Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (2 Votes)
தொடர்கதை - காதலை பெற எத்தனிக்கிறேன் - 19 - சசிரேகா - 5.0 out of 5 based on 2 votes
Pin It

தொடர்கதை - காதலை பெற எத்தனிக்கிறேன் - 19 - சசிரேகா

Kadhalai pera ethanikkiren

விடிந்தது.

காலையில் 4 மணிக்கு எழுந்ததும் கௌதம்

”தேஜா” என கத்தினான்.

தேஜாவோ அப்போதுதான் எழுந்து ஹாலுக்கு வந்தாள். அங்கு தன் தந்தையிருக்கவே

“அப்பா நீங்க ஏன் இங்க இருக்கீங்க நைட் எல்லாம் தூங்கலையா”

”அந்த கௌதம் வரவும் என் தூக்கம் போச்சி”

“அப்பா அவர் நல்லவரு, நீங்க அவரை புரிஞ்சிக்குங்க”

“என்னத்த நான் புரிஞ்சிக்கறது, என்னை நீ புரிஞ்சிக்க மாட்டியாம்மா, அவன் வேணாம்மா உனக்கு, அவன் கூட உன்னால அந்த போர்ஷன் வீட்ல வாழ முடியாது”

“அப்பா எனக்கு அந்த வீடு தான் பிடிச்சிருக்கு”

இந்த வீட்ல என்ன குறை, என்ன இல்லை சொல்லு, நான் வாங்கி வைக்கறேன்”

“இல்லைப்பா இந்த வீட்ல வெறும் பணம், ஆடம்பரம், ஸ்டேட்டஸ் இதான் இருக்கு ஆனா, அந்த வீட்ல அன்பு இருக்கு, பாசம் இருக்கு, இந்த வீட்ல எனக்கு தெரிஞ்சி சொந்தங்கள் வந்ததே இல்லை, நீங்க அம்மா வேலைக்காரங்க தவிர வேற யாரும் இல்லை

ஆனா அங்க ஒரு குடும்பமே இருக்கு, கோதாவரி ஆன்ட்டி, கதிரவன் அங்கிள், பாரதிக்கா அவங்க குடும்பம் குழந்தைகள், திலகா அக்கா, அவங்க குழந்தைங்க, அந்த வீட்ல இருக்கறப்ப நான் சந்தோஷமா இருந்தேன். அவங்க எல்லாருமே என்னை அவங்க சொந்தமா பார்த்தாங்க. ஆன்ட்டி என்னை அவங்களோட பெத்த பொண்ணு மாதிரி பார்த்துகிட்டாங்க, எனக்கு தலைவலி, காய்ச்சல் வந்தா போதும் என் நெத்தியில பத்து போடறது கூடவே இருந்து கசாயம் காச்சி தர்றது, டாக்டர் கிட்ட கூட்டி போறதுன்னு என் பக்கத்திலேயே இருப்பாங்க

Pencilஹாய் பிரெண்ட், அத்தியாயத்தை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் down

ஆனா இங்க காய்ச்சல் வந்தா டாக்டர் வருவாரு, இல்லை நர்ஸ் என் கூட இருப்பாங்க, அம்மாவும் இருப்பாங்க என்ன கொஞ்சம் தள்ளியிருப்பாங்க, அவங்களை என்கிட்ட கூட நீங்க உட்கார விடறதில்லை கேட்டா பாரின்ல இதான் கலாச்சாரம், இங்கயும் இப்படித்தான் இருக்கனும்பீங்க

ஆனா அங்க அப்படியில்லை. கதிரவன் அங்கிள் வாரத்துக்கு 3 முறை என்னை கூட்டிட்டு கோயிலுக்குப் போவாரு, அங்க பார்க் இருக்கு, தினமும் அவர் கூட நான் வாக்கிங் போனேன், எனக்கு எவ்ளோ குட்டி குட்டி கதைகள் சொல்வாரு தெரியுமா, நான் குழந்தைன்னு என் கையை பிடிச்சிட்டுதான் நடப்பாரு, அந்தமாதிரி ஒரு நாளும் நீங்க செஞ்சதில்லை. என்னை போர்டிங் ஸ்கூல்ல படிக்க வைச்சீங்க, பெரிய படிப்புக்கு பாரின்ல தள்ளினீங்க இதானே உங்க பாசம்

நான் படிச்சி முடிச்சி வந்த பின்னாடி கூட என்கிட்ட நீங்க சரியா பழகலையே, பேசலையே, அதுக்குள்ள கல்யாணம்னு சொன்னதும் நான் பயந்துட்டேன், இந்த வீட்லயே நான் ஜெயில் கைதி போல இருந்தேன், இதுல நீங்க பார்க்கற மாப்பிள்ளையை வேற இந்த வீட்டோட மாப்பிள்ளையா பேசவும் நான் பயந்துட்டேன். என் 25 வருஷத்தை இந்த வீட்ல ஒரு ஜெயில் கைதி போல வாழ்ந்து பார்த்துட்டேன். இதுல சாகற வரைக்கும் நான் இங்கயே இருக்கனுமான்னுதான் பயந்து ஓடிட்டேன்.”

