Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
(Reading time: 20 - 40 minutes)
1 1 1 1 1 Rating 5.00 (3 Votes)

சம்யுக்தன் அவளைக் கண்காணித்துக்கொண்டே, பார்த்திபனின் வரவை எதிர்பார்த்துக் காத்திருந்தான். சிறிது நேரத்தில், சந்தைக்கு குதிரையில் வந்த பார்த்திபன் சம்யுக்தனைத் தேடினான். அப்போது, சம்யுக்தன் அக்குதிரையை நோக்கி ஒரு வினோத ஒலியை எழுப்பினான். அக்குதிரை உடனே அந்த ஒலி வந்த திசையை நோக்கி சென்றது. பார்த்திபன் சம்யுக்தனைப் பார்த்து கீழே இறங்கி வந்தான்.

"எதற்காக என் குதிரையில் வந்தாய்?" என்று சம்யுக்தன் கேட்டான்.

"உன்னைக் கண்டுபிடிக்க வேண்டுமே" என்றான் பார்த்திபன்.

"நான் சொன்னதை செய்துவிட்டாயா?"

"செய்துவிட்டேன். ஒவ்வொரு குடிசையையும் நீ சொன்னது போல் இரண்டு பேர் வீதம் ரகசியமாக கண்காணிக்கிறார்கள். இங்கே இந்த பெண் என்ன செய்து கொண்டிருக்கிறாள்?"

"அவள் வேலையை செய்து முடித்துவிட்டு மோர் விற்றுக் கொண்டிருக்கிறாள்"

பார்த்திபன் அவளைப் பார்த்தான். அவளிடம் இரண்டு பேர் சின்ன பானையில் மோர் வாங்கி குடித்துக்கொண்டிருந்தார்கள்.

"சம்யுக்தா, நாமும் சென்று மோர் குடிப்போமா?"

சம்யுக்தன் அவனை முறைத்துப் பார்த்தான்.

"சரி, வேண்டாம்" என்று கூறிய பார்த்திபன், "தாகமாய் இருக்கிறது. அதனால் தான் கேட்டேன்" என்றான்.

இரண்டு பேரும் அங்கு வெகுநேரமாக ஒளிந்து கொண்டிருந்தார்கள்.

மேற்கில் சூரியன் மறைந்து கீழ்வானம் சிவந்து கொண்டிருந்தது. சந்தை முடியப் போகும் நேரம்.

அந்தப் பெண்மணி, தான் கொண்டு வந்த மோர்ப் பானையில் மோர் தீர்ந்தவுடன் சிறிது நேரம் அங்கே உட்கார்ந்து மோர் விற்ற காசை எண்ணி முடித்துவிட்டு அதைத் தன் மடியில் கட்டிக் கொண்டாள். பிறகு, பானையைத் தூக்கிக்கொண்டு அங்கிருந்து சென்றாள்.

பார்த்திபன், "அப் பெண்மணி போகிறாள் பார்" என்றான்.

"அப்பெண்மணி முக்கியமில்லை. அந்த குடிசைக்கு யார் வருகிறார்கள் என்று பார்க்கவேண்டும். அப்பெண்மணி நம்மை மீறி எங்கும் சென்று விட மாட்டாள்" என்று சம்யுக்தன் கூறினான்.

அவர்கள் அக்குடிசைக்கு யார் வருகிறார்கள் என்று எதிர்பார்த்து காத்துக் கொண்டிருந்தார்கள்.

பகல் முடிந்து இரவு எட்டிப் பார்த்தது. வயலில் வேலை பார்த்த ஆண்கள் ஏர் கலப்பையுடன் வீடு திரும்பிக்கொண்டிருந்தனர். அகல் விளக்குகள் வீட்டின் வாசப்படியிலும் வீட்டினுள்ளும் எரியத் தொடங்கின. எங்கிருந்தோ ஓர் ஆந்தையின் அலறல் சத்தம் கேட்டது.

