"எக்ஸ்க்யூஸ் மீ மேம்," என்றாள் ப்ரியா.
"ப்ரியா, வா வா! இன்னைக்கு இரண்டு ஹெல்ப் வேணும். நானே ஸ்ரீனிவாசனை ஸ்டாஃப் ரூம் அனுப்பனும்னு நினைச்சிட்டு இருந்தேன்," என சொல்லி அவளை வரவேற்றாள் ஜெயந்தி.
"சொல்லுங்க மேம்..." என்ற ப்ரியா, ஜெயந்தி விவரித்த வேலைகளை கவனத்துடன் கேட்டுக் கொண்டாள்.
"ஈவ்னிங்குள்ள முடிச்சிடலாம் மேம்! நான் முடிச்சு தரேன்!"
"தேங்க்ஸ் ப்ரியா."
"நோ மேன்ஷன் மேம்! மேம்... நம்ம மாலினி மிஸ் மேட்டர்னிட்டி லீவுல போறாங்களே அவங்களுக்கு அல்டர்நெடிவ் அரேஞ்ச்மென்ட் செய்யனும்னு சொல்லிட்டு இருந்தீங்களே மேம், ஏதாவது அரேஞ் செய்துட்டீங்களா?"
"நோ, இனிமேல் தான் செய்யனும்! இன்ஃபாக்ட் நான் மறந்தே போயிட்டேன். தேங்க்ஸ் பார் ரிமைன்டிங் மீ!"
"எனக்கு தெரிஞ்சவங்க ஒருத்தங்க இருக்காங்க மேம்! ரெஸ்யூம் எடுத்துட்டு வந்திருக்கேன், உங்களுக்கு பிடிச்சிருக்கா பாருங்க."
ஜெயந்தி ஆச்சர்யத்துடன் ப்ரியா கொடுத்த தாளை பெற்றுக் கொண்டு அதில் பார்வையை அலைய விட்டாள்.
"நல்ல மார்க்ஸ் இருக்கே, வேற எங்கேயும் வேலை செய்யலையா இவங்க?"
"ரொம்ப டீடெயில்ஸ் தெரியாது மேம், எனக்கு தெரிஞ்சவங்க மூலமா வந்த ரெஸ்யூம்."