Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

1 1 1 1 1 Rating 5.00 (2 Votes)
தொடர்கதை - முப்பொழுதும் உன் நினைவே - 16 - சசிரேகா - 5.0 out of 5 based on 2 votes
Pin It

தொடர்கதை - முப்பொழுதும் உன் நினைவே - 16 - சசிரேகா

Muppozhuthum un ninaive

ல்யாண மண்டபம்

ஆடிட்டர் மெல்ல யோசிக்கலானார்.

”எங்க தப்பு நடந்துச்சி?

எப்படி தப்பு நடந்துச்சி?

இந்த கல்யாணம் இப்படி நடக்கறது எனக்கு மட்டும்தான் அதிர்ச்சியா இருக்கு ஆனா, சுத்தியிருக்கற சொந்தபந்தங்கள் எல்லாருமே சந்தோஷமாதானே இருக்காங்க எப்படி?

அப்ப எல்லாருக்கும் இந்த கல்யாணத்தைப்பத்தி தெரிஞ்சிதான் வந்தாங்களா என்ன?” என அவர் நினைத்துக் கொண்டிருந்த சமயம் திருமண சடங்குகள் முடிந்ததும் சங்கரனது திருமணத்திற்காக பலர் மொய் கவர்கள் கிப்ட்டுகளுடன் மேடையில் ஏறிக் கொண்டிருந்தார்கள். அவர்கள் தந்தவற்றை வாங்கி பின்னாடி இருந்த ஜேம்ஸ் மற்றும் ஜார்ஜிடம் தர அவர்கள் அதை பத்திரமாக வைத்துக் கொண்டார்கள்.

மொய் கவர் கொடுத்தவர்கள் கீழே இறங்கி சங்கரனது தாய் தந்தையிடம் சில வார்த்தைகள் பேசிவிட்டு சென்றார்கள். அங்கு நடக்கும் அனைத்தையும் கண்ட ஆடிட்டர் மட்டும் முகத்தை குழப்பத்துடனே வைத்திருந்தார். அவரது முகத்தை கண்டால் வீண் பிரச்சனை என நினைத்த சங்கரனோ ஆடிட்டர் என்ற ஒரு ஜீவன் அங்கு இருப்பதை மறந்து புது மாப்பிள்ளை போல வந்தவர்களிடம் அளவலாவிக் கொண்டு இருந்தான் சாந்தியோ வந்தவர்களிடம் இருந்து கிப்ட்களை வாங்கிக் கொண்டு சிரித்து வழியனுப்பினாள்.

ஆடிட்டருக்கு சந்தேகம் அதிகமானது

”என் பொண்ணு கூட சந்தோஷமா இருக்காளே அப்படின்னா அவளுக்கு இந்த கல்யாணத்தைப் பத்தி தெரிஞ்சிருக்கு

அவள் என்கிட்ட மறைக்க மாட்டாளே எப்படி மறைச்சா?

என் பொண்டாட்டியும் சந்தோஷமா நிக்கறா, கல்யாணம் செஞ்சிக்க வேண்டிய வசுவும் ஆன்டர்சனும் கூட அமைதியா இருக்காங்க, நேத்து இவங்களுக்கு ரிசப்ஷன் வேற ஆச்சி இன்னிக்கு சங்கரனுக்கு கல்யாணம் ஆகுது எப்படி இது? ஆக எல்லாருக்கும் தெரிஞ்சிருக்கு என்னைத்தவிர எந்த இடத்தில நான் தவற விட்டேன், ஏதோ ஒரு இடத்தில நான் தப்பு பண்ணிட்டேன், என்னையும் மீறி ஒரு விசயம் நடந்திருக்கு அது என்ன? அந்தச் சின்ன தப்பு என்ன?” என அவர் பலமாக யோசிக்கும் போது கல்யாணத்திற்கு வந்திருந்த ஒருவர் ஆடிட்டரிடம் வந்தார்

Pencilஹாய் பிரெண்ட், அத்தியாயத்தை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் down

”ஒரே மேடையில 2 கல்யாணம் முடிச்சிட்டீங்க சார் வாழ்த்துக்கள்” என சொல்ல அவரும் கஷ்டப்பட்டு சிரித்து வைத்தார்

”நீங்க செஞ்சது சரிதான், என்னதான் லவ் மேரேஜா இருந்தாலும் ஊருக்குள்ள ஆயிரம் கசப்பு வார்த்தைகள் பேசுவாங்க, அவமானப்படுத்துவாங்கன்னு தெரிஞ்சு நேத்தே உங்க பெரிய பொண்ணுக்கு ரிஜிஸ்டர் மேரேஜ் பண்ணிட்டு, ரிசப்ஷன் வைச்சது சூப்பர் சார்” என அவர் சொல்லிவிட்டு அவர் சாப்பிட சென்றுவிட ஆடிட்டர் அதிர்ந்தார்

”என்னது வசுவுக்கு கல்யாணம் ஆயிடுச்சா” என தனக்குத்தானே அதிர்ச்சியுடன் கேட்டுக் கொண்டார் சில நொடிகள் கழித்து இன்னொருவர் வந்தார்

”எப்படியோ பிரிஞ்சிருந்த குடும்பத்தை சேர்த்துட்டீங்க, உங்களை போல தங்கமான மனசு யாருக்கு வரும் நீங்க பத்திரிகை கொடுத்தப்ப கூட நான் நம்பலை, எப்படி இவங்க ஒண்ணு சேர்ந்தாங்கன்னு ஆனா இங்க வந்த பின்னாடிதான் தெரிஞ்சது சந்தோஷம் சார் வாழ்த்துக்கள்” என சொல்ல ஆடிட்டரோ

”பத்திரிகை இருக்கா” என கேட்க அவரும்

”இந்தாங்க சார் அதான் கல்யாணம் முடிஞ்சிடுச்சே அப்புறம் எதுக்கு இது?”

