மனோஜ் அவளை இம்ப்ரஸ் செய்ய விரும்புவதை அவளால் புரிந்துக் கொள்ள முடிந்தது!
மனோஜ் வேலை செய்ய வந்திருக்கும் க்ளையன்டிற்கு கீழே பணி புரிய என ஏற்கனவே அவர்களின் நிறுவனத்தில் இருந்து பலரும் அங்கே சிகாகோ’வில் தங்கி இருந்தார்கள். அப்படி இந்தியர்கள் நிறைய பேர் தங்கி இருந்த இடத்திற்கு பக்கத்தில் தான் மனோஜூம் அவர்கள் தங்க அந்த அப்பார்ட்மெண்ட்டை வாடகைக்கு எடுத்திருந்தான்.
பொதுவாக, இந்தியாவில் இருந்து இப்படி புதிதாக வரும் போது, முதல் சில நாட்கள் ஹோட்டலில் தங்கி இருந்து விட்டு, பிறகு வாடகைக்கு வீடு தேடி கண்டுப்பிடிப்பார்கள். ஆனால் மனோஜிற்கு மஞ்சுவை அப்படி தனியாக ஹோட்டலில் தங்க வைக்க விருப்பமில்லை. அதற்காகவே அவர்கள் இருவரும் சிகாகோ வரும் முன்பே தன்னுடன் வேலை செய்பவர்களின் உதவியுடன் இந்த அபார்ட்மென்ட்டை கண்டுப்பிடித்திருந்தான் மனோஜ்.
அதனால் தான் ஏர்போர்ட்டில் இருந்து மனோஜ், மஞ்சு இருவரும், நேராக அந்த அப்பார்ட்மென்ட்டிற்கே வந்திருந்தார்கள்!
இந்த விபரங்கள் அனைத்தும் மஞ்சுவிற்கும் ஏற்கனவே தெரியும்... இருந்தாலும், மனோஜ் அவளுக்கு தெரியாததைப் போல மீண்டும், மீண்டும் சொல்லிக் கொண்டிருந்தான்...
“என்ன சிரிக்குற PBS? நான் என்ன ஜோக் சொன்னேன்?” என்று புரியாமல் கேட்டான் மனோஜ்.
“மனோஜ், எனக்கு வீடு ரொம்ப பிடிச்சிருக்கு! சின்னதா இருக்கு, பெருசா இருக்கு, அமெரிக்கால இருக்குன்னு எதுக்கும் கிடையாது! எனக்காக நீங்க வேலை மெனக்கெட்டு நாம இங்கே வரதுக்கு கூட முன்னாடியே லீஸ் அரேன்ஜ் செய்திருக்கீங்களே... அதுக்காக பிடிச்சிருக்கு!”
“உண்மையாவே பிடிச்சிருக்கா??”
“ஹ்ம்ம்...!!!! பொதுவா ட்ரேடிஷன் படி ஹீரோயின் சொல்ல வேண்டிய டையலாக்கை தான் நான் ஏற்கனவே சொல்லிட்டேனே, அப்புறம் என்ன திரும்ப கேள்வி???”
“முதல் தடவையா நாம தனியா ஒரு வீட்டுல தங்குறோம் pbs... உனக்கு பிடிக்காம போயிடக் கூடாதேன்னு எனக்கு தாட்ஸ் இருந்துட்டே இருக்கு...”
“என்னோட இந்த சிடுமூஞ்சி மேனேஜர் மனோஜோட எங்கே இருந்தாலும் எனக்கு பிடிக்கும்...!!!! நீங்க நாளைக்கு காலைலேயே வேலைக்கு போகனும்னு சொன்னீங்களே, உங்களுக்கு வேண்டியதை இப்போவே ரெடியா எடுத்து வைங்க... நான் மத்ததை பார்த்துக்குறேன்...”
“நாளைக்கு தான் ஆபீஸ் போகனும் pbs... ஆனா ஆஃப்ஷோர் டீமோட இன்னைக்கு நைட்டே மீட்டிங் இருக்கு,” என்றான் மனோஜ் பெருமூச்சுடன்!
“அதுக்கு எதுக்கு இவ்வளவு அலுப்பு? எப்போவும் போல என்ஜாய் செய்து வேலை செய்ங்க மனோஜ்.”
“அதுக்கு இல்லை மஞ்சு, நீ இங்கே செட்டில் ஆகனும். வீட்டுக்கு வேண்டியதை வாங்கனும்..