மதியூர் மிஸ்டரீஸ் : 2 : தொடர்கதை - அழகின் மொத்தம் நீயா? - 33 - Chillzee Story
This is a Mathiyur Mysteries Novels series episode. Visit Mathiyur Mysteries Novels series page for other current Chillzee Original stories.
“வர வர உன் தோசை டேஸ்ட்டாவே இல்லை சத்யா. நான் அஹல்யா ஃபேனா மாறிடலாம்னு இருக்கேன்.” சக்தி அஹல்யா கொடுத்த தோசையை வாங்கிக் கொண்டு ஈசியாக கட்சி தாவினாள்.
“உனக்கு அது மட்டும் எவ்வளவு நாளைக்கு பிடிக்கும்?? ஒரே அடியா உன் டாக்டர் கட்சிக்கு மாறிடு சக்தி. அவர் உனக்கு பிடிச்ச மாதிரி வகை வகையா சமைச்சுக் கொடுத்து பத்திரமா பார்த்துப்பார்,” என கிடைத்த கேப்பில் ஃப்ரீ அட்வைஸ் கொடுத்தாள் சத்யா.
“ப்ச், போலி டாக்டர்ன்னு சொல்லு!”
“போலி டாக்டர்ன்னு சொன்னா, அவர் கட்சிக்கு மாற நீ ரெடியா?”
“சும்மா ப்ளேட் போடாதே சத்யா!”
“பெருசா வினாயக்குக்கு மட்டும் அப்படி வாய் கிழிய அட்வைஸ் கொடுத்த? நானே ஆடிப் போயிட்டேன். வினாயக்குக்கு நீ சொன்னது உனக்கு மட்டும் சரியா வராதா??”
“வராது! ப்ரியம்வதா வினாயக் மேல டீப்பா லவ் வச்சிருக்கா. அவனுக்காக என்ன வேணா செய்வா. எஸ்.டி அப்படி இல்லையே?”
“ஏன் சக்தி மேடம் அப்படி சொல்றீங்க? டாகடர் உங்க கிட்ட பேச கூச்சப் படுறார். மத்தபடி அவருக்கும் உங்க மேல அன்பு, அக்கறை இருக்கு.” அஹல்யா அடுத்த தோசையை சக்திக்கு கொடுத்து விட்டு சாந்ததுரைக்கு சப்போர்ட் செய்தாள்.
ஹாலில் இருந்த டிவியில் இருந்து திடீரென உரத்த சத்தத்துடன் பாடல் ஒலித்தது.
“ஷாலினி, வால்யூமை குறைச்சு வை!” சத்யா காதை பொத்திக் கொண்டு கத்தினாள்.
“அக்கா மாடிக்கு போனாங்க ஆன்ட்டி.” அருண் ஹாலில் இருந்தே பதில் சொன்னான்.