Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Chillzee KiMo TEN (Tamil - English - Novel) Contest 2019


1 1 1 1 1 Rating 5.00 (3 Votes)
தொடர்கதை - காணும் இடமெல்லாம் நீயே - 13 - சசிரேகா - 5.0 out of 5 based on 3 votes

”சரி பத்மாவதி உனக்கு ஏதோ நேர்ந்துவிட்டதாக நினைத்து பயந்துவிட்டேன், ஏதேனும் ஆபத்து என்றால் என்னிடம் சொல்வாயாக, நான் உன்னை காப்பாற்றுகிறேன்”

”நீ இருப்பதுதான் எனக்கு ஆபத்தாக உள்ளது, செல் இங்கிருந்து எனக்கு தனிமை தேவை” என அவள் கத்தவும் மாதவனுக்கு மனம் கலங்கியது

அங்கிருந்து அவன் செல்லும் சத்தம் கேட்டதும் ஆழமாக மூச்சுவிட்ட பத்மாவதி, தான் வரைந்த ஓவியம் இருந்த சுவரிடம் சென்று நின்றாள். அந்த ஓவியத்தில் இருந்த தர்னேந்திரனைக் கண்டவள்

”நான் உங்கள் கரம் சேரும் நாள் எப்பொழுது வரும் என ஆவலாக காத்திருக்கிறேன், விரைவாக என்னிடம் தஞ்சம் அடைந்துவிடுங்கள் தர்னேந்திரா, காதலின் எல்லையை நான் காண விரும்புகிறேன்” என்றாள் மனம் உருகி

அங்கு தர்னேந்திரனோ சுரங்கம் வழியாக ஆலயத்திற்கு வந்து சேர்ந்தவன் அமைதியாக ஆலய தரிசனத்தை முடித்துக் கொண்டு வெளியே வந்த போது மதுசூதனனிடம் மாட்டிக் கொண்டான்

”அருமை நண்பா நீ இங்கு என்ன செய்கிறாய்”

“ஆலயத்திற்கு வந்தேன்” என்றான் தர்னேந்திரன்

“என்ன ஏதாவது வேண்டுதலா”

“ஆம் யுத்தப்பயிற்சியில் நான் மாதவனை வெல்ல வேண்டும் அதற்காகத்தான்”

“ஓ நல்லது நண்பா ஆமாம் சில தினங்களாக நீ களறி பயிற்சி நடக்கும் மைதானத்திற்கு வரவில்லையே, எங்கு இருந்தாய்”

“இல்லத்தில்தான் எனக்கு காய்ச்சல் வந்துவிட்டது”

“ஓ பரதனும் ஊரில் இல்லையே”

“அப்படியா தெரியவில்லை நண்பா சரி வா செல்வோம்” என அவனுடன் மழுப்பலாக பேசிக் கொண்டே மைதானத்திற்குச் சென்றான்.

அதற்குள் அங்கு மாதவன் வந்திருப்பதைக் கண்டு முதலில் அதிர்ந்தவன் சில நொடிகளில் உணர்ச்சிகளை கட்டுப்படுத்தி தன் முகத்தில் அதிர்ச்சிக்கான உணர்ச்சிகளை வெளிக்காட்டாமல் மெதுவாக அவனிடம் பேசினான்

”எவ்வாறு உள்ளாய் நண்பா நலம் தானே” என கேட்ட தர்னேந்திரனிடம்

”என் நலமா ஏதோ உள்ளேன்” என மாதவன் சொல்ல

“என்னவாயிற்று நண்பா”

“பல நாள் கழித்து பத்மாவதியை காணலாம் என அவள் அறைக்குச் சென்றேன். அவளோ கதவை கூட திறவாமல் என்னை திருப்பி அனுப்பிவிட்டாள். அவள் பேசிய பேச்சுகள் என்னை கலங்க வைத்துவிட்டன தர்னேந்திரா” என அவன் வேதனையுடன் சொல்லவும் தர்னேந்திரன் என்ன காரணம் என்னவென்பதை புரிந்துக் கொண்டான்

மதுசூதனனோ

”அப்படியா உன்னுடைய பத்மாவதியா உன்னை திருப்பி அனுப்பியது, என்னவாயிற்று நீ இல்லாத நேரத்தில் மாளிகையில் என்ன நடந்திருக்கும்”

“நான் விசாரித்துவிட்டேன் சந்திரகலாவுடன் பத்மாவதி நாட்களை ஓட்டியதாக காவலன் சொன்னான். ஒருவேளை சந்திரகலா என்னைப்பற்றி அவளிடம் ஏதாவது உரைத்தாளா அதனால் அவள் என்மேல் கோபம் கொள்கிறாளா ஒன்றும் விளங்கவில்லை எனக்கு” என அவன் குழம்பித் தவிக்க தர்னேந்திரனோ

”அமைதிக் கொள் நண்பா இப்பொழுதுதானே வந்தாய், எதற்கு கவலைப்படுகிறாய். அவளை பிறகு பார்த்துக் கொள்வோம் பயிற்சி எடுக்கும் நேரம் வந்துவிட்டது வா” என சொல்ல மதுசூதனனோ

”பயிற்சியா இப்பொழுது முக்கியம், பாவம் மாதவன் பத்மாவதி செய்த செயலால் மனம் வெறுத்து உள்ளான், இப்பொழுது அவனால் பயிற்சி எடுக்க இயலாது அவனை விட்டுவிடு தர்னேந்திரா அவன் செல்லட்டும்” என சொல்ல அவன் சொன்னது சரியென நினைத்த மாதவனும்

தொடர்புடையவை: உங்களுக்கு இதுவும் கூட பிடிக்கலாம்... -

பிரேமாவின் சுப்பையாவின் "உன்னில் தொலைந்தவன் நானடி..." - காதல் கலந்த தொடர்கதை...

