தொடர்கதை - உனது கண்களில் எனது கனவினை காண போகிறேன் - 47 - பிந்து வினோத்
This is a Chillzee Originals Novel episode. Visit Chillzee Originals Novels page for other current Chillzee Original stories.
"இன்னைக்கு காலையிலே எனக்கு மூணு க்ளாஸ். மத்தியானம் ஒரு க்ளாஸ். ச்சே..."
ஸ்ரீ வழக்கம் போல கோகிலாவிடம் புலம்பிக் கொண்டிருக்க, ப்ரியா அவள் பேச்சை கண்டுக்கொள்ளாமல் விக்கிராந்த் முன் தினம் மாலையில் கொடுத்திருந்த ரூபிணியின் பயோடேட்டாவை கையில் எடுத்துக் கொண்டு நாற்காலியை விட்டு எழுந்தாள்.
"ப்ரியா, ஹெச்.எம் பார்க்க தானே போற? என்னோட நோட்ஸ் ஆஃப் லெசனை அப்படியே ஆஃபிஸ்ல கொடுத்துறேன்," என்றாள் ஸ்ரீ.
"ஸ்ரீ, உன்னையே வந்து நேரா சம்பிட் செய்ய எத்தனை தடவை சொல்லிட்டாங்க? க்ளாசுக்கு சீக்கிரம் கிளம்பி வழியில ஆஃபிஸ்ல கொடுத்துட்டு போக கூடாதா?" என்றாள் ப்ரியா.
"ஹ்ம்ம்ம்... ரூல்ஸ்! நீங்க சொன்னா சரி தான் ப்ரியா!” என்ற ஸ்ரீ, அப்படியே கோகிலா பக்கம் பார்த்து, “ஏன் கோகி, நேத்து ஈவ்னிங் ஸ்கூல் கேட் பக்கத்துல ஒரு ஹீரோ பார்த்தோமே ஞாபகம் இருக்கா?" என்றாள்!
ஸ்ரீயை பற்றி அறிந்தவள் என்பதால், கோகிலா அவளுக்கு பதில் சொல்லாமல் சிரிப்புடன் ப்ரியாவை பார்த்து கண் சிமிட்டினாள்.
ப்ரியா குழப்பத்துடன் நின்றாள்.
"நம்ம ஹெச்.எம் கூட ஏதோ பேர் சொன்னாங்களே... விக்ரமா, விஜய்யா? ப்ரியா நீ அந்த நாய் குட்டி ஹீரோக்கு ஒரு வி'ல ஆரம்பிக்குற பேர் சொன்னீயே, என்ன அது... ஹாங் விக்கி... இந்த ஹீரோக்கும் கூட அந்த மாதிரி ஏதோ பேரு தானே?"
ப்ரியா கண்டுக் கொள்ளாதவளாக பேப்பருடன் நடக்க,
"ஏன் ப்ரியா, அந்த ஹீரோ காலையில உன் கூட பேசிட்டு இருக்குறதைப் பார்த்தேன்... அவருக்கு, நீ நாய் குட்டிக்கு செல்லமா அவர் பேரை வச்ச கதை தெரியுமா?" எனக் கேட்டாள் ஸ்ரீ.