Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (4 Votes)
தொடர்கதை - காணும் இடமெல்லாம் நீயே - 03 - சசிரேகா - 5.0 out of 5 based on 4 votes

”அண்ணா வேணாம் தூங்காத” என்றான் பதட்டமாக

“ஏண்டா”

“நீ தூங்கினா கனவு வரும் கனவு கண்டு நீ கத்துவ அப்புறம் நம்மளை எல்லாரும் திட்டுவாங்க மானம் போகும்”

“அப்படி எந்த கனவையும் நான் காண மாட்டேன் போதுமா”

“ம்க்கும் பார்க்கலாம்” என அலுப்பாகச் சொல்ல ஈஸ்வரனோ அமைதியாக இருக்கையில் சாய்ந்து கண்கள் மூடி உறங்கலானான்.

அவன் உறங்குவதையே பார்த்துக் கொண்டிருந்தான் நிரஞ்சன் ஒருவேளை கனவு கண்டு அண்ணன் கத்தினால் அப்படியே அடக்கிவிடலாம் என நினைத்துக் கொண்டான்.

அவன் உறங்குவதையே பார்த்தவனுக்கு தானாக உறக்கம் வரவே மெல்ல கண் மூடி தலை சாய்ந்தான் நிரஞ்சன்.

ஆனால் ஈஸ்வரனுக்கோ உறக்கத்திலும் நிம்மதியில்லாமல் போனது.

”வா வா வா வந்து என்னை தாக்கு வா” என இளம் வயது இளைஞன் வேட்டியை மடித்து கட்டிக் கொண்டு எதிரில் இருந்தவனை சண்டைக்கு அழைக்க அவனும் வேட்டியை மடித்துக் கட்டிக் கொண்டு சண்டைக்கு தயாரானான்.

சிறிய மைதானத்தின் நடுவில் இருவரும் நின்றுக் கொண்டிருந்தார்கள் கையில் கேடயமும் கத்தியும் வைத்திருந்தார்கள். அவர்களின் சண்டையை பார்க்கவே சுற்றிலும் ஆண்களின் கூட்டம் நிரம்பி வழிந்தது.

மறுநாள் களறி பயிற்சியின் இறுதி நாள் யுத்தப்பரிட்சை நடக்கவிருக்கிறது அதனால் அவனை நேற்றே பயிற்சிக்கு அழைத்தவன் இன்று களத்தில் அவனை சண்டை என்ற பெயரில் தீர்த்துக்கட்டிவிட முடிவே எடுத்துவிட்டான்

”சரி நண்பா வா உன் ஆசையை நான் நிறைவேற்றுகிறேன்” என சொல்லிக்கொண்டே முன்னேறியவன் சரியாக தன்னை வம்புக்கு இழுத்தவனின் கத்தியுடன் தனது கத்தியை பலமாக மோதவிட்டான். எதிர்பார்த்து காத்திருந்தாலும் பலமான கத்தியின் அடியால் சற்று நிலை குலைந்து நின்றான்

”என்னவாயிற்று நண்பா” என சிரிப்புடன் கேட்டவனை முறைத்தான்

”போதும் சிரிக்காதே இன்று நீயா இல்லை நானா என பார்த்துக் கொள்வோம் வா”

“தாராளமாக இதுவரை வெறும் பயிற்சியின் போது உன்னுடன் சண்டையில் இறங்கினேன் இப்போது உண்மையாகவே சண்டையில் இறங்குகிறேன் வெற்றி யார் பக்கம் இருந்தாலும் சரி நமக்குள் பிரிவு வரக்கூடாது நண்பா” என சொன்னவனை இகழ்ச்சியுடன் பார்த்தான்

”நண்பனே தர்னேந்திரா உனது ஆசையை இந்த மாதவன் நிறைவேற்ற முயற்சி செய்கிறேன் ஒன்றை மறவாதே போரில் எந்த உறவுக்கும் இடமிருக்காது அங்கு இருப்பவர்கள் அனைவருமே வீரர்கள்தான் எதற்காக நீ மேல் அங்கியை அணிந்துக் கொண்டிருக்கிறாய் அவிழ்த்துவிட்டு சண்டையில் இறங்கு” என சொல்ல தர்னேந்திரனோ எதையோ பலமாக யோசித்துவிட்டு

“இது வெறும் பயிற்சி தானே நாளைதானே உண்மையான யுத்தப்பரிட்சை உள்ளது நாளை மேல் அங்கி இன்றி சண்டையில் இறங்குகிறேன்” என சொல்லியபடியே தனது வாளுடன் சண்டையிட முன்னேறி வந்தான்.

இருவரது வாட்களும் ஒன்றோடொன்று மோதிக் கொண்டது. வலிமையான இரு வாட்களும் மோதிக் கொண்டதும் சுற்றியிருந்தவர்கள் கைகளைத் தட்டி ஆரவாரம் செய்தார்கள்.