குடிசையைக் காவல் காத்துக்கொண்டிருந்த இரண்டு பேர் பிள்ளையார் தெருவில் இருந்த குடிசையைக் கண்காணித்துக்கொண்டிருந்தனர். அப்போது, அக் குடிசையின் அருகே காலடி சத்தம் கேட்டது. அதைக் கேட்டதும் தங்களை மறைத்துக்கொண்டு இன்னும் உன்னிப்பாக கவனிக்க ஆரம்பித்தார்கள்.

அந்த குடிசைக் கதவைத் திறந்து கொண்டு ஓர் ஆண் உருவம் உள்ளே சென்றது. உள்ளே சென்று நேரமாகியும் ஒரு விளக்கு கூட ஏற்றப்படாதது அவர்களுக்கு ஆச்சர்யத்தை அளித்தது. சிறிது நேரம் கழித்து அவ்வுருவம் வெளியே வந்தது. அவ்வுருவம் திடகாத்ரமான தோற்றத்துடனும் கூரிய விழிகளுடனும் காணப்பட்டது. அந்த விழிகளில் வஞ்சகம் குடியிருந்தது மங்கிய நிலவொளியில் நன்றாகவே தெரிந்தது. வலது கையிலே ஒரு காப்பு கட்டப்பட்டு ஒரு கம்புடன் அந்த உருவம் நடந்து சென்றது.

அந்த பெண்மணி இரண்டாவதாக சென்ற குடிசையிலும் அதே போன்று சம்பவம் நிகழ்ந்தது. அந்த இரண்டு உருவங்களும் வெவ்வேறு வீதிகளில் நடந்து சென்றுகொண்டிருந்தன. அந்த இருவரையும் அவர்கள் அறியாவண்ணம் வீரர்கள் பின் தொடர்ந்தனர்.

வீதியெங்கும் இருள் சூழ்ந்து இருந்தது. அந்த இருளில் அவர்கள் வேகமாக நடந்து சென்றுகொண்டிருந்தனர். ஒரு கட்டத்தில், ஊருக்கு ஒதுக்குப்புறமாக வந்ததும் வெவ்வேறு திசைகளில் இருந்து வந்த அந்த இருவரும் ஒன்று சேர்ந்தார்கள். அந்த உருவங்கள் பேசிக்கொண்டன.

"உன்னை யாரும் பார்க்கவில்லை தானே?" என்று ஒருவன் கேட்டான்.

அதற்கு இன்னொருவன், "யாரும் பார்க்கவில்லை, வா, சீக்கிரம் செல்லலாம், நேரமாகிறது" என்றான்.

இருவரும் வேகமாக சந்தை இருந்த திசையை நோக்கி சென்றார்கள். அவர்களை பின்தொடர்ந்து வீரர்களும் சென்றார்கள். சந்தைக்குப் பக்கத்தில் இருந்த இன்னொரு குடிசையை அந்த இருவரும் அடைந்தார்கள்.

சம்யுக்தனும் பார்த்திபனும், அந்த இருவரும் குடிசையில் நுழைவதையும்   அவர்களைப் பின்தொடர்ந்து வீரர்கள் வந்ததையும் பார்த்தார்கள். பிறகு, வீரர்கள் மரத்திலும், நதிக்கரை ஓரத்திலும் ஒளிந்து கொண்டதையும்  பார்த்தார்கள் .

"இன்னும் எவ்வளவு நேரம் தான் இப்படி ஒளிந்து கொண்டிருப்பது?"என்று பார்த்திபன் கேட்டான்.

"சற்று பொறுமையாக இரு. இன்னும் ஒருவன் வரவேண்டியிருக்கிறது" என்றான் சம்யுக்தன்.

