" உட்காருங்க, மூணு பேரும்! மேலே படிங்க!"
அண்ணன் பெற்றோரைப் பார்க்க, அவர்கள் தலையசைக்க, மேலே படித்தான்.
"உத்தியோகம்: கம்ப்யூடர் இன்ஜினீயர், மாத சம்பளம் இரண்டாயிரம் அமெரிக்கன் டாலர் ( ரூபாய் ஒன்றரை லட்சம்)"
மூவர் முகத்திலும் ஆனந்தம் கொப்பளித்தது.
அவர்கள் தலையசைக்க, அண்ணன் மேலே படித்தான்.
"படிப்பு: டாக்டரேட் இன் இஞ்சினீயரிங்"
மறுபடியும் மூவரும் ஒருவரை ஒருவர் பார்த்து மகிழ்ந்தனர்.
" வசிக்கும் இடம்: நியூயார்க், அமெரிக்கா."
" அப்பா! பிடித்தாலும் புளியங்கொம்பாத்தான் பிடிச்சிருக்கா, தங்கச்சி! மேலே படிக்கிறேன்.
வயது: முப்பத்தைந்து"
மூவரின் முகமும் இருண்டது!
" மேலே படி, அண்ணா!"
அண்ணன் கையிலிருந்த பேப்பரை கீழே வீசி எறிந்தான்.
பெற்றோரும் கோபமுடன் எழுந்தனர்.
" உங்க எதிர்ப்பை முழுவதும் படித்து முடிச்சபிறகு காட்டுங்க, உட்காருங்க!"
அவளே, தரையில் கிடந்த பேப்பரை கையில் எடுத்து, படித்தாள்.
" உயரம்: 5'3"
" நிறுத்து, நிறுத்து! உன்னைவிட குள்ளமா? வேண்டாம், வேண்டவே வேண்டாம்" என அண்ணன் அலறினான்!
" அண்ணா! பொறுமை! பொறுமை! என்னை முழுக்க படிக்கவிடு.......
குடும்பம் வசிப்பது: சென்னை
தந்தை: திரு ராமானுஜம் எம்.ஏ.பி.எல், வழக்கறிஞர்
தாய்: மார்கரெட் படிப்பு:எம்.லிட். கல்லூரி விரிவுரையாளர்
உடன் பிறந்தோர்: இளைய சகோதரி, பெயர் மங்களம், வயது முப்பது, படிப்பு: கெமிகல் இஞ்சினீயரிங் டாக்டரேட். உத்தியோகம்: டைரக்டர், மார்வெலஸ் ஆயில் கம்பெனி, நியூயார்க், அமெரிக்கா.
இன்னும் திருமணமாகவில்லை. இருவருக்குமே பொருத்தமான சைவ வரனையே எதிர்பார்க்கிறோம்.