Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Login

Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (2 Votes)
தொடர்கதை - கலாபக் காதலா - 04 - சசிரேகா - 5.0 out of 5 based on 2 votes

”சரி வா பார்க்கலாம் வா” என அவளை அழைத்துக் கொண்டு காரை விட்டு இறங்கி நேராக கூட்டத்தை நோக்கி நடந்தான்.

ராதாவிற்காக ரெடியாகி ஒட்டலைவிட்டு வெளியே வந்த தாராவோ காருக்குள் ஏறும் முன் தன்னிடம் வந்து கிண்டல் செய்த நாலுபேரிடம் வாய்ச்சண்டையில் இறங்கினாள்.

முராரி வருவதற்கு சில நொடிகளுக்கு முன் அந்த இடத்திற்கு கோவிந்த் வந்திருந்தான். அப்போது கூட்டம் கூடாமல் இருந்தது. அவள் அந்த நால்வரிடமும் சண்டையிடுவதை காரில் இருந்தபடியே கண்ட கோவிந்த்

”சே என்ன பொண்ணு இவள், இப்படி நடுரோட்ல கத்தறாளே, அவங்கதான் குடிச்சிட்டு வந்திருக்காங்க, பேசாம கார்ல ஏறி போகாம அவங்களுக்கு சரிக்கு சரியா நின்னு சண்டை போடறா, நமக்கெதுக்கு நாம வந்த வேலையை பார்க்கலாம் தாராவை பார்க்க போலாம்” என நினைத்தவன் காரை ஓரம் கட்டிவிட்டு அவசரமாக ஓட்டலுக்குள் நுழைந்து ரிசப்ஷனில் தாராவை பற்றி விசாரிக்க அவர்களோ தாரா வெளியே சென்றுவிட்டதாக சொல்லவே ஏமாற்றத்துடன் வெளியே வந்து காரில் ஏறினான். இன்னும் தாரா அந்த பயல்களுடன் சண்டை போடுவதைக் கண்டு வெறுத்தான்

”சே என்ன இவள் இப்படி ஓயாம சண்டை போடறா, கூட்டம் கூட ஆரம்பிக்குது, மானம் போறதை பத்தி கவலையேபடாம எப்படி இவள் சண்டை போடறாளே, இந்த மாதிரி பொண்ணுங்களை பார்த்தாலே வெறுப்பா இருக்கு, இவள் கிட்ட தள்ளியே இருக்கனும்” என வெளிப்படையாக அவளுக்கு கேட்கும்படி சொல்லிவிட்டு காரை ஓட்டிக் கொண்டு குலதெய்வ கோயிலை நோக்கிச் சென்றான். அவன் பேசியதைக் கேட்ட தாராவோ ஒரு நொடி அதிர்ந்து கோபத்தில் இன்னும் அதிகமாகத் திட்டலானாள்.

அவன் சென்ற மறுநிமிடம் முராரி அங்கு வந்து சேர்ந்தான்.

காரைவிட்டு இறங்கிய முராரி பத்திரமாக ராதாவை பார்த்துக் கொள்ள அவளிடம் கையை நீட்டி

”உனக்கு ஆட்சேபனை இல்லைன்னா என் கையை பிடிச்சிக்கலாம், கூட்டத்தில நீ தொலையாம இருக்கதான் இது, தப்பா நினைக்காத ராதா” என அவன் பொறுமையாக பேச அவளோ சிரித்தேவிட்டாள்

”எதுக்கு இப்படி சிரிக்கற, நான் ஏதாவது தப்பா பேசிட்டேனா”

“இதுக்கு முன்னாடி நீங்க என் கையை பிடிக்கவேயில்லையா, அப்ப எல்லாம் என் அனுமதி கேட்கலை, இப்ப மட்டும் கேட்கறீங்களே அதை நினைச்சி சிரிச்சேன்”

“அது வேற இது வேற” என அவன் தயங்கி தயங்கி இழுத்து இழுத்து பேச ராதை தலையை பலமாக ஆட்டிவிட்டு

”ஆமாம் நான் இந்த ஊருக்கு புதுசு, தொலைஞ்சிடுவேன் என்னை நீங்கதான் பத்திரமா பார்த்துக்கனும்” என சொல்லி அவனது உள்ளங்கையில் தன் கையை கோர்த்துக் கொண்டாள்.

அவளது பேச்சும், செயலும் அவனை வெகுவாக கவர்ந்தது. இம்முறை மகிழ்ச்சியாக அவளை அன்பாக கைபிடித்து அழைத்துக் கொண்டு மெல்ல நடந்தான்.