அப்போது ஓர் உருவம் சந்தை வழியாக நடந்து சென்றது. அவ்வுருவம் யாராவது தன்னைக் கவனிக்கிறார்களா என்று திரும்பிப் பார்த்துக்கொண்டே சென்றது. அவன் கண்ணிலே அகப்படாமல் இருக்க சம்யுக்தனும், பார்த்திபனும் கீழே குனிந்து கொண்டார்கள்.

அவ்வுருவம் அக்குடிசையில் நுழையும்போது மறுபடியும் சுற்றும் முற்றும் பார்த்து விட்டு உள்ளே நுழைந்தது. சிறிது நேரத்தில், தீபத்தின் வெளிச்சம் அக்குடிசையில் தெரிந்தது.

சம்யுக்தனும் பார்த்திபனும், ஒளிந்திருந்த இடத்திலிருந்து வெளியே வந்தனர். இருவரும் அக்குடிசையை நோக்கி மெதுவாக சென்றனர்.

தொடரும்...

பாகம் - 01 - அத்தியாயம் 02

பாகம் - 01 - அத்தியாயம் 04

Pin It
The above article / story / poem is a copyright material and is published with the consent of the author. If you find any unauthorized content do let us know at This email address is being protected from spambots. You need JavaScript enabled to view it.. All the copyright content at chillzee.in are protected by national and international laws & regulations. We are against plagiarism! If you find our site's content copied in any other website, we request you to let us know at This email address is being protected from spambots. You need JavaScript enabled to view it.. Chillzee is an entertainment website and all the content published here are for entertainment purpose only. Most of the content are fictional work and should be treated accordingly. Information on this website may contain errors or inaccuracies; we do not make warranty as to the correctness or reliability of the site’s content. The views and comments expressed here are solely those of the author(s) in his/her (their) private capacity and do not in any way represent the views of the website and its management. We appreciate your high quality of listening to every point of view. Thank you.

About the Author

Sivajidhasan

Like to read stories? Now you can read full novels at Chillzee KiMo. No wait time,  No ads, No restrictions!!!

On-going Stories
  • -NA-
Add comment

Comments  
# RE: தொடர்கதை - சாம்ராட் சம்யுக்தன் - பாகம் 01 - 03 - சிவாஜிதாசன்AdharvJo 2017-08-02 22:17
Sema interesting update Sir (y) samyukthan oda moves wer portrayed really super ovvaru move-um.kann mune nadapadhupole irundhadhu :hatsoff: :clap: samyukthan oda plan of action was very smart but parthiban over smart pa :D andha elundhapalam eatting scene was funny n cute...... N andha childhood moment was also nice :dance:

so ivanga marathandan oda ppl ah?? Parthiban n samyukthan ivargalai en seivargal?? Andha lady vesham poduramathiri theridhu :Q: waiting to knw wat happens next.

:thnkx: for this :cool: n fast moving update.
Reply | Reply with quote | Quote
# RE: தொடர்கதை - சாம்ராட் சம்யுக்தன் - பாகம் 01 - 03 - சிவாஜிதாசன்madhumathi9 2017-08-02 08:35
:clap: miga viruviruppa poikittirukku.adutha epiyai aavalaaga ethir paarkirim. (y)
Reply | Reply with quote | Quote
Log in to comment

Discuss this article

INFO: You are posting the message as a 'Guest'


Chillzee Team's Avatar
Chillzee Team replied the topic: #1 21 Oct 2018 20:23
அழகிய தடாகத்தில் அல்லி மலர்கள் அசைந்தாடிக் கொண்டிருந்தன. தாமரை மலர்கள் தன் காதலனான கதிரவனைப் பார்த்து வெட்கத்தால் தலை கவிழ்ந்திருந்தன. தடாகத்தின் கரையை சிறு சிறு அலைகள் வந்து வந்து தொட்டுச் சென்றன. அந்த நீரில் சோகமே உருவாக, தாமரை முகம் கொண்ட ஒரு பெண்ணின் பிம்பம் அசைந்தாடியது. நம் கதையின் நாயகி பூங்கொடி தான் அது.