சண்டையும் மும்முரமானது. காற்றில் வாளை சுழற்றி சுழற்றி இருவரும் சண்டையிட்டனர். வாள் ஒன்றோடென்று உராயும் சத்தம் அதிரவைத்தது.

அங்கிருப்பவர்களுக்கு அதனால் புது உற்சாகமும் யார் வெல்வார்கள் என்ற குழப்பமும் இருந்தது அதையும் மீறி சண்டையைக் கண்டு ஆர்ப்பரித்து இருவீரர்களையும் உற்சாகப்படுத்திக் கொண்டிருந்தார்கள்.

அதில் மாதவனது வாளின் முனையால் தர்னேந்திரனின் மேல் அங்கி சற்று கிழிக்கப்பட்டது.

அப்போது அவனது மார்பில் பதிந்திருந்த தாமரையின் அடையாளம் தெரியவே அதைக்கண்ட மாதவன் அதிர்ந்தான். தர்னேந்திரனை கொல்லும் எண்ணத்துடன் சண்டையிட்டவன் அந்த தாமரையின் அடையாளத்தைக்கண்டு உடனே சண்டையை நிறுத்தி அதையே உற்றுப் பார்க்கலானான்.

அதை அறியாமல் தர்னேந்திரனோ வாளை மாதவன் முன்பு சாய்க்க அதை தடுத்து அவனை நிப்பாட்டினான் மாதவன்

”என்ன இது தர்னேந்திரா” என வாளால் அந்த தாமரையை சுட்டிக் காட்ட சட்டென மேல் ஆடையை இழுத்து மூடியவன்

”ஒன்றுமில்லை” என்றான்.

அவன் சொன்னதை நம்பாமல் சந்தேகமாக பார்த்துக் கொண்டிருந்தான் மாதவன் அவனது பார்வையைக்கண்டு குழம்பிய தர்னேந்திரனோ

”நான் செல்கிறேன்” என சொல்லி தனது கையில் இருந்த கேடயத்தையும் வாளையும் பக்கத்தில் வைத்துவிட்டு அந்த மைதானத்தை விட்டு வேகமாக வெளியேறி நடந்தான்.

Add comment

Comments  
# RE: தொடர்கதை - காணும் இடமெல்லாம் நீயே - 03 - சசிரேகாsaaru 2018-11-29 22:53
Nice update sasi
Reply | Reply with quote | Quote
# RE: தொடர்கதை - காணும் இடமெல்லாம் நீயே - 03 - சசிரேகாராணி 2018-11-29 09:21
பாவம் ஈஸ்வர் கனவுகளா வந்து அவனை டார்ச்சர் பண்ணுது நைஸ் ஸ்டோரி
Reply | Reply with quote | Quote
# RE: தொடர்கதை - காணும் இடமெல்லாம் நீயே - 03 - சசிரேகாvijayalakshmi 2018-11-29 08:22
nice epi
Reply | Reply with quote | Quote
# RE: தொடர்கதை - காணும் இடமெல்லாம் நீயே - 03 - சசிரேகாமனஸ்ஸாக்ஷிந்த் 2018-11-29 08:21
மீனு தன் மாமாவிடம் சொல்வது அனைத்தும் யதார்த்தமான ஒன்று.
தர்னேந்திரன்தான் ஈஸ்வரனா? மாதவனுக்கும் தர்னேந்திரனுக்கும் என்ன பிரச்சனை நிரஞ்சன் பாடு திண்டாட்டம்
Reply | Reply with quote | Quote
+1 # RE: தொடர்கதை - காணும் இடமெல்லாம் நீயே - 03 - சசிரேகாAdharvJo 2018-11-28 21:33
Sasi ma'am every dream scenes are portrayed in different style idhu ellam Ishwar oda life la eppadi connect agi irukkum :Q: eppadi venumnalum irukatum but your expressing it nicely :clap: :clap: but baby bro-oda thookathaiyum serthu disturb panuringale ji facepalm Kumar uncle veedula ovvartharum oru oru plan la irukangale ethu than niraverum….Kumar uncle rombha fickle minded aga irukaru….apro valli aunty velaikku rendu alu podunga adha vittu unga ponnungalai velai karungala mathuringale steam

As always Niranjan oda scenes was very cute and aunty oda advise super :D Looks like Niranjan has to take care of his big bro...let me wait and watch wat happens next. thank you for this cool update. Keep rocking.
Reply | Reply with quote | Quote
+1 # RE: தொடர்கதை - காணும் இடமெல்லாம் நீயே - 03 - சசிரேகாmahinagaraj 2018-11-28 17:47
சூப்பர் மேம்... :clap: :clap:
காணும் கனவுகள் முற்பொரு காலம் நிகழ்தவையாக இருக்குமோ.. :Q:
படிக்க படிக்க ஆர்வம் மிகுதியாகிறது தோழி.. :GL:
:thnkx:
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top