படிக்கத் தவறாதீர்கள்..

”ஆம் நண்பா நான் செல்கிறேன், என்னால் இன்று பயிற்சி செய்ய இயலாது” என சொல்லிவிட்டு அவன் வேறுபக்கம் சென்றுவிட தர்னேந்திரனிடம் வந்தான் மதுசூதனன்

”நீ கவலையேப்படாதே நண்பா, இப்படியே மாதவன் பயிற்சி எடுக்காமல் நான் தடுத்து விடுகிறேன் அப்போதுதான் யுத்தப்பயிற்சியின் போது அவனை நீ எளிதாக வீழ்த்திவிடலாம் என்ன சொல்கிறாய்” என சொல்ல தர்னேந்திரனோ கோபத்தில்

“அது தவறு, முறையான செயலன்று, அவ்வாறு செய்யாதே மதுசூதனா நானும் வீரன்தான் அவனுடன் நேருக்கு நேராக யுத்தம் செய்ய எண்ணுகிறேன். அவன் மனதை குழப்பாதே அமைதியாக இரு, நீ பயிற்சி எடுக்கவில்லையா”

”நானும்தான், இப்பொழுது உனக்குத்தான் பயிற்சிகள் தேவை நீ சென்று பயிற்சி எடு வா” என அவனை அழைத்துக் கொண்டு மைதானத்திற்குள் இறங்கினான் மதுசூதனன். பலர் அங்கு பயிற்சி செய்ய தர்னேந்திரனும் பேருக்கு ஏதோ பயிற்சி செய்துக் கொண்டிருந்தான் மதுசூதனனோ தர்னேந்திரனின் செயலைக் கண்டு வியந்தான்

”என்ன நண்பா பயிற்சியை சாதாரணமாக செய்கிறாயே, மாதவனை ஜெயிக்கும் எண்ணம் இல்லையா உனக்கு”

About the Author

Sasirekha

Sasirekha

Like to read stories? Now you can read full novels at Chillzee KiMo. No wait time,  No ads, No restrictions!!!

Completed Stories
On-going Stories
Add comment

Comments  
# RE: தொடர்கதை - காணும் இடமெல்லாம் நீயே - 13 - சசிரேகாராணி 2019-02-08 17:06
அருமையான கதை தர்னேந்திரன் பத்மாவதியின் காதல் அழகு. அடுத்த எபியில் பத்மாவதியின் கதை முடியும் என நினைக்கிறேன் அடுத்த எபிக்காக ஆவலாக காத்திருக்கிறேன்
Reply | Reply with quote | Quote
# RE: தொடர்கதை - காணும் இடமெல்லாம் நீயே - 13 - சசிரேகாAdharvJo 2019-02-07 21:22
Sasi ma'am as you said indha screenplay and way of narration is completely different :clap: :clap: :hatsoff: Dialogues ellam semaya eluthi irukinga :clap: Looks like this Madhu is the black-sheep, ethukku ivanukku indha budhi 3:) Madhavan rombha dummy ps pole irukaru facepalm Nanba nanban solluranga mithrudhrogigal :angry: Ippo suspense ellam break aguradhu nala irukku but tharan-kum padmavati-kum ena anadhu :sad: dei niranja unamathiri nanum waiting facepalm innum konjam neram Esh thoongi irukka kudadha pch...curious to read the next epi.. thank you and keep rocking.
Reply | Reply with quote | Quote
# RE: தொடர்கதை - காணும் இடமெல்லாம் நீயே - 13 - சசிரேகாmahinagaraj 2019-02-07 15:01
கதை செம செம... :clap: :clap:
சூப்பரா இருக்கு மேம்... :GL: தர்னேந்திரன் இன்னும் கொஞ்சம் ஆழமா யோசனை செய்து இருக்கனும்.. :yes:
அழகிய காதல் கதை... ;-) :lol:
:thnkx:
Reply | Reply with quote | Quote
# RE: தொடர்கதை - காணும் இடமெல்லாம் நீயே - 13 - சசிரேகாViji. P 2019-02-07 14:00
Super epi
Reply | Reply with quote | Quote
# RE: தொடர்கதை - காணும் இடமெல்லாம் நீயே - 13 - சசிரேகாmadhumathi9 2019-02-07 08:20
wow very interesting & beautiful epi. :thnkx: :thnkx: 4 this epi & more pages. :clap: :GL:
Reply | Reply with quote | Quote
# RE: தொடர்கதை - காணும் இடமெல்லாம் நீயே - 13 - சசிரேகாSAJU 2019-02-06 20:50
Nice ud sis
Reply | Reply with quote | Quote
# KINAruna 2019-02-06 18:27
Sooperb mam :clap: aana adhukkaprom enna aachu :Q: eagerly waiting for the next update
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top