(Reading time: 8 - 16 minutes)
Uyir Ketkum amutham nee...!
Uyir Ketkum amutham nee...!

  

மற்ற நேரம் போல் இல்லாமல், நந்தினி சின்ன புன்னகையோடு அந்த கேலியை ஏற்றுக் கொண்டாள்.

  

சிறிது நேரத்தில் இந்துவும் வீணாவும் அங்கு வந்து சேர்ந்தார்கள்ர்! மின்னல் வேகத்தில் என்றாலும், இந்துவின் கண்கள் அறையின் ஓரத்தில் நின்றிருந்த சஞ்சீவின் பக்கம் சென்றப் பின் தான் அர்ச்சனாவின் பக்கமும் மற்றவரின் பக்கமும் வந்தது. கேன்டினில் இருந்து வாங்கி வந்திருந்த காஃபியை வீணா வந்திருப்பவர்களுக்கு ஒரு சிறு பிளாஸ்டிக் டம்ப்ளரில் ஊற்றிக் கொடுத்தாள்.

   

மெல்ல, அவர்களின் பேச்சு அன்று இரவு மருத்துவமனையில் அர்ச்சனாவிற்கு துணையாக யார் தங்குவது என்ற கேள்வியில் வந்து நின்றது.

  

இந்து மற்ற நாட்களை போல் தானே தங்குவதாக சொன்னாள். வீணாவும் அவளுடன் தங்குவதாக சொன்னாள். ஆனால் லக்ஷ்மி அதை ஏற்றுக் கொள்ளவில்லை.

  

“வீணா, குழந்தையை விட்டுட்டு நீ இன்னைக்கு தங்க வேண்டாம்... இன்னைக்கு நான் மட்டும் அர்ச்சனாவோட தங்குறேன்... நீங்க இரண்டுப் பேரும் வீட்டுக்குப் போங்க...”

   

வீணா சரி என தலை அசைக்க, இந்து,

   

“உங்களுக்கு அப்படி ஸ்டே செய்றது கஷ்டமா இருக்கும் ஆன்ட்டி... வேண்டாம்... நானே இருக்கேன்...” என்றாள்.

   

லக்ஷ்மி இப்போதும் இந்துவின் பேச்சை ஏற்றுக் கொள்ளவில்லை!

   

“இந்து, நாங்க எல்லாம் சும்மா இங்கே வரோம்னு நினைச்சீயா? அர்ச்சனா எனக்கு கிட்டத்தட்ட நாற்பது வருஷமா ஃபிரென்ட்... நான் அவக் கூட இன்னைக்கு தங்குறேன்... நீ வீட்டுக்குப் போ... கொஞ்ச நேரம் படுத்து தூங்கு... மூணு நாளா சரியா தூங்காததால உன் கண்ணெல்லாம் உள்ள போய் இருக்கு... அம்மாவை நான் கவனிச்சுக்குறேன்...”

3 comments

Leave your comment

In reply to Some User

Copyright © 2009 - 2024 Chillzee.in. All Rights Reserved.