”திறமையா இல்லை நீ கவர்ச்சியை காட்டி சம்பளம் வாங்கறியா”
”கவர்ச்சியா நானா” என அவள் தன்னையே ஏற இறங்கப் பார்த்தாள்
சுடிதார் அணிந்திருந்தாலும் அதில் எந்த கவர்ச்சியும் இல்லை, ஸ்கூல் யூனிபார்ம் போல அணிந்திருந்தாள், கைமணிக்கட்டு வரை துணியால் மூடியிருந்தாள் முக்கியமாக ஷாலை நன்றாகவே உடல் மறைக்கும்படி மூடியிருந்தாள்.
”என்ன நக்கலா“
”இல்லை சார் உங்க கண்ல ஏதோ கோளாறு போல முதல்ல கண் டாக்டரை போய் பாருங்க சார்”
”எது“
”இல்லை சார் நானே இழுத்து மூடிக்கிட்டு நிக்கறேன் இதுல உங்களுக்கு எங்க இருந்து கவர்ச்சி தெரியுது”
“இன்னிக்கு நான் வரேன்னு தெரிஞ்சதாலதானே இப்படி வந்து நிக்கற”
”சே சே இல்ல சார் நான் எப்பவும் இப்படிதான் இருப்பேன்”
”வாய்க்கு வாய் பேசாத, நான் உன்னை நேத்தே பார்த்தேன் ரோட்ல நின்னுக்கிட்டு பஜாரி மாதிரி கத்திக்கிட்டு இருந்த சே உனக்கெப்படி இந்த ஆபீசில வேலை கிடைச்சது“
”மன்னிக்கனும் சார் ஆபீசில நான் கரெக்ட்டா சின்சியரா வேலை செய்றேன், வெளியில நான் எப்படி இருந்தா அதனால இந்த ஆபீஸ் பாதிக்காது, உங்களுக்கு எங்க பாதிக்குது அப்புறம் நீங்க என்னை பஜாரின்னு பாராட்டின விசயம் எனக்கு ரொம்ப பிடிச்சிருக்கு சார் ஐ லக் இட்”