Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (3 Votes)
தொடர்கதை - காணும் இடமெல்லாம் நீயே - 13 - சசிரேகா - 5.0 out of 5 based on 3 votes

”முதலில் பயற்சி எடுத்துக் கொள், அதற்காக மரக்கத்திகளை பயன்படுத்து, உண்மையான கத்தியைக் கொண்டு பயற்சி எடுத்தால் உடலில் காயம் ஏற்பட்டுவிடும்”

”இல்லை நான் இக்கத்திகளை வைத்தே பயிற்சி எடுக்கிறேன்”

”இல்லை இப்படி செய்வது உனக்கு காயங்களை உருவாக்கும்”

”எந்தளவிற்கு காயங்கள் ஏற்படுகிறதோ, அந்தளவிற்கு நான் பயிற்சியை சரியாகவும் விரைவாகவும் கற்றுக் கொள்வேன், மரக்கத்தியை வைத்துக் கொண்டு பயிற்சி எடுத்தால் காலம் விரயமாகும்”

“சரி முதலில் குரு வணக்கம், களறி பயற்சியின் போது கற்றுக்கொள்பவன் முதலில் கடவுளை வணங்க வேண்டும், அடுத்து குருவை வணங்க வேண்டும், அடுத்து பயன்படுத்தும் கத்தியை வணங்கின பிறகு களத்தையும் வணங்கிவிட்டே சண்டையிட வேண்டும். களறியை கற்றுத்தரும் குருவிற்கு மருத்துவம் தெரிந்திருக்க வேண்டும் எனக்கு சில சில மருத்துவ முறைகள் தெரியும்”

“நானும் சில மருத்துவ முறைகள் கற்றிருக்கிறேன்”

”நல்லது இப்போது ஆரம்பிக்கலாம், இந்த பயிற்சியில் வேகமும் விவேகமும் அதிகமாக இருக்க வேண்டும், கண் அயரும் நேரத்தில் கூட எதுவேண்டுமானாலும் நடக்கலாம், சுற்றிலும் என்ன நடக்கிறது என கவனித்துக் கொண்டே இருக்க வேண்டும், எதிரி எந்தப் பக்கம் இருந்து தாக்குவானோ அதற்கு ஏற்ப நாம் தயாராகவே இருக்க வேண்டும்

இந்த பயிற்சியில் அடித்தல், உதைத்தல், வாளால் எதிரியை தாக்குதல், கேடயத்தால் தன்னை தற்காத்துக் கொள்ளல், எதிரியை தழுவிக் கொள்ளுதல், தொடர்ந்து தாக்கியபடியே முன்னேறுதல், இது போன்று பல வித்தைகள் உண்டு மேலும் வர்மக்கலைகளும் கற்றுத்தரப்படும்.

உனக்கு நான் 2 கலைகளை கற்றுத்தருகிறேன், அதனால் ஒருவரை மூர்ச்சையாக்கலாம் அது போதும், இந்த முயற்சியை நீ கற்கும் விதத்தைக் கண்டே உனது திறமையை நான் புரிந்துக் கொள்வேன், நாட்கள் குறைவாக உள்ளது பத்மாவதி, எனக்கும் களறியில் இறுதி பயிற்சி காத்திருக்கிறது, யுத்தப்பரிட்சை எனக்கும் மாதவனுக்கும் வரும் 2 ஆம் திங்களின் இறுதி நாளில் வைக்கப் போகிறார்கள். அதற்குள் உனக்கு நான் அனைத்தையும் கற்றுத்தர முடியாது ஆனால் உன்னால் முடிந்த முக்கியமான சிலவற்றைக் கற்றுத் தருகிறேன்.

அதை வைத்து உன்னால் மாதவனையே வீழ்த்த இயலும், ஒரு முறை ஒருவரை மட்டுமே தாக்க கூடிய பயிற்சியை இப்போது கற்றுக் கொள், அதுபடி ஆபத்து வரும் சமயத்திலும் ஒருவருடன் சண்டையில் இறங்குமாறு சூழ்நிலையை உருவாக்கிக் கொள் புரிகிறதா” என தர்னேந்திரன் சொல்லவும் அவளும் அமைதியாக சரியென்றாள்

”நல்லது முதலில் பயிற்சிக்கு முன் நீ சில ஆசனங்களைக் கற்றுக் கொள்ள வேண்டும், யோகாவையும் கற்றுக் கொள்ள வேண்டும்”

“அவற்றை நான் முன்பே கற்றுவிட்டேன்”

“அப்படியா எங்கே செய்துக் காட்டு” என அவன் சொல்லவும் அவளும் மெதுவாக தான் கற்ற ஒவ்வொரு ஆசனங்களையும் அவன் முன் செய்துக் காட்டினாள். அவனோ அவள் செய்வதையே ஒரு குருவாக எண்ணி பார்த்துக் கொண்டிருந்தானே தவிர தவறான எண்ணம் அவன் கண்ணில் இல்லாததைக் கண்டு வியந்தபடியே தான் சரியான ஒருவரையே தன்னுடைய வாழ்க்கைத் துணையாக தேர்ந்தெடுத்திருக்கிறோம் என நினைத்தபடியே நிம்மதியானாள் பத்மாவதி.