“அது கல்யாணத்தை ரிஜிஸ்டர் பண்றதுக்கு”

“ஓ சரி சரி இந்தாங்க” என பத்திரிகையை கொடுத்துவிட்டு அவர் சாப்பிட சென்றுவிட அவசரமாக அந்த பத்திரிகையைப் பிரித்துப் பார்த்தார் மேல் கவரில் வசுமதியும் ஆன்டர்சனும் இருந்தார்கள். உள்ளே திறந்து பத்திரிகையைப் பார்க்க அதில் சங்கரனுக்கும் சாந்திக்கும் கல்யாணம் என இருந்தது. அதிர்ந்தவர் அந்த பத்திரிகையையே உற்றுப் பார்த்தார். அவரது கவனம் பின்னோக்கிச் சென்றது 1 மாதம் முன்பு இதே பத்திரிகையைக் கொண்டு வந்து சங்கரன் காட்டியது சட்டென நினைவுக்கு வந்தது.

”அடப்பாவி ஒரு பத்திரிகையை தயார் செஞ்சி என்னை ஏமாத்த கொண்டு வந்து காட்டிட்டு மீதி 2000 பத்திரிகையை உன் கல்யாணத்துக்கு தயாரிச்சிருக்க, இதை வேற என் கையால 2000 பேருக்கு கொடுக்க  வைச்சிட்டியே, நீ புத்திசாலிடா, அறிவாளி ஆனா, நான் உன்னை விட அதிபுத்திசாலி, மேதாவி, என் கண்லயே விரலை விட்டு ஆட்டிட்டல்ல, இனிமே பாரு என்ன நடக்குதுன்னு எப்படியும் என் கன்டிஷன்படி நீ வீட்டோட மாப்பிள்ளையா வருவல்ல வா வா உன்னை எப்படி அலைக்கழிக்கிறேன்னு பாரு” என அந்த பத்திரிகையை தன்னிடமே பத்திரமாக வைத்துக் கொண்டு இம்முறை குழப்பமில்லாத முகத்துடன் தெளிவாக சிரித்தபடியே மேடையை பார்த்துக் கொண்டும் வருபவர்களிடம் பேசி நன்றி கூறி வழியனுப்பிக் கொண்டிருந்தார். அவரின் செயலைக் கவனித்த ராஜசேகர் மெதுவாக மேடையேறி சங்கரன் பக்கம் வந்து மெதுவாக அவனிடம் பேசினார்

“சங்கரா அங்க பாரு உன் ஆடிட்டர் மாமாவை எழுந்து கத்தி சண்டை போடுவார்ன்னு பார்த்தா சிரிச்ச மேனிக்கு இருக்காரு என்னடா நடக்குது அவருக்கும் இங்க நடக்கறது தெரியுமா”

About the Author

Sasirekha

Sasirekha

Like to read stories? Now you can read full novels at Chillzee KiMo. No wait time,  No ads, No restrictions!!!

Completed Stories
On-going Stories
Add comment

Comments  
# RE: தொடர்கதை - முப்பொழுதும் உன் நினைவே - 16 - சசிரேகாsasi 2018-11-09 07:54
கதையின் முடிவை ஆதரித்து பாராட்டிய அனைவருக்கும் நன்றிகள் எனது கதையை இத்தனை வாரமும் தொடர்ந்து படித்து அனைத்து நல்ல உள்ளங்களுக்கும் எனது நன்றிகள்
Reply | Reply with quote | Quote
+1 # RE: தொடர்கதை - முப்பொழுதும் உன் நினைவே - 16 - சசிரேகாsaaru 2018-11-08 22:06
Nice end sasi
Reply | Reply with quote | Quote
+1 # RE: தொடர்கதை - முப்பொழுதும் உன் நினைவே - 16 - சசிரேகாmahinagaraj 2018-11-08 17:51
வாவ்... அருமையான பதிவு மேம்... :clap: :clap:
சும்மாவா சொன்னாங்க அனுபவ பாடத்தைவிட சிறந்தது இருக்கும்மான்னு... ஆடிட்டரின் அனுபவம் எதிர்காலத்தையும் கனித்து முன்கூட்டியே திட்டமிட வைத்துள்ளது சூப்பர்.. :hatsoff: :clap:
ஆடிட்டரின் கடையாக மனம்திறந்து பேசியது ரொம்ப சூப்பர்..
சிவாவின் மாற்றங்கள் நன்மை... :roll:
சாந்தியின் மெச்சுரிட்டீ செம... :P ;-)
அருமையான கதை மேம்... :clap: :clap:
:thnkx:
Reply | Reply with quote | Quote
+1 # RE: தொடர்கதை - முப்பொழுதும் உன் நினைவே - 16 - சசிரேகாராணி 2018-11-08 07:37
நல்ல படியாக கதையை முடித்துவிட்டீர்கள். :GL:
Reply | Reply with quote | Quote
+1 # RE: தொடர்கதை - முப்பொழுதும் உன் நினைவே - 16 - சசிரேகாvijayalakshmi 2018-11-08 07:35
சூப்பரா இருக்கு இந்த எபி கதை முடிந்துவிட்டது சிவசங்கரன் மற்றும் சாந்தியின் அழகான வாழ்க்கைக்கு வாழ்த்துக்கள்
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top