குளத்தில் நீந்திக்கொண்டிருந்த சிறு சிறு மீன்கள், இந்தத் தாமரை மலர் மட்டும் ஏன் கரையில் பூத்திருக்கிறது என்று சந்தேகம் தொனிக்கும் பார்வையோடு அவளையே அதிசயமாகப் பார்த்துக்கொண்டிருந்தன. பூங்கொடியின் கண்களிலிருந்து கண்ணீர் முத்துக்கள் கன்னத்தில் தவழ்ந்து கொண்டிருந்தன. அவளது எண்ணங்கள், தன் காதலன் சம்யுக்தனுக்கு என்ன ஆனதோ என்று தேடி அலைந்துகொண்டிருந்தன. நிலவின் ஒளி பொதிந்திருந்த அம்முகம் அதன் களையை இழந்திருந்தது.

அவள், கவலையின் மடியில் தனியாக சாய்ந்திருந்ததனால், பல கற்பனைகள் அவளைத் தேடி வந்தன. "சம்யுக்தனுக்கு ஏதேனும் நேர்ந்தால் என் கதி? ஐயகோ!"..."ஏய்! பைத்தியக்காரி! ஏன் இப்படி நினைக்கிறாய்?" என்ற ஒரு குரல் அவளின் அடிமனதிலிருந்து எழுந்தது. "பொழுது புலர்ந்தும் ஏன் அவர் இன்னும் வரவில்லை?" என்று மூளையில் ஒரு குரல் ஒலித்தது. அக்கேள்வியால் அடிமனது சொன்ன ஆறுதல் அமுங்கிப்போனது.

***********************************

இன்றைய அத்தியாயத்தை படிக்கத் தவறாதீர்கள் பிரென்ட்ஸ்.

@ www.chillzee.in/stories/tamil-thodarkath...an-sivajidasan-01-15
Chillzee Team's Avatar
Chillzee Team replied the topic: #2 28 Aug 2018 17:53
உள்ளே நுழைந்தவனைப் பார்த்த அதிர்ச்சியிலிருந்து பார்த்திபன் இன்னும் விடுபடாமல் தவித்துக்கொண்டிருந்தான். தலையில் ஒரு பாறாங்கல் விழுந்தது போலிருந்தது.

வீரபுரத்தின் ஆணிவேர் என்று மக்களால் போற்றிப் புகழப்பட்ட, காவல் தளபதி தான் அவர்களின் தலைவன் என்று தெரிந்ததும் யார் தான் இயல்பாக இருப்பார்கள். பார்த்திபனின் உள்ளம் சீற்றம் கொண்ட கடல் அலை போல் சினத்தால் பொங்கியது. பற்கள் நறநற வென சத்தமிட்டன.

காவல் தளபதி சம்யுக்தனைப் பார்த்துக்கொண்டிருந்தான். பார்த்திபனின் குரலால் அவன் திரும்பிப் பார்க்க நேர்ந்தது.

"வெட்கமாக இல்லை. சொந்த நாட்டிற்குத் துரோகம் செய்கிறாயே" என்று பார்த்திபன் கொதிப்புடன் கூறினான்.

காவல் தளபதி ஒரு சாந்தப் புன்னகையை உதிர்த்தான். அதில் பரிகாசம் தெரிந்தது. பார்த்திபன் சீறிப் பாயும் சிங்கம் போல் காவல் தளபதியின் மேல் பார்வையாலேயே பாய்ந்துகொண்டிருந்தான்.

சம்யுக்தன் பார்த்திபனைப் பார்த்து, "பார்த்திபா! அமைதியாக இரு!" என்று கூறினான்.

********************************************

இன்றைய அத்தியாயத்தை படிக்கத் தவறாதீர்கள் பிரென்ட்ஸ்.

