ஜெயந்தி ஆச்சர்யத்துடன்,
"நீ ஒரு ரெஸ்யூம் கொடுப்பதே அபூர்வம், அப்படி ஹெல்ப் செய்யனும்னு நினைக்குற அளவுக்கு யார் இது?" என்றாள்.
"அது வந்து... மேம்..."
வழக்கத்திற்கு மாறாக தடுமாறிய ப்ரியாவை ஆச்சர்யத்துடன் பார்த்த ஜெயந்திக்கு, சட்டென்று முன் தினம் மாலையில் பார்த்த விக்கிராந்தின் நினைவு வந்தது.
"ஓ! விக்கிராந்த்துக்கு தெரிஞ்சவங்களா? நேத்து நான் பார்த்து பேசினப்போ அவன் என் கிட்டேயே நேரா கொடுத்திருக்கலாமே? நல்ல பையன்!"
விக்கிராந்த் ரெஸ்யூமை சாக்காக கொண்டு அவளை பார்க்க அல்லவா வந்திருந்தான்!
அதை பற்றி சொல்லாமல் அமைதியாக நின்றாள் ப்ரியா.
"சரி நான் பார்க்குறேன் ப்ரியா! விக்கிராந்த் கிட்டேயும் சொல்லிடு," என்றாள் ஜெயந்தி.
"ஓகே தேங்க்ஸ் மேம்," என்றாள் ப்ரியா முகம் மலர.
🌼🌸❀✿🌷
பள்ளியில் இருந்த சின்ன தோட்டத்தின் வழியே நடந்த ப்ரியா, கடந்த சில நாட்களாக மாறி போயிருந்த தன் வாழ்க்கையை பற்றி சிந்தித்தப் படி ஸ்டாஃப் ரூம் நோக்கி நடந்தாள்.
நேற்று விக்கிராந்தின் கைப்பிடியில் சிக்கி இருந்த வலது கரத்தை மெல்ல வருடி பார்த்தவளுக்கு மெய் சிலிர்த்தது!
மெல்ல தலையை சிலுப்பிக் கொண்டாள்! என்ன இது பைத்தியக்காரத்தனம்?