Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

1 1 1 1 1 Rating 5.00 (2 Votes)
தொடர்கதை - காதலை பெற எத்தனிக்கிறேன் - 11 - சசிரேகா - 5.0 out of 5 based on 2 votes

”என்னாச்சி”

“அது வந்து வாயேன் காட்டறேன்” என அவளை எழுப்பிக் கொண்டு வெளியே சென்றான். வாசல் கதவு திறந்திருக்க தன் போர்ஷன் கதவை விட்டு வெளியேறி ஒரு இடத்தில் நின்றவன் தூரத்தில் ஒன்றை காட்டி

”தேஜா நல்லா பாரு அங்க யாரோ இருக்காங்க” என சொல்ல அவளும் பார்த்தாள். உண்மையில் அங்கு யாரோ இருக்கவே தைரியமாக முன் செல்ல அவளைத் தடுத்தான் கௌதம்

”அடியேய் இருடி என்னை விட்டு நீ தனியா எங்க போற” என கௌதம் பயத்தில் உலற அதற்கு தேஜா

“இருங்க யார் என்னன்னு பார்க்கலாம் போய் லைட்டை போடுங்க”

“முடியாது நான் வரமாட்டேன்”

“அது பேய் இல்லைங்க திருடனா இருக்கலாம்” என சொல்ல கௌதமிற்கு பயம் போய் வீரம் வந்து துணிச்சலாக அவளிடம்

”அப்படின்னா சரி நீ லைட் போடு நான் போய் திருடனை பிடிக்கறேன்” என சொல்லி பதுங்கி பதுங்கி செல்லவும் அதைப் பார்த்து வியந்தவள் அவசரமாக லைட்டை போட அங்கு முழுவதும் வெளிச்சம் வர அந்த உருவம் ஓடவும் கௌதம் விரட்டிப் பிடித்தான். தேஜா கத்தினாள்

”திருடன் திருடன் வாங்க வாங்க திருடன் சீக்கிரமா எல்லாரும் வாங்க” என கத்த அந்த சத்தம் கேட்டு மொத்த பேரும் வந்தார்கள். ஆண்கள் அனைவரும் சேர்ந்து அந்த திருடனை பிடித்து கட்டிப்போட கௌதம் ரஞ்சித்துக்கு போன் செய்து அவனிடம் அந்த திருடனை ஒப்படைத்தான். அவனிடம் இருந்த பொருட்களை சோதித்தவன்

”தாங்ஸ் கௌதம், இவன் பெரிய திருடன் இவனைதான் நான் 6 மாசமா தேடிட்டு இருக்கேன் உன் புண்ணியத்தில இவன் கிடைச்சிட்டான் நான் வரேன்” என சொல்லவும் கௌதம் அந்த திருடனிடம்

”நீ திருடன்தானே எதுக்காக வெள்ளை துணியில முக்காடு போட்டுட்டு வந்த”

”சார் அது வெள்ளை முக்காடு போட்டா அப்படியே பேய் போல தெரியும் சார் யாரும் என்கிட்ட வரமாட்டாங்க பயந்து ஓடுவாங்கன்னுதான் அப்படி வந்தேன்” என சொல்ல மறுபடியும் கௌதமிற்கு பேய் பயம் வர அவன் அவசரமாக தேஜாவை இழுத்துக் கொண்டு தன் போர்ஷனுக்குள் நுழைந்து மெத்தையில் படுத்துக் கொண்டு அவளையும் தன்னுடன் படுக்க வைத்தவன் அவளது கையை கெட்டியாக பிடித்துக் கொண்டு கண் மூடினான். அவனது செயலை கண்ட தேஜா சிரித்துக் கொண்டே அவனிடம்

”கௌதம்”

“ம்”

“தூங்கிட்டீங்களா”

“ம்”

”பேய் கனவு வந்திடுச்சா” என கேட்க அலறி அடித்து எழுந்து அமர்ந்தான்

”ஏன் தேஜா உனக்கு நல்லதே பேச வராதா”

என கத்த அவள் விழுந்து விழுந்து சிரிக்கவும் அந்த சிரிப்பில் தன்னை மறந்து சிரித்தவன் அவளிடம்

”தேஜா”

”ம்”

“எனக்கு ஒரு கனவு வந்திச்சி தேஜா”

“இப்பவா”

”இப்ப இல்லை கொஞ்ச நாள் முன்னாடி நீ மாத்திக்க ட்ரஸ் இல்லைன்னு என்னோட லுங்கி டீசர்ட்ல இருந்தல்ல அப்ப”

“என்ன வந்திச்சி நான் பேயா வந்தேனா உங்க கனவுல” என சொல்லி சிரிக்கவும் அவன் அவளிடம்

”இல்லை அன்னிக்கு என் கனவுல நீ லுங்கியும் டீசர்ட்ல இருந்த, என் மடியில உட்கார்ந்திருந்த நான் உனக்கு முத்தம் கொடுத்தேன்”

என் அவன் உருக்கமாகச் சொல்லவும் அவளுக்கு சட்டென வேர்த்துக் கொட்டி முகம் சிவந்து

”நீங்க பொய் சொல்றீங்க நான் நம்பமாட்டேன்” என்றாள்

”இதான் வந்திச்சி நீ நம்பினா நம்பு நம்பாட்டி போ” என சொல்லிவிட்டு திரும்பி படுத்து நிம்மதியாக உறங்கலானான். தேஜாவோ அவன் சொன்னதைக் கேட்டு அன்று இரவெல்லாம் உறங்காமல் கண்விழித்தாள்.

விடிந்தது

காலையில் வழக்கம் போல் எழுந்த கௌதம் பக்கத்தில் தேஜா இல்லாமல் போகவே

”தேஜா”

“இதோ வந்துட்டேன்” என சொல்லிவிட்டு வர அவள் கையில் கூடையும் சால்வையும் இருக்கவே

”இன்னும் நடேசன் வரலை போல“

About the Author

Sasirekha

Sasirekha

Like to read stories? Now you can read full novels at Chillzee KiMo. No wait time,  No ads, No restrictions!!!

Completed Stories
On-going Stories
Add comment

Comments  
+1 # RE: தொடர்கதை - காதலை பெற எத்தனிக்கிறேன் - 11 - சசிரேகாmahinagaraj 2018-11-02 09:51
நல்லாயிருக்கு மேம்.. :clap: :clap:
தேஜாவும் விரும்பராங்களா.. இல்லை ஈர்ப்பா.. :Q:
கௌதம் இவ்ளோ வருத்தப்படராரே... :sad:
:thnkx:
Reply | Reply with quote | Quote
# RE: தொடர்கதை - காதலை பெற எத்தனிக்கிறேன் - 11 - சசிரேகாராஜேந்திரன் 2018-11-02 09:17
supera irukku
Reply | Reply with quote | Quote
# RE: தொடர்கதை - காதலை பெற எத்தனிக்கிறேன் - 11 - சசிரேகாvijayalakshmi 2018-11-02 09:16
nice update
Reply | Reply with quote | Quote
# RE: தொடர்கதை - காதலை பெற எத்தனிக்கிறேன் - 11 - சசிரேகாராணி 2018-11-02 09:06
கௌதம் செய்வதெல்லாம் சிரிப்பாக இருக்கிறது :grin:
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top