"தலை வலி என்ன லேபிலோடவா வரும்? தலை வலின்னா, தலை வலி அவ்வளவு தான்!"
"என்னடா விஷயம்? அந்த ஆர்த்தியைப் பார்த்து அப்படி ஷாக் ஆகி இருந்தப்ப கூட, வேலை தான் முக்கியம்னு எப்போவும் இருப்ப, இப்போ என்ன?"
விக்கிராந்த் உடனடியாக பதில் சொல்லாமல் ஜான்வியின் கேள்வியை மனதினுள் அசைப் போட்டான். பின்,
"யூ ஆர் கரக்ட் ஜானு! சில சமயம் சில விஷயங்கள் முக்கியமா தெரியுது! இன்னைக்கு ஒரு நாள் மேனேஜ் செய்துக்கோயேன் ப்ளீஸ்," என்றான் மென்மையாக!
அவன் பேச்சு மாறிய தினுசில் புருவங்களை ஏற்றி அவனை ஒரு வினாடிப் பார்த்த ஜான்வி, "சரி சரி போய் தொலை," என்றாள்!
"தேங்க் யூ ஜானு," என சொல்லி விட்டு கிளம்ப ஆயத்தமானான் விக்கிராந்த்.
🌼🌸❀✿🌷
விக்கிராந்த் தன் பைக்கில் ப்ரியா வேலை செய்யும் பள்ளிக்கு பக்கத்தில் வந்து சேர்ந்தப் போது, மாணவிகள் சாரை சாரையாக பள்ளியில் இருந்து வெளியே வந்துக் கொண்டிருந்தார்கள்.
பைக்கை சாலை ஓரமாக நிறுத்தி விட்டு ப்ரியா முகம் அந்த கூட்டத்தில் தென்படுகிறதா என ஆவலுடன் தேடத் துவங்கினான் விக்கிராந்த்.
அவனின் மனதில் வந்திருந்த பரபரப்பு அவனுக்கே ஆச்சர்யத்தைக் கொடுத்தது! ஆனால் பிடிக்கவும் செய்தது!
கோகிலாவுடன் பேசியப்படி வந்த ஸ்ரீயின் கூர்மையான கழுகுப் பார்வையில் விக்கிராந்த் தப்பவில்லை. அவன் பள்ளியில் இருந்து வெளியே வருபவர்களை ஆர்வத்துடன் கவனித்து ,