@ www.chillzee.in/stories/tamil-thodarkath...an-sivajidasan-01-14
Chillzee Team's Avatar
Chillzee Team replied the topic: #3 03 Aug 2018 17:56
ஒரு பெரிய மாளிகையின் விசாலமான கூடம். அந்தக் கூடத்தின் நடுவே ஒரே ஒரு விளக்கு மட்டும் எரிந்துகொண்டிருந்தது. அது பிரகாசமாக எரிந்தாலும், அப் பெரிய கூடத்திற்குச் சிறு வெளிச்சத்தை மட்டுமே தர முடிந்தது. ஆனால், அதுவே பகைவர்களுக்குப் போதுமானதாக இருந்தது. சம்யுக்தனைக் கடத்தியவர்கள் அக்கூடத்தில் அங்கும் இங்கும் நடந்துகொண்டும் அவர்களைக் கண்காணித்துக்கொண்டும் நிலைமையைக் கட்டுக்குள் வைத்திருந்தனர். அவர்கள் ஒரு சிறிய பதற்றத்தோடு யாரையோ எதிர்பார்த்துக்கொண்டிருந்தனர்.

கூடத்தில் சம்யுக்தன் சுயநினைவின்றி சுருண்டு கிடந்தான். அவன் தன் கண்களைத் திறக்கப் போராடி இறுதியில் வெற்றியடைந்தான். அவனுடைய இமைகள் வலியால் துடித்தன. உடலின் சக்தி வெகுவாகக் குறைந்திருந்தது. அவன் தன் சுயநினைவுக்குள் நுழைய சில நாழிகைகளைக் கடக்க வேண்டியிருந்தது.

சுயநினைவுக்குள் நுழைந்ததும் துவண்டிருந்த அவன் எழுந்திருக்க ஆசைப்பட்டபோது அவனுடைய கைகள் ஒரு தூணில் சங்கிலியால் பிணைக்கப்பட்டிருந்ததை உணர்ந்தான். தான் எங்கிருக்கிறோம் என்று அவனுடைய கண்கள் அவ்விடத்தை நோட்டமிட்டன. பயங்கர பூதம் போல் தூண்கள் ஒரு பெரிய மாளிகையைத் தாங்கி இருப்பது அவன் கண்களில் தென்பட்டது. சுற்றும் முற்றும் பார்த்தான்.

**********************************************************

இன்றைய அத்தியாயத்தை படிக்கத் தவறாதீர்கள் பிரென்ட்ஸ்.

@ www.chillzee.in/stories/tamil-thodarkath...an-sivajidasan-01-13
Nanthini's Avatar
Nanthini replied the topic: #4 28 Jun 2018 13:15
இளவரசன் ரவிவர்மன் மனதில் ஒரு சிறு கலக்கத்துடன் காவல் புரிந்து கொண்டிருந்தான். ஏதோ தவறு செய்கிறோம் என்று அவன் உள்ளுணர்வு குத்தியது. சகுந்தலையுடன் பேசிய நினைவுகளை ஒரு முறை அசை போட்டுப் பார்த்தான்.

தான் இருக்கும் தைரியத்தில் தான் அவள் சற்று நம்பிக்கையுடன் கிளம்பிச் சென்றாள். அந்த நம்பிக்கையைத் தான் காப்பாற்றாமல் அறிவீனமாக நடந்து கொண்டிருப்பதை எண்ணி அவன் உள்ளம் துடித்தது. சம்யுக்தனுக்கு ஏதேனும் நேர்ந்தால், அவள் முகத்தில் எப்படி விழிப்பேன்? வாழும் காலம் முழுவதும் குற்ற உணர்ச்சியுடன் வாழ நேரிடுமே. இன்று ஒரு நாள் சம்யுக்தன் இருக்கும் இடத்திற்குச் சென்று அவனுக்குத் துணையாக நின்றால் என்ன நேர்ந்துவிடப்போகிறது? என்னைப் பற்றி அவனும் அவனைப் பற்றி நானும் புரிந்து கொள்வதற்கு இது ஒரு சந்தர்ப்பமாக அமைந்தால் நல்லது தானே? நாங்கள் இருவரும் சேர்ந்திருந்தால்தானே சகுந்தலையும் மிகவும் சந்தோசம் அடைவாள். இப்படி பல எண்ணங்கள் அவனுள் சுழன்றடித்தன.