“ஆனா நீ இதையெல்லாம் கேட்டிருந்தா நான் செய்திருப்பேனே தேஜா”

”கேட்டாதான் அன்பு கிடைக்குமாப்பா, நான் கேட்டுதான் அங்கிளும் ஆன்ட்டியும் என் மேல பாசம் பொழிஞ்சாங்களா, யாரோ அவங்க என்னை தன் பொண்ணா பார்த்தாங்க ஒத்துக்கறேன்பா, உங்க அளவுக்கு வசதி வாய்ப்பு அங்க அவங்க எனக்குத் தரலைன்னாலும் போதும் போதும்னு சொல்ற அளவுக்கு அன்பை வாரி இறைச்சாங்க அப்பா.

கௌதமை நீங்க தப்பா நினைக்கறீங்க ஆனா கௌதம் எவ்ளோ நல்லவரு தெரியுமா, ஒவ்வொரு விசயத்திலயும் என்னை யார்கிட்டயும் விட்டுக்கொடுக்காம எனக்காக வாழ்ந்தாரு. எனக்காக ஒரே நாள் ஒன்றரை லட்சம் வரை செலவு செஞ்சாரு, எதுக்கு என் தேவைக்குன்னு அவர் தலையணையிலிருந்து மிக்சி, கிரைண்டர், மளிகைசாமான்னு வாங்கிப் போட்டாரு. நான் பால் குடிக்கனும்னு காலையில 4 மணிக்கு எழுந்து பால்பாக்கெட் வாங்க ஓடுவாரு.

திரும்பி வர்றப்ப காய்கறி, நான் படிக்கறதுக்கு பேப்பர், கதைபுக், கிரைண்டர் வாங்கி கொடுத்திருந்தாலும் எதுக்கு அதுல நான் வேலை செஞ்சி கஷ்டப்படனும்னு எனக்கு இட்லி மாவு பாக்கெட் வாங்கி கொடுப்பாரு. 7 மணியானா குளிக்கறதுக்கு தண்ணி கூட வெளிய லைன்ல நின்னு பிடிச்சி கொண்டு வந்து கொடுப்பாரு. நான் எப்படி சமைச்சி போட்டாலும் சரி, ஒரு நாள் கூட குறை சொல்லாம அவர் சாப்பிட்டிருக்காரு. என்னிக்கும் நான் செய்றது எந்த வேலையானாலும் சரி அது அவருக்கு பிடிக்கலைன்னாலும் நான் தப்பா செஞ்சிருந்தாலும் எனக்காக விட்டுக்கொடுத்து நீதான் சரியா செஞ்சேன்னு உண்மையை மறைச்சி நல்லா இருக்குன்னு பாராட்டுவாரு

ஆனா நீங்க அம்மா செய்ற சமையலை எப்பவுமே குறை சொல்வீங்க அப்பா அவங்க பாவம், பைவ் ஸ்டார் சமையல அம்மாகிட்ட எதிர்பார்த்தா எப்படி. அவங்க அன்பா சமைக்கறது உங்களுக்குப் பிடிக்கலை, ஓட்டல்ல எவனோ பணத்துக்காக சோறு போடறான் அதை ஆஹா ஓஹோன்னு சாப்பிடறீங்க, உங்களை பொறுத்தவரைக்கும் வெளி உலகம்தான் முக்கியம் நானோ அம்மாவோ கிடையாது.

  •  Start 
  •  Prev 
  •  1  2  3  4  5  6  7  8 
  •  Next 
  •  End 

About the Author

Sasirekha

Sasirekha

Completed Stories
On-going Stories
Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# RE: தொடர்கதை - காதலை பெற எத்தனிக்கிறேன் - 19 - சசிரேகாmadhumathi9 2018-12-28 15:49
:Q: teja appaavin paasathai ketkkum pozhuthu varuthama thaanirukku.but gowdham ean veettai vittu veliye sella kaaranam enna? Nuce epi.waiting to read more. :thnkx: 4 this epi. (y) :clap: :GL:
Reply | Reply with quote | Quote
# RE: தொடர்கதை - காதலை பெற எத்தனிக்கிறேன் - 19 - சசிரேகாmahinagaraj 2018-12-28 12:02
ரொம்ப உருக்கமான பதிவு மேம்... :clap: :clap:
ரொம்ப சூப்பரா எழுதியிருக்கீங்க.. இந்த பதிவு எல்லா குடும்பத்திலும் நடப்பதை அப்படியே சொல்லுது.. செம.. :hatsoff:
கௌதம் ஏன் போராங்க.. :sad:
:thnkx:
Reply | Reply with quote | Quote
# RE: தொடர்கதை - காதலை பெற எத்தனிக்கிறேன் - 19 - சசிரேகாSrivi 2018-12-27 18:15
Acho mam ennadhu idhu...Teja appa. Solradhum niyama than irukku.but paavam Gautham .myen ippide sothanai
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top