Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

இனிய Chillzee வாசகர்களே, கொரோனா வைரஸ் நோய் (COVID-19) என்பது புதிதாக கண்டுபிடிக்கப்பட்ட கொரோனா வைரஸால் ஏற்படும் ஒரு தொற்று நோயாகும். உங்களையும், மற்றவர்களையும் இந்த நோய் தொடராமல் காத்துக்கொள்ள, Social distancing எனும் சமூக விலகலை கடைப்பிடியுங்கள். Hand soap பயன்படுத்தி கைகளை கழுவுங்கள். தேவை இல்லாமல் உங்கள் முகத்தைத் தொடாமல் இருங்கள். இந்த வைரஸ் பற்றிய அதிகாரப்பூர்வமான விபரங்களுக்கு கீழிருக்கும் இணையத்தளங்களை பாருங்கள்:
உலக சுகாதார அமைப்பு (WHO), இந்திய அரசு, தