Friends, Chillzee KiMo is all set to be released 👏👏! Please visit Chillzee KiMo website - www.kimo.chillzee.in to learn about the subscription plans and other details.
தொடர்கதை - காதலை பெற எத்தனிக்கிறேன் - 12 - சசிரேகா
விடியக்காலை 3.30 மணி
ரஞ்சித் வீட்டில் உறங்கிக் கொண்டிருந்த கௌதமுக்கு போன் வந்து அவனின் ஆழந்த உறக்கத்தையும் கெடுத்தது. போன் அட்டன்டு செய்தவன்
”ஹலோ”
“டேய் கௌதம் நீ எங்கடா இருக்க” என கோதவரி கத்த
”நான் ரஞ்சித் வீட்ல இருக்கேன் ஆன்ட்டி”
“டேய் அடிவாங்காத உடனே வீட்டுக்கு வா” என கோதவரி கத்தவும் கௌதம் அரக்க பரக்க எழுந்து அவசரமாக ரஞ்சித் எழுப்பி கோதாவரி போன் செய்த விபரத்தை சொன்னான்.
”டேய் நண்பா இன்னிக்கு நான் என் வீட்டுக்கு போகவே பயமா இருக்குடா” என கௌதம் சொல்ல அதற்கு ரஞ்சித்
“சரிடா அதுக்கு ஏன் என் பேரை இழுத்து விட்ட, இப்ப பாரு உன் வீட்ல எது நடந்தாலும் நான்தான் காரணம்னு திட்டறாங்க இதுல நேத்து நைட் நீ என் வீட்ல தூங்கினதுக்குக் கூட நான்தான் காரணம்னு சொல்வாங்க. ஊருக்குள்ள ஊர் பட்ட பிரச்சனையிருக்கு அதை விட உன் ஒருத்தன் வீட்ல இருக்கற பிரச்சனையை சமாளிக்க என்னால முடியலைடா. நான் பேசாம இந்த ஊரை விட்டு ட்ரான்ஸ்பர் வாங்கிட்டு போயிடனும் இன்னிக்கே அதுக்கான ஏற்பாடு பண்றேன். எங்கயாவது போய் செட்டில் ஆகிடனும்”
என ரஞ்சித் சொல்ல கௌதம் கெஞ்சினான்
”மச்சான் டேய் என்னையும் கூட்டிட்டு போயிடுடா”
“உன்னையா முடியாது, நீ வந்தா கூடவே உன் வீட்ல இருக்கற 6 கமாண்டாக்களும் வருவாங்க அவங்க கிட்ட நான் மாட்டி சின்னா பின்னமாக முடியாது ஆளை விடு”
“நான் உன் நண்பன்டா”
“அதுக்காக எத்தனை முறைதான் உன்னை நான் காப்பாத்தறது”
ஹாய் பிரெண்ட், அத்தியாயத்தை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் 
“இதான் கடைசி மச்சான் நீ எங்க ட்ரான்ஸ்பர் வாங்கிட்டு போறியோ அங்க என்னையும் கூட்டிட்டு போயிடு ப்ளீஸ் மச்சான்” என சொல்ல அவனும் சரியென தலையாட்ட சந்தோஷமாக வண்டியை ஓட்டிக் கொண்டு தன் வீட்டை அடைந்து யாருக்கும் தெரியாமல் தன்னுடைய போர்சனில் படுத்துவிட்டான். தேஜாவோ கோதாவரியின் வீட்டில் இருந்தாள். 10 மணிக்கு ராம்நாத் கௌதமிற்கு போன் செய்தார்
”கௌதம்”
“சார்”
”இன்னிக்கு நீங்க ஆபிஸ்க்கு வர்றீங்கள்ல”
“எஸ் ஸார் அது ஒரு மணி நேரம் லேட்டாகும் சார் வந்துடறேன் சார்” என சொல்லிவிட்டு போனை வைத்தவன் எழுந்து பார்க்க தன் போர்ஷனில் தேஜா இல்லாமல் போக பயந்தான். அவசரமாக அவளை வெளியே தேட ஆரம்பித்தான்.
நேராக கோதாவரியிடம் வந்தான் அங்கு தேஜா இருப்பதைக் கண்டு நிம்மதியடைந்தவன் 1 நிமிடம் அவளையே பார்த்தான் அவளும் கௌதமை பார்த்தாள். இருவரையும் கோதாவரியும் கதிரவனும் அமைதியாக பார்த்தார்கள். 1 நிமிடம் கழித்து சட்டென அங்கிருந்து தன் போர்ஷனுக்கு வந்து கதவை சாத்திக் கொண்டு ரெடியாக ஆரம்பித்தான். அவன் சென்றதும் மறுபடியும் அழ ஆரம்பித்த தேஜாவின் கையை பிடித்து இழுத்துக் கொண்டு நேராக கௌதமின் போர்ஷன் கதவை தட்டினார். குளித்து கொண்டிருந்தவன் அவசரமாக வெளியே வந்து கதவை திறக்க கோதாவரி கத்தினாள்
“டேய் சண்டாளா என்னடா இது கோலம், சீ சீ அபச்சாரம் பிடிச்சவனே, உன்னை வேற நான் இந்தக் கோலத்தில பார்த்தேனே எனக்கு என்ன கஷ்டம் வரப்போகுதோ” என தலையில் அடித்துக் கொண்டு வேகமாக தன் போர்ஷனுக்குள் ஓடவும் நொந்து போய் கத்தினான்
”ஆன்ட்டி ஓடாதீங்க ஆன்ட்டி, நான் என்ன அவ்ளோ கேவலமாவா இருக்கேன். ஹீரோ போலதானே இருக்கேன்” என சொல்ல தேஜாவிற்கு சட்டென சிரிப்பு வர அவளை பார்த்து முறைத்தான்
”என்ன சிரிக்கற”
“இல்லை ஹீரோன்னு சொன்னீங்களே அதான் சிரிப்பு வந்துச்சி”
“பின்ன நான் ஹீரோதானே எனக்காக எத்தனை பொண்ணுங்க லைன்ல நின்னாங்க தெரியுமா”
“ம் தெரியுமே அதான் நீங்களே மாலாவை பத்தி அன்னிக்கு சொன்னீங்களே”
“அவள் கிடக்கறா விட்டுத்தள்ளு, நான் காலேஜ்ல படிக்கறப்ப மிஸ்டர் மெட்ராஸ்னு பேர் எடுத்தவன் என் ஹார்ம்ஸ் பார்க்கறியா” என அவளிடம் தன்னை பல போஸ்களில் காட்ட அவள் சிரித்தபடியே உள்ளே செல்லவும் கதவை சாத்திவிட்டு
”ஒத்துக்க நான் ஹீரோன்னு”
“மாட்டேன்”
“ஏன் மாட்டே”
“நீங்க ஹீரோ இல்லை வில்லன்” என அவள் சொல்லிவிட்டு ரெடியாக கோதாவரி வீட்டில் சமைத்து வைத்திருந்த சப்பாத்தியையும் ராஜ்மா கிரேவியையும் தட்டில் பரிமாறிக் கொண்டு வெளியே வந்து சோபா முன் இருந்த டேபிளில் வைத்தாள். அதைப் பார்த்தவன்
”என்னைப் பார்த்தா உனக்கு வில்லனா தெரியுதா”
About the Author
Sasirekha
Completed Stories
- Kathalai pera yethanikkiren
- Muppozhuthum un ninaive
- Kothai vizhigalil jaalamidum kathal
- Nodikkorutharam unnai ninaikka vaithaai
- Aathibanin kaathali
On-going Stories
- En vazhve unnodu thaan (Updated weekly on Monday mornings)
- Kaanum idamellam neeye (Updated weekly on Wednesday evenings)
- Kalaaba kathalaa (Updated weekly on Thursday evenings)
More articles from this author
நல்லாயிருந்தது..
என்னம்மா டிப்ஷ் கொடுக்கறீங்க பயங்கர எக்பீரியன்ஸ் தான் போல...
Come join the FUN!
Download Chillzee Jokes for Android
(Click the image to get the app from Google Play Store)
Copyright © 2019 Chillzee.in. All Rights Reserved.
Powered by 
Website Maintenance by SujWin Solutions.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in