையை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் down

கதவு திறந்ததும், "என்ன, என்னாச்சு? ஏன் குழந்தையை அப்படி பில்டிங்கே கேட்கும்படி அழவிடறீங்க?"

"என்ன உளர்றீங்க? எங்க வீட்டிலே ஏது சின்னக்குழந்தை? கிழவன், கிழவியை தனியா தவிக்கவிட்டுப் போயிட்டாங்க, நாங்க பெத்த பிள்ளைங்க நாலும்!....."

"நிச்சயமா உங்க வீட்டிலிருந்துதானே வந்தது, குழந்தை அழுகை! எப்படி?"

"இத பாருங்க! பொழுது போக நாங்க டி.வி.யிலே 'அனாதைக் குழந்தை' சீரியல் பார்த்துக்கிட்டிருக்கோம், அந்தக் குழந்தை பிறந்த சீனை இப்பத்தான் காட்டினான்......"

சுசீலாவுக்கு புரிந்துவிட்டது, அந்த அழுகைச் சத்தம் பிறந்த இடம், டி.வி!

அதை மற்றவர்களுடன் பகிர்ந்தகொண்டதும் எல்லோரும் வாய்விட்டு சிரித்து மகிழ்ந்தனர்!

அந்த வயதான தம்பதிகளுக்கு, செவிகள் கேட்கும் திறனையிழந்து பல ஆண்டுகளாகி, காதுமெஷின் உதவியிலே சமாளிக்கிறாங்க.

"காது மெஷின் போட்டுக்கலையா?"

"அதுவா? மெஷின் பேட்டரி பவர் போயிடுத்து, புதுசு வாங்கிண்டு வரணும், கொட்டற மழையிலே வெளியிலே போகமுடியலே.......'"

"அதனாலேதான், உங்க காதிலே, குழந்தை அழற சத்தம் கேட்கலை, டி.வி. வால்யுமைவேற அதிகமா வைச்சிருக்கீங்க....."

"இல்லேன்னா, எங்களுக்கு சீரியலை ரசிக்க முடியலையே......"

"ஓ.கே., ஓ.கே., நீங்க என்ஜாய் பண்ணுங்க! உங்களை டிஸ்டர்ப் பண்ணினதுக்கு சாரி கேட்டுக்கறோம்....."

"அவசரமா? உட்காருங்களேன், கொஞ்சம் பேசிட்டு போகலாமே..."

சுசீலாவும் அவள் தம்பி, தங்கையும் செல்ல, பெற்றோர் அங்கிருந்த சோபாவில் அமர்ந்தனர்.

"உங்க பிள்ளைங்களோட வசிக்கலாமே, தனியா இங்க ஏன் கஷ்ட்ப்படறீங்க?"

"பிள்ளைங்க எந்த ஊரிலே இருக்காங்கன்னு கேட்கறீங்களா?"

"பெரியவர் காதிலே நீங்க கேட்டது, சரியா விழலே, கொஞ்சம் சத்தமா பேசுங்க......"

"ஆமாம், அவர் என்னைவிட ஏழுவயசு மூத்தவர், அந்தக்காலத்திலே இந்த வயசு வித்தியாசம் ரொம்ப சகஜம்....."

சுசீலாவின் பெற்றோர் சிரிப்பை அடக்க முடியாமல், தலையை குனிந்துகொண்டனர்.

சுசீலாவின் அப்பா, நாதன், பெரியவரின் அருகே அமர்ந்து, அவர் காதில் விழும்படியாக உரக்க கேட்டார்.

"உங்களுக்கு எந்த காது கேட்கும்?"

  •  Start 
  •  Prev 
  •  1  2  3  4  5 
  •  Next 
  •  End 

Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top