ப்ரியா பதில் சொல்லாமல் நின்றாள்! அதை கவனித்துக் கொண்டே,
"எப்படியும் அவர் அடிக்கடி இந்த பக்கம் வருவார், நீ சொல்லலைனாலும் பரவாயில்லை, நான் உனக்கு ஹெல்ப் செய்றேன்..." என்றாள் ஸ்ரீ.
இப்போதும் எதுவும் சொல்லாமல் ஸ்ரீயின் மேஜை மீதிருந்த நோட்புக்கை எடுத்த ப்ரியா,
"இதை ஆஃபிசில கொடுக்கனும் அவ்வளவு தானே?" என்றப்படி நடந்தாள்.
அவள் சென்றதும், "எப்படி கோகி நம்ம ட்ரிக்?" என்றாள் ஸ்ரீ.
தலையை மறுப்பாக அசைத்த கோகிலா, "சகிக்கலை! நீ இப்படியே ஏதாவது குரங்குத் தனம் செஞ்சுட்டு இருந்தா அவ மனசு மாறினாலும் மாறிடும்," என்றாள்.
"அதெல்லாம் நடக்காது கோகி! காலையில நான் வரும் போது ஹீரோ ஹீரோயின் மீட்டிங் நடந்துட்டு இருந்துது. ப்ரியா முகத்தை, அதுவும் அந்த கண்ணை பார்த்திருக்கனும் நீ. அசந்து போயிருப்ப! ஸோ வெரி எக்ஸ்பிரசிவ்! கட்டாயம் ஹீரோவை இவ லவ் செய்றா!"
"எப்படி இவ்வளவு நுணுக்கமா கவனிச்ச? எப்படியோ எல்லாம் நல்ல படியா நடந்தால் சரி தான்!"
“ஆமா, அப்படியே எனக்கும் வேலையெல்லாம் நடந்தா சரி தான்!”
“சரியான சோம்பேறி நீ! ஓகே, எனக்கு அடுத்த க்ளாஸுக்கு டைம் ஆச்சு!” என சொல்லி கோகிலா எழுந்துக் கொள்ள, அவர்களின் ப்ரியா ‘காஸிப்’ அப்போதைக்கு முடிவுக்கு வந்தது!
🌼🌸❀✿🌷
சாத்தி இருந்த ஜெயந்தியின் அறைக் கதவை மெல்ல தட்டி விட்டு,