Friends, Chillzee KiMo is all set to be released 👏👏! Please visit Chillzee KiMo website - www.kimo.chillzee.in to learn about the subscription plans and other details.
தொடர்கதை - கலாபக் காதலா - 05 - சசிரேகா
நந்தவன மாளிகை
பெரிய கேட்டின் முன் முராரியின் வண்டி நின்றதும் கேட்டிற்கு முன் நின்ற மலையப்பன் முராரியை கண்டு வணக்கம் வைத்ததோடு வலது பக்க கதவைத் திறந்தான். இடது பக்கம் திறக்காமல் இருப்பதைக் கண்ட ராதாவோ தேவியிடம்
”ரெண்டு கதவும் ஏன் திறக்கலை”
“இடம் பெரிசா இருக்குல்ல அதான், ஒரு பக்க கதவு வழியாவே இந்த வண்டி போயிடும் ராதா” என சொல்ல அவர்களின் பேச்சைக் கேட்ட முராரியோ சட்டென முகத்தைத் திருப்பி ராதாவைப் பார்த்து
”ராதா நான் ஒண்ணு சொன்னா கேட்பியா” என தயக்கமாக கேட்க அவளோ
“சொல்லுங்க கண்டிப்பா நான் செய்றேன்” என்றாள்
”இனிமே நீ வரும் போது வலது பக்கமாவே உள்ள வரனும்” என சொல்ல அதைக் கேட்டு குழம்பினாள் ராதா, தேவியோ முராரியை பார்த்து
”அண்ணா போதும்ணா, இந்த வழிமுறையெல்லாம் என் ப்ரெண்ட்டுக்கு திணிக்காதீங்க, அவள் என்னைப் போலதான் இருப்பாள், நான் எப்படி இந்த வீட்ல பொதுவோ அப்படித்தான் அவளும்” என சொல்ல முராரியும் அமைதியாகி ஏதோ பலமாக யோசித்துக் கொண்டே வண்டியை உள்ளே விட்டான். ராதாவோ தேவியின் கோபத்தைக் கண்டு
”என்னாச்சி தேவி ஏன் இப்படி கோச்சிக்கிட்ட”
“அது ஒண்ணுமில்லை ராதா, நீ இந்த வீட்ல இருக்கறவரைக்கும் சுதந்திரமா இருக்கலாம், வலது இடதுன்னு பார்க்காம எல்லா இடத்துக்கும் நீ போய் வரலாம் சரியா” என சொல்ல அவளும் சரியென தலையாட்டிவிட்டு முராரியைப் பார்த்தாள், அவன் முகம் சோகமாக இருப்பதைக் கண்டு குழம்பினாள்.
வண்டியும் வலது பக்கமே செல்வதைக் கண்டு வியந்தாள்.
நேராக அவர்களை வாசலில் இறக்கிவிட்டவன் வண்டியை ஷெட்டில் விட சென்றுவிட ராதா அவன் வருவதற்காக காத்திருந்தாள். அதைப் பார்த்த தேவியோ
ஹாய் பிரெண்ட், அத்தியாயத்தை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் 
”வா ராதா உள்ள போலாம்”
“இன்னும் அவர் வரலையே”
“அண்ணாதானே வந்துடுவாரு நீ வா” என அவளை அழைத்துக் கொண்டு வீட்டுக்குள் சென்றாள்.
அதற்குள் ட்ராக்டரில் வீட்டு வேலையாட்கள் மிச்சமான பொருட்களுடன் என வெளியே சென்றவர்கள் அனைவரும் வந்துவிட ராதா அனைத்தையும் வேடிக்கை பார்த்துக் கொண்டே வீட்டின் உள்ளே நுழைந்து ஹாலில் அமர்ந்திருந்த வேணுகோபாலனைக் கண்டுச் சிரித்தாள்
”வணக்கம் அங்கிள்” என்றாள் அவரும்
”வணக்கம் உட்காரும்மா” என சொல்ல அவளும் அவருக்கு எதிராக இருந்த சோபாவில் அமர தேவி அவளது தந்தையின் பக்கம் அமர்ந்தாள்.