அவளுக்கு தெரிந்த ஆசனங்களை செய்துவிட்டு அவனிடம் நின்றாள்

”இது போதுமா குருவே”

“போதும் உன்னை நான் குறைத்து மதிப்பிட்டேன் ஆனால் நீ அனைத்திலும் சிறந்தவளாக இருக்கிறாய், சரி இனி பயிற்சியை ஆரம்பிக்கலாம்” என சொல்லி அவளிடம் களறி பயிற்சியின் ஆரம்ப பயற்சிகளை முதலில் அவளுக்கு என்ன செய்வது, தன்னை எப்படி தற்காத்துக் கொள்வது என விரிவாக உரைத்த பின் அவளுக்கு பயிற்சி சொல்லித் தரலானான். அவளும் மிகவும் ஆர்வமாக அதைக் கற்றுக் கொண்டாள். நேரம் மின்னல் போல விரைவாக சென்றது

தொடர்புடையவை: உங்களுக்கு இதுவும் கூட பிடிக்கலாம்... -

ஜெய்யின் "காயத்ரி மந்திரத்தை" - சமூக தொடர்கதை...

படிக்கத் தவறாதீர்கள்..

அந்த அறையில் இருந்து சத்தம் வெளியே சென்றுவிடாதபடி பார்த்துக் கொண்டான் தர்னேந்திரன். சூரியனின் ஒளிக்கதிர்கள் அந்த அறையில் விழுந்தவுடன் பயிற்சியை நிறுத்தினான் தர்னேந்திரன். சூரியனின் ஒளிக்கதிர் மிகச் சரியாக அந்த அறையில் இருந்த நாகராஜ சுவாமியின் சிலையில் பட்டு பிரகாசித்தது. அந்த நேரத்தில் தர்னேந்திரன் அனிச்சை செயலாக கைகூப்பி நாகராஜ சுவாமியை வணங்கிவிட்டு பத்மாவதியைப் பார்த்தான். அவளும் கண்கள் மூடி கைகூப்பி வேண்டிக் கொண்டாள். அவளிடம்

”இத்துடன் இன்றைய பயிற்சி முடிவடைந்துவிட்டது பத்மாவதி, நான் செல்கிறேன் நாளை பார்க்கலாம்” என சொல்லவும் அவளோ ஏக்கமாக அவனையே பார்த்தாள்

”என்னவாயிற்று ஏன் இந்த ஏக்கப்பார்வை”

“தங்கள் இல்லத்தில் உள்ள எனது சிலையை கொண்டு வருகிறேன் என்றீர்களே” என்றாள்

”நாளை மறக்காமல் கொண்டு வருகிறேன், இப்போது என்னை வழியனுப்பு” என சொல்ல அவளும் சரியென்றாள். அவளையே ஏறி இறங்கப் பார்த்தவன் பயிற்சியால் அவளது தோளிலும் கழுத்திற்கு கீழும் காயம் இருப்பதைக் கண்டு அதிர்ந்தான்

Add comment

Comments  
# RE: தொடர்கதை - காணும் இடமெல்லாம் நீயே - 13 - சசிரேகாராணி 2019-02-08 17:06
அருமையான கதை தர்னேந்திரன் பத்மாவதியின் காதல் அழகு. அடுத்த எபியில் பத்மாவதியின் கதை முடியும் என நினைக்கிறேன் அடுத்த எபிக்காக ஆவலாக காத்திருக்கிறேன்
Reply | Reply with quote | Quote
# RE: தொடர்கதை - காணும் இடமெல்லாம் நீயே - 13 - சசிரேகாAdharvJo 2019-02-07 21:22
Sasi ma'am as you said indha screenplay and way of narration is completely different :clap: :clap: :hatsoff: Dialogues ellam semaya eluthi irukinga :clap: Looks like this Madhu is the black-sheep, ethukku ivanukku indha budhi 3:) Madhavan rombha dummy ps pole irukaru facepalm Nanba nanban solluranga mithrudhrogigal :angry: Ippo suspense ellam break aguradhu nala irukku but tharan-kum padmavati-kum ena anadhu :sad: dei niranja unamathiri nanum waiting facepalm innum konjam neram Esh thoongi irukka kudadha pch...curious to read the next epi.. thank you and keep rocking.
Reply | Reply with quote | Quote
# RE: தொடர்கதை - காணும் இடமெல்லாம் நீயே - 13 - சசிரேகாmahinagaraj 2019-02-07 15:01
கதை செம செம... :clap: :clap:
சூப்பரா இருக்கு மேம்... :GL: தர்னேந்திரன் இன்னும் கொஞ்சம் ஆழமா யோசனை செய்து இருக்கனும்.. :yes:
அழகிய காதல் கதை... ;-) :lol:
:thnkx:
Reply | Reply with quote | Quote
# RE: தொடர்கதை - காணும் இடமெல்லாம் நீயே - 13 - சசிரேகாViji. P 2019-02-07 14:00
Super epi
Reply | Reply with quote | Quote
# RE: தொடர்கதை - காணும் இடமெல்லாம் நீயே - 13 - சசிரேகாmadhumathi9 2019-02-07 08:20
wow very interesting & beautiful epi. :thnkx: :thnkx: 4 this epi & more pages. :clap: :GL:
Reply | Reply with quote | Quote
# RE: தொடர்கதை - காணும் இடமெல்லாம் நீயே - 13 - சசிரேகாSAJU 2019-02-06 20:50
Nice ud sis
Reply | Reply with quote | Quote
# KINAruna 2019-02-06 18:27
Sooperb mam :clap: aana adhukkaprom enna aachu :Q: eagerly waiting for the next update
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top