Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

1 1 1 1 1 Rating 5.00 (5 Votes)
தொடர்கதை - காணும் இடமெல்லாம் நீயே - 22 - சசிரேகா - 5.0 out of 5 based on 5 votes

“நீங்க தப்பா நினைக்காதீங்க அண்ணா சும்மாதான் மீனா வீட்டுக்கு போனார்”

“இப்பவும் சொல்றேன் மாப்பிள்ளையை விட்டுடு தம்பி”

“இப்ப என்னச்சி அத்தை”

“ஆனந்தி எல்லாத்தையும் சொல்லிட்டா, ஏதோ உறவுக்காரங்க வீட்ல விசேஷம்னு 2 நாளா நான் வீட்ல இல்லை இந்த 2 நாள்ல என்னென்னவோ நடந்துப் போச்சி, எங்களை ஏமாத்த நினைக்காதீங்க”

“நாங்க ஏமாத்தலை நீங்கதான் தப்பா புரிஞ்சிக்கிட்டீங்க”

“மாப்பிள்ளை எதுக்காக ஆனந்தியை வேணாம்னு சொன்னாரு”

”அது இப்போதைக்கு அண்ணாவுக்கு கல்யாணம் பண்ணிக்கனும்னு இல்லை பிசினஸ் சக்சஸ் ஆனப்புறம் யோசிப்பார் இன்னும் 5 மாசம் இருக்கே அத்தை”

“பொய் சொல்லாதப்பா”

“நீங்க அண்ணாவுக்கு ஆனந்தின்னு பேசி வைச்சிருக்கற விசயம் இங்க வந்த பின்னாடிதானே அவருக்குத் தெரியும், அவரும் கொஞ்சம் யோசிக்கனும்ல அதுக்கு நாள் ஆகும் அத்தை”

“அதுவரைக்கும் அடிக்கடி மீனா வீட்டுக்கு போய் வந்தா என்னாகும், மாப்பிள்ளை ஒரேடியா மீனா பக்கம் சாஞ்சிடுவாரு”

“இல்லை அத்தை நான் இருக்கறப்ப அண்ணா எப்படி மீனாகூட சே சே எனக்குத்தான் மீனா வேணும்” என நிரஞ்சன் சொல்ல அவனை ஒரு மார்க்கமாக பார்த்த வள்ளியோ

”ஓ அப்படின்னா மீனாவை நீ கல்யாணம் பண்ணிக்கலாம்னு இருக்கியா”

“ஆமாம் அத்தை” என அழகாக வெட்கப்பட்டான் நிரஞ்சன்

”மொளச்சி மூணு இலை விடலை அதுக்குள்ள உனக்கு கல்யாணம் தேவையா”

“என்ன அத்தை சொல்றீங்க எனக்குப் புரியலை”

“என்னத்த சொல்றது உங்கம்மா என்னடான்னா முதல் நாளே உன்னை பத்தி சொல்லிட்டாங்க, ஒரு க்ளாஸ் பால் குடிக்க கூட அடம்பிடிப்பான் என் பையன், சின்ன குழந்தை அவன் டாக்டருக்குப் படிச்சிருக்கானே தவிர வேறு எதுவும் தெரியாது, அவன் அப்பாவி, இன்னும் அவன் வளரவேயில்லை. இன்னும் 5 இல்லை 6 வருஷம் கழிச்சித்தான் அவன் கல்யாண வாழ்க்கைக்கே தயாராவான் இப்போதைக்கு ஈஸ்வரனுக்குதான் கல்யாணம் செஞ்சி வைக்கனும்னு சொன்னாங்க” என சொல்ல நிரஞ்சன் அதிர்ந்தான்

தொடர்புடையவை: உங்களுக்கு இதுவும் கூட பிடிக்கலாம்... -

மகியின் "வேலன்டைன்ஸ் டே" - காதல் கலந்த தொடர்கதை...

படிக்கத் தவறாதீர்கள்..

”5 இல்ல 6 வருஷம்னா அப்ப என்ன 30 வயசுலதான் எனக்கு கல்யாணம் செய்வாங்களா” என கேட்க வள்ளியோ இளக்காரமாகச் சிரித்தபடியே

”வயசுல என்ன இருக்கு இன்னும் நீ குழந்தையாதான், இருக்க உனக்கெதுக்கு கல்யாணம் மீனாவோட கல்யாணம் செஞ்சிக்கற ஆசையை விட்டுட்டு நீ திரும்பி லண்டனுக்கே போ“

“அப்ப அண்ணா”

“மாப்பிள்ளையை நாங்க உள்ளங்கையில வைச்சிப் பார்த்துக்கறோம், நீ இருக்கறதாலதான் மாப்பிள்ளை எங்ககிட்ட வராம ஒதுங்கிப் போறாரு”

“ஓ உங்களுக்கு இப்படியெல்லாம் தோணுதா”

“ஆமாம் நீதான் மாப்பிள்ளையை அடிக்கடி வெளிய கூட்டிட்டுப் போற, நேரம் கழிச்சி கூட்டிட்டு வர்ற இதுவே நாங்களா இருந்திருந்தா, அவரை வீட்டுக்குள்ளயே பத்திரமா வைச்சி பார்த்துக்குவோம் ஆனந்தியோட அன்பால அவரும் தன் மனசை மாத்திக்கிட்டு இருப்பாரு”

“ஆஹா ரொம்ப சந்தோஷம், நாளைக்கே நான் இங்கிருந்து கிளம்பறேன் நீங்களே அண்ணாவை பத்திரமா பார்த்துக்குங்க அத்தை” என கோபமாகச் சொல்லிவிட்டு சாப்பிடும் இடம் நோக்கிச் சென்றான்.