”அப்புறம் நீ என்ன படிக்கறம்மா” என கேட்க ராதாவும் பிஏ ஹிஸ்டரி படிக்கிறேன்” என்றாள்
”ஹிஸ்டரியா இப்ப அந்த படிப்புக்கு வேல்யூ இல்லையே, அதை நீ ஏன் படிக்கற” என கேட்க
”நான் கலக்டர் ஆகனும்னு ஆசைப்படறேன், அதனால இந்த படிப்பை நான் தேர்ந்தெடுத்தேன்” என அவள் சொல்லும் போதே அதை கேட்டுக் கொண்டே உள்ளே வந்த முராரியோ தனியாக இருந்த சோபாவில் அமராமல் ராதா அமர்ந்திருந்த சோபாவில் அவளது பக்கத்தில் மிகமிக இயல்பாக அமர்ந்து தனது செல்போனை எடுத்து நோண்டிக் கொண்டிருந்தான். அவனது செயலைக் கண்ட ராதாவோ அமைதியாக கண்களை தாழ்த்திக் கொண்டு குறுநகை புரிய வேணுகோபலனோ
”அப்புறம் உன் அப்பா என்ன செய்றாரும்மா” என கேட்க ராதாவோ பதில் சொல்லாமல் அமைதியாக இருப்பதைக் கண்டு வியந்தார். தேவியோ உடனே
”அவர் அப்பா பெரிய கன்ஸ்ட்ரக்ஷன் ஒர்க் செய்றவராம்பா, பெரிய பெரிய பில்டிங், வீடெல்லாம் கட்டியிருக்காராம்” என சொல்ல அவரோ சிரித்தபடியே
தொடர்புடையவை: உங்களுக்கு இதுவும் கூட பிடிக்கலாம்... -
தேவியின் "காணாய் கண்ணே..." - காதல் கலந்த தொடர்கதை...
படிக்கத் தவறாதீர்கள்..
”என் பையன் கோவிந்த் கூட கட்டிடம் கட்டற தொழில் செய்றவன்தான் ராதா” என சொல்லி அவளைப் பார்க்க அவளோ அமைதியாக இருப்பதைக் கண்டு ஆச்சர்யத்துடன்
”என்னம்மா ஆச்சி உனக்கு, டயர்டா இருக்கியா” என கேட்க அதற்கும் அவளிடம் பதிலில்லை, அவள் பக்கத்தில் முராரி அமரவும் அவளுக்கு கூச்சம் வந்து அவனை பார்க்க ஆசைப்பட்டு எதிரில் இருவர் இருப்பதால் ஏறெடுத்துப் பார்க்க முடியாமல் கஷ்டப்பட்டுக் கொண்டிருந்தாள். முராரியும் அவளின் நெருக்கத்திற்காகவே அதன் மூலம் கிடைக்கும் உணர்ச்சிகளுக்கு அடிமையாகி அங்கிருந்து செல்லாமல் அவளிடமும் பேசாமல், அவளையும் காணாமல் செல்போனிலும் மனதை செலுத்தாமல் மனதுக்குள் ஒரு காதல் போராட்டத்தையே நடத்திக் கொண்டிருந்தான்.
”ராதா” என வேணுகோபாலன் திடீரென சத்தமாக அழைக்க அதற்கும் ராதா அமைதியாக இருக்கவே அவர் தேவியைப் பார்க்க அவளோ
”ஒண்ணும் புரியலைப்பா, ஒருவேளை உட்கார்ந்தபடியே தூங்கறாள் போல, நைட்டெல்லாம் ட்ராவல் பண்ணாள்ல அதான் போல” என சொல்ல அவரும் அதை நம்பி
”சரி சரி நீ அவளை கூட்டிட்டு போ, நல்லா ரெஸ்ட் எடுக்கட்டும்” என சொல்லியவர் ராதாவிடம்
About the Author
Sasirekha
Completed Stories
- Kathalai pera yethanikkiren
- Muppozhuthum un ninaive
- Kothai vizhigalil jaalamidum kathal
- Nodikkorutharam unnai ninaikka vaithaai
- Aathibanin kaathali
On-going Stories
- En vazhve unnodu thaan (Updated weekly on Monday mornings)
- Kaanum idamellam neeye (Updated weekly on Wednesday evenings)
- Kalaaba kathalaa (Updated weekly on Thursday evenings)
More articles from this author
இந்த ரெண்டு அண்ணன் தம்பிகளை சமாளிக்கரது பயங்கரமான வேளை போலவே.. சசி மேம் நீங்க தான் இவங்கள வெச்சு எப்படி ஓட்ட போறீங்களோ.. ரொம்ப கஷ்டம் மேம்...
ippadi nadanthu kolgiraargale? 
devi nilai romba parithaabam thaan. 4 this epi.waiting 4 next epi. 
Come join the FUN!
Download Chillzee Jokes for Android
(Click the image to get the app from Google Play Store)
Copyright © 2019 Chillzee.in. All Rights Reserved.
Powered by 
Website Maintenance by SujWin Solutions.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in