யோசிப்பதால் நேரம் தான் விரயம் ஆகிறது. உடனே காரியத்தில் இறங்க வேண்டும் என்று மனதில் எண்ணிக்கொண்டு இளவரசன் பரணில் இருந்து கீழே இறங்கி வந்தான். "இடும்பா!" என்று அவசரக் கூக்குரலிட்டான்.

*************************************************************

இன்றைய அத்தியாயத்தை படிக்கத் தவறாதீர்கள்.

@ www.chillzee.in/stories/tamil-thodarkath...an-sivajidasan-01-12
Chillzee Team's Avatar
Chillzee Team replied the topic: #5 21 Apr 2018 04:23
நிலவின் ஒளி இரவைக் கிழித்து பூமியை மங்கிய வெளிச்சத்தில் சூழ்ந்திருந்தது. எங்கும் ஒரே நிசப்தம்.

அந்த நிசப்தத்தை "டக்.. டக்... டக்.." என்று ஒரு குதிரையின் காலடிச் சத்தம் கலைத்தது. யாரோ ஒருவன் காட்டில் அலைந்து கொண்டிருந்தான். காதலால், வீரனாக வேண்டும் என்ற ஆசையில் சம்யுக்தனைத் தேடி அலைந்த பூபதி தான் அது.

சம்யுக்தன் எங்கிருப்பான்? அவனைத் தேடி இவ்வளவு தூரம் தாம் வந்து விட்டோமே? பூங்கொடி பூமியில் பிறக்காமலேயே இருந்திருக்கலாம். என் மனதில் ஆசை எழாமல் இருந்திருக்கும். அவளையும் படைத்து என்னையும் தவிக்கவிட்ட கடவுள் மட்டும் நேரில் வந்தால்? ஏன் நாம் இப்படி நினைக்கிறோம்? பூங்கொடி இல்லாத வாழ்வை நம்மால் நினைத்துக் கூட பார்க்க முடியாது. என்னே பெண் அவள்! வானுலக தேவதை பூமியில் நடமாடுவது போல் அல்லவா நடமாடுகிறாள்.

குதிரையில் உட்கார்ந்துகொண்டு கற்பனையில் சிறகடித்துப் பறந்து கொண்டிருந்தவனை குதிரையின் கனைப்பு தடுத்து நிறுத்தியது. இருட்டு அவனுக்கு பயத்தை உண்டு பண்ணியது. கானல் நீர் போல் அவன் மனம் கற்பனை செய்யத் தொடங்கியது. ஏதோ ஒரு பயம் அவனைத் துரத்தியது. அவன் குதிரையை விரட்டினான். குதிரையாலோ ஓட முடியவில்லை. களைத்திருந்தது. பயம் பின்னால் வருவது போல அவனுள் தோன்றியது.

**********************************************************

இன்றைய அத்தியாயத்தை படிக்கத் தவறாதீர்கள் பிரென்ட்ஸ்

@ www.chillzee.in/stories/tamil-thodarkath...an-sivajidasan-01-11

Chillzee Series update schedule

M Tu W Th F Sa  Su
MMVU

NeeNaan

KNY

KTKOP

PVOVN2

PMM

IOKK2

VTV

IOK

NIN

EEKS

KET

KKP

POK

EMS

NSS

NSS

KiMo

NSS

VIVA

VAMA

* - Change in schedule / New series

If you would like to start a series @ Chillzee, please read this article or e-mail us!

Go to top