கூட்டத்தின் அருகில் வரவும் ராதாவை இன்னும் தன்னுடன் நெருக்கமாக வைத்துக் கொண்டான்

அவனது அருகாமையும் அவனது வாசமும் அவளை ஏதோ செய்ய உடல் சிலிர்த்து ஒதுங்கி நிற்க அவனோ அவளது செயலைக் கண்டு

”நான்தான் பயப்படாத” என அவளுக்கு மட்டும் கேட்கும்படி சொல்லிவிட்டு அவளை இன்னும் தன்னிடம் இழுத்துக் கொண்டே கூட்டத்திற்குள் நுழைந்தான்.

அங்கு தாரா இருப்பதைக் கண்ட ராதாவோ

”அய்யோ என் அக்கா தாரா, அவங்கதான் என் அக்கா” என கவலையாக சொல்ல முராரி ஒரு நிமிடம் அந்த சூழ்நிலையைக் கண்டு கூட்டத்தை விட்டு வெளியே வந்தவன் அவளிடம்

”நீ கார்ல போய் பத்திரமா உட்காரு, என்னை நம்பு நான் உன் அக்காவோட வந்துடறேன் போ” என சொல்லவும் அவளும் சரியென தலையாட்டிவிட்டு வேகமாக காரில் போய் ஏறிக்கொண்டதும் நிம்மதியாகி மெல்ல கூட்டத்தை விலக்கிக் கொண்டு கோபமாக தாராவிடம் வந்து நின்றான்

”தாரா” என அழைக்க அவளோ அவ்வளவு நேரம் தன்னை வம்பு செய்தவர்களிடம் கோபமாக கத்திக் கொண்டிருந்தவள் முராரி தன்னை அழைக்கவும் அமைதியாகி அவனையே யார் என சந்தேகமாக பார்த்தாள்

தொடர்புடையவை: உங்களுக்கு இதுவும் கூட பிடிக்கலாம்... -

சாகம்பரியின் "மிடிமையும் அச்சமும் மேவிய நெஞ்சம்" - மர்மமும் காதலும் கலந்த தொடர்கதை...

படிக்கத் தவறாதீர்கள்..

”என்னாச்சி தாரா உனக்கு எதுவும் ஆகலையே” என அக்கறையாக கேட்க அவளோ

”நீங்க”

”என்ன நீ இந்த ஊருக்கு வந்ததும், நேரா வீட்டுக்கு வராம எதுக்காக ஓட்டல்ல தங்கின” என கேட்க அவளோ அவனை கோவிந்த் என்றே நினைத்துவிட்டாள்

”அது வந்து சாரி நான்” என அவள் பேசி முடிப்பதற்குள் முராரி அவளது கரத்தை இறுக்கமாக பிடித்துக் கொண்டு எதிரில் நின்ற நால்வரையும் பார்த்தான்

”தப்பு இவங்க மேலதானே, உன் மேல தப்பில்லையே”

About the Author

Sasirekha

Sasirekha

Completed Stories
On-going Stories
Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# RE: தொடர்கதை - கலாபக் காதலா - 04 - சசிரேகாvijayalakshmi 2019-02-02 16:13
nice epi radhavum muraiyum varra scene ellam super good :cool:
Reply | Reply with quote | Quote
# RE: தொடர்கதை - கலாபக் காதலா - 04 - சசிரேகாராணி 2019-02-02 16:08
கதை நன்றாக செல்கிறது முராரியும் ராதையும் அற்புதமான ஜோடி :clap:
Reply | Reply with quote | Quote
+1 # RE: தொடர்கதை - கலாபக் காதலா - 04 - சசிரேகாsasi 2019-02-02 15:56
மகி மேம்க்கு :dance: ஸ்பெஷல் நன்றி கமெண்ட் தந்த அனைத்து உள்ளங்களுக்கும் நன்றி. கதையின் சுவாரஸ்யம் அடுத்தடுத்த வாரங்களில் அதிகரிக்க முயற்சி செய்கிறேன் நன்றி :thnkx:
Reply | Reply with quote | Quote
+1 # RE: தொடர்கதை - கலாபக் காதலா - 04 - சசிரேகாmadhumathi9 2019-02-01 05:44
:clap: really nice epi sasi :clap: (y) interesting aaga poguthu.kalakalappa irukku.egarly waiting 4 next epi. :thnkx: 4 this epi. :GL:
Reply | Reply with quote | Quote
+1 # கலாபக் காதலா-4-சசிரேகாரேணுகா சிவா 2019-01-31 22:33
Epi very nice mam.next enna nadakum nu pakka avala irukku mam.murari radha jodi nalla irukku so pirikkathinga mam :-)
Reply | Reply with quote | Quote
+1 # RE: தொடர்கதை - கலாபக் காதலா - 04 - சசிரேகாmahinagaraj 2019-01-31 18:13
வாவ்.... wow :clap: :clap:
முராரி,ராதா-வின் உரையாடல் செம அதை எழுதின உங்களுக்கு ஒரு உம்மா.. :P
ராதா,முராரியும் பிரிக்க வேண்டாம்.. செம ஜோடி.. ;-)
சாங் செம சூப்பர்.. :GL:
:thnkx:
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top