(Reading time: 7 - 14 minutes)
Unathu kangalil enathu kanavinai kaana pogiren
Unathu kangalil enathu kanavinai kaana pogiren

“ஓ! பட் உங்களுக்கு பிடிக்கலைனா இப்போ என் கிட்ட நேரா சொல்ற மாதிரி எனக்கு பிடிக்கலை, வரலைன்னு அவங்க கிட்டேயும் சொல்ல வேண்டியது தானே? இது ஒரு மாதிரி இமோஷனல் ப்ளாக் மெயில் மாதிரில இருக்கு? பிடிக்காததை செய்து தான் அன்பை காட்டனுமா என்ன?”

   

“ப்ச்... உங்களுக்கு சொன்னால் புரியாது, விடுங்க!”

   

“சரி அந்த டாபிக்கை விட்டுடுறேன், ஏன் உங்களுக்கு சாமி நம்பிக்கை இல்லைனு சொல்லுங்க!”

   

“நான் ஏன் நம்பனும்? உங்களுக்கு அன்பான குடும்பம் இருக்கு, உங்களுக்கு பிடிச்ச பொண்ணையே கல்யாணம் செய்துக்க போறீங்க, சந்தோஷமா சாமி கும்மிடுங்க, நம்புங்க.... நான் ஏன் நம்பனும்?”

   

பொறுமை இழந்து கோபமாக ப்ரியா சொன்னதைக் கேட்டு கோபப் படாமல், வருத்தமும் அடையாமல், முதல் முறையாக ஒரு வரியை தாண்டி அவள் சொன்ன பதிலுக்காக சந்தோஷப்பட்டான் விக்கிராந்த்!

   

“நீங்க சொல்றது ரொம்பவே சரி! ஆனா, நீங்க சொன்ன எனக்கு பிடிச்ச அந்த பொண்ணு யாரு?”

   

“ஏன் கேட்குறீங்க? ஆர்த்தியை தான் சொன்னேன்...”

   

“ஓ, உங்களுக்கு லேட்டஸ்ட் நியூஸ் தெரியாது போல இருக்கே! ஆர்த்திக்கு சீக்கிரமே கல்யாணம் நடக்க தான் போகுது, ஆனால், அவ கல்யாணம் செய்துக்கப் போறது அவங்க அப்பாவோட பிஸ்னஸ் பார்ட்னரோட மகன் பிரதாப்பை...”

   

“வாட்?”

   

ப்ரியாவின் முகத்தில் ஒரு சில நொடிகளில் ஆச்சர்யம், கேள்வி, சந்தோஷம், வருத்தம், திகைப்பு என பலவிதமான உணர்ச்சி கலவைகள் தோன்றி மறைந்தன...

   

No comments

Leave your comment

In reply to Some User

Copyright © 2009 - 2024 Chillzee.in. All Rights Reserved.