அங்கு ஈஸ்வரனுக்கு ஒருபக்கத்தில் ஆனந்தி சாப்பாடு பரிமாற இன்னொரு பக்கம் குமரவேல் இனிப்புகளை பரிமாற ஈஸ்வரனும் வேகமாக சாப்பிட்டுக் கொண்டிருப்பதைக் கண்டுச் சிரித்தான்

”இங்க ஒருத்தன் காஞ்சி போயிருக்கான் என்னை பத்தி யாருக்காவது கவலையிருக்கா அண்ணாவுக்கு மட்டும் எப்பவுமே ராஜ உபச்சாரம்தான்.” என நினைத்தபடியே அவனும் சென்று அமர்ந்தான். ஏதோ அவன் வந்தானே என ஆனந்தி அவனுக்கு பரிமாற நிம்மதியாக சாப்பிட்டு முடித்து எழுந்து தன் அறைக்குச் சென்றவன் அவசரமாக தனது லக்கேஜ்களை பேக்கிங் செய்யலானான்.

ஈஸ்வரனோ வாசற்படியில் நின்றுக் கொண்டு நிரஞ்சன் செய்வதைக் கண்டு

”என்ன செய்ற நிரஞ்சா”

“ஊரை விட்டுப் போறேன்”

“காலையில ஒண்ணா போலாம்”

“இல்லை நான் மட்டும் போறேன்”

“அப்ப நானு”

“நீங்க இங்கயே இருங்க, உங்கள பார்த்துக்கத்தான் இந்த வீட்ல 3 பேர் இருக்காங்களே”

என சொல்ல ஈஸ்வரனோ குழம்பியபடியே நிரஞ்சனிடம் வந்து அவன் செய்யும் செயலை தடுத்து நிறுத்தினான்

”என்னடா ஆச்சி”

About the Author

Sasirekha

Sasirekha

Like to read stories? Now you can read full novels at Chillzee KiMo. No wait time,  No ads, No restrictions!!!

Completed Stories
On-going Stories
Add comment

Comments  
+1 # RE: தொடர்கதை - காணும் இடமெல்லாம் நீயே - 22 - சசிரேகாvijayalakshmi 2019-04-12 19:10
oh god eshku ennacho? pavam niranjan
Reply | Reply with quote | Quote
+1 # RE: தொடர்கதை - காணும் இடமெல்லாம் நீயே - 22 - சசிரேகாAdharvJo 2019-04-10 20:06
facepalm haiyoda sasi ma'am ninga twist kudukuren solli ena enamo panuringale :sad: Telugu movie range-ku going :D viruvirupana update :clap: :clap:
ninga sudden ah esh 25-ku irukatti ippo indha baby bro-va baby-a mathitinga.Niranja is one of the stable and supportive character n my favrt one. ninga avroda score irakki vida try panuringale :Q: compared to Esh sure ah sollalam Niranjan is matured so far!! andha valli aunty enamo avanga payana vittutu pondra mathiri scene poduranga 3:) and Esh oda depressed state purinjikalam but how can he forget how caring his baby bro is steam if esh firmly express his interest towrds meens pavam indha sweet bro vitukudupan adhaiyum solli tholaima…..niranja is so strong abt his bonding n his love towards esh is vry clear bt esh is not ready to accept steam sema irritate panuraru pa ivaru :P mothathula ivarukku meen's vitta vera yarum vendam pole irukku ji.. enanu konjam parunga :cool: waiting for next epi. thank u n keep rocking
Reply | Reply with quote | Quote
+1 # RE: தொடர்கதை - காணும் இடமெல்லாம் நீயே - 22 - சசிரேகாராணி 2019-04-10 19:19
இது என்ன ஈஸ்வரோட நிலைமை ரொம்ப மோசமாயிடுச்சா பாவம் மீனாவோட அப்பாவுக்கு ஆன மாதிரி இவருக்கு ஏதாவது ஆயிடுமா என்ன :sigh:
Reply | Reply with quote | Quote
+1 # RE: தொடர்கதை - காணும் இடமெல்லாம் நீயே - 22 - சசிரேகாmadhumathi9 2019-04-10 18:56
:Q: Eesvaranai vida niranjanin nilaiparithaabamaaga irukkirathu.than annanin nilaiyai yaaridamum solla mudiyaamal thindaaduthu ena niranjanukku sodhanaiyaaga irukku.eesvaran engu poga mudiyum :Q: kanavu kandu thaane ezhunthu nadanthu poyirukkalaam ena thonuthu.egarly waiting 4 next epi. :thnkx: 4 this epi. :GL: sasi.
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top