Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

1 1 1 1 1 Rating 5.00 (2 Votes)
தொடர்கதை - காதலை பெற எத்தனிக்கிறேன் - 11 - சசிரேகா - 5.0 out of 5 based on 2 votes

”கௌதம் என்ன செய்றீங்க”

“அங்க பாரு தேஜா, என் கண்ணுக்கு எல்லாருமே பேய்களா தெரியறாங்க” என சொல்ல அவளும் சுற்றி முற்றி பார்த்துவிட்டு சிரித்துக் கொண்டே அவனுடன் நடந்தாள்

”கௌதம் இது அநியாயம் என்னை ஏன் இப்படி கூட்டிட்டு வர்றீங்க”

“அட வாம்மா அங்க பூத்ல உன்னை போல பெண்களும் இருக்காங்க பயப்படாத வா வா”

“இத்தனை நாளும் நீங்கதானே வாங்கினீங்க, இப்ப என்ன புதுசா”

“தினமும் நான்தான் வாங்கனுமா இனிமேல நீயும் என் கூட வந்து வாங்கு”

“கௌதம்”

“அட வா தேஜா, இங்க பாரு மார்கழி மாசம், காத்து இந்த நேரத்தில தான் சுத்தமா அடிக்குமாம், உன் ஹெல்த்துக்காகதான் சொல்றேன் வா வா” என அவன் சமாளிக்க அதைக் கேட்டு சிரித்துக் கொண்டே அவனுடன் நடந்தாள். பூத் வந்ததும் அங்கு பெண்கள் வரிசையில் அவளை நிற்க வைத்தவன் அவளிடம்

”நான் அங்க உட்கார்ந்திருக்கேன் நீ கிட்ட போனதும் என்னை கூப்பிடு நான் வரேன்” என சொல்லிவிட்டு அவன் சென்றுவிட தேஜாவும் லைனில் நின்றுக் கொண்டிருந்தாள்.

”என்னம்மா உன்னை விட்டுட்டு உன் புருஷன் அங்க போய் உட்கார்ந்துட்டான்” என ஒரு பெண்மணி கேட்க அதற்கு தேஜா

“அவரு டயர்டா இருக்காரு அதான்”

“அதுக்குன்னு இப்படியா இத்தனை நாளும் அவருதானே வாங்கினாரு இன்னிக்கு என்ன”

“இல்லை என் ஹெல்த்துக்காகத்தான் கூட்டிட்டு வந்தாரு”

“என்னம்மா சொல்ற புரியலையே”

“மார்கழி மாசம் ஆரம்பிச்சிடுச்சில்ல, இப்பதான் சுத்தமான காத்து அடிக்குமாம், அந்த காத்து நம்ம மேல பட்டா நம்ம உடம்புக்கு நல்லதாம், இந்த மார்கழி மாசம் முழுக்க நான் வருவேன் அப்புறம் நான் வரமாட்டேன்” என அவள் சொல்வது அங்கிருந்தவர்களின் காதிலும் விழ அவரவர்கள் தங்களுக்குள் ஏதேதோ பேசிக் கொண்டனர். தேஜாவின் முறை வந்ததும் அவள் கௌதமை அழைக்க அவன் வந்து நின்றான்

”இவங்க என் பொண்டாட்டிதான் பால் பேக்கெட் கொடுங்க” என சொல்ல கடைக்காரனும் தேஜாவை நன்றாக பார்த்துவிட்டு பால் பேக்கெட் தர அதை வாங்கிக் கொண்டு மீண்டும் இருவரும் காலார நடந்தார்கள். வரும் வழியில் இட்லி மாவு வாங்க செல்ல அங்கும் அவளை இழுத்துக் கொண்டுச் சென்றான்

”கௌதம் அதான் வெளிச்சம் வந்துடுச்சில்லை இன்னும் என்ன”

“வாம்மா, நீ ஒண்ணு வா வா” என அவளை இழுத்துக் கொண்டு மாவு வாங்கியவன் அடுத்து நியூஸ் பேப்பர் வாங்க செல்ல

”பேப்பர் வேணாம் கௌதம் கதை புக் வாங்கறேனே”

”சரி வாங்கிக்க” என சொல்ல கடைக்காரன் கௌதமிடம்

”என்ன சார் எப்பவும் நீங்க வருவீங்க இப்ப உங்க ஒய்ப்பை கூட்டிட்டு வந்திருக்கீங்க”

“அதுவா இந்த மார்கழி மாசம்தான் சுத்தமான காத்து வீசுமே அதான் அவளை கூட்டிட்டு வந்தேன்” என சொல்லிவிட்டு பணம் கொடுத்துவிட்டு அவளுடன் காய்கறி வாங்க அவள் மெதுவாக அவளுக்குப் பிடித்த காய்கறிகளை எடுத்துக் கொண்டிருந்தாள்

”என்னப்பா இன்னிக்கு உன் பொண்டாட்டியை கூட்டிட்டு வந்திருக்க”

”அதுவா அக்கா, இந்த மாசம் முழுக்க சுத்தமான காத்தடிக்கும், உடம்புக்கு நல்லது அதான் இவளை நான் இப்படி கூட்டிட்டு சுத்தறேன்” என சொல்லிவிட்டு அவளை அழைத்துக் கொண்டு வீட்டில் விட்டான் கௌதம். அடுத்து தண்ணீர் கொண்டு வந்து கொடுத்துவிட்டு அவசரமாக குளித்து ரெடியாகி டிபன் சாப்பிட்டு விட்டு அவளை அழைத்துக் கொண்டு கம்பெனிக்குச் சென்றவன் மாங்கு மாங்கு என வேலைகளை செய்துக் கொண்டிருந்தான். எதேச்சையாக கீர்த்தியின் கேபினை பார்த்த கௌதம் அதிர்ந்தான். அங்கு ஒரே கூட்டமாக இருக்கவும் அவரசமாக தேஜாவை காண ஓடினான்.

கேபினுக்குள் நுழைந்த கௌதம் அங்கு பார்த்தால் தேஜா கௌதம் சொன்ன கனவில் வந்த பேய் கனவை விலாவாரியாகச் சொல்ல அனைவரும் அதை உன்னிப்பாக கேட்டுக் கொண்டிருந்தார்கள். அதை கேட்டவனுக்கு ஆத்திரம் வர கத்தினான்

”என்ன செய்றீங்க எல்லாரும்” என அவன் கத்த அனைவரும் உடனே அவன் பக்கம் பார்த்தார்கள்.

”இன்னும் 10 நாள்ல ப்ராஜெக்ட் முடிக்கனும் இங்க கூட்டமா நின்னுக்கிட்டு என்ன செய்றீங்க” என கேட்க

”இல்லை நண்பா பேய் கதையை கேட்டுட்டு இருந்தோம், ரொம்ப சுவாரயஸ்மா இருந்திச்சி நீ வேணா கேட்டுப்பாரேன்” என கிஷோர் சொல்ல

”கதை கேட்கற நேரமா இது, போங்க எல்லாரும் அவங்கவங்களுக்கு கொடுத்த வேலையை இன்னும் 2 மணி நேரத்தில செஞ்சி கொண்டு வாங்க, தேஜா நீ என் கேபினுக்கு வா” என சொல்லிவிட்டு செல்ல மற்றவர்கள் வேலையை முடிக்க ஓடினார்கள். தேஜா மட்டும் கௌதம் கேபினுக்குள் நுழைந்ததும் கதவை லாக் செய்தவன் அவளிடம்

”என்ன பண்ற தேஜா நான் சொன்ன கதையை ஊரு முழுக்க சொல்றியா”

About the Author

Sasirekha

Sasirekha

Like to read stories? Now you can read full novels at Chillzee KiMo. No wait time,  No ads, No restrictions!!!

Completed Stories
On-going Stories
Add comment

Comments  
+1 # RE: தொடர்கதை - காதலை பெற எத்தனிக்கிறேன் - 11 - சசிரேகாmahinagaraj 2018-11-02 09:51
நல்லாயிருக்கு மேம்.. :clap: :clap:
தேஜாவும் விரும்பராங்களா.. இல்லை ஈர்ப்பா.. :Q:
கௌதம் இவ்ளோ வருத்தப்படராரே... :sad:
:thnkx:
Reply | Reply with quote | Quote
# RE: தொடர்கதை - காதலை பெற எத்தனிக்கிறேன் - 11 - சசிரேகாராஜேந்திரன் 2018-11-02 09:17
supera irukku
Reply | Reply with quote | Quote
# RE: தொடர்கதை - காதலை பெற எத்தனிக்கிறேன் - 11 - சசிரேகாvijayalakshmi 2018-11-02 09:16
nice update
Reply | Reply with quote | Quote
# RE: தொடர்கதை - காதலை பெற எத்தனிக்கிறேன் - 11 - சசிரேகாராணி 2018-11-02 09:06
கௌதம் செய்வதெல்லாம் சிரிப்பாக இருக்கிறது :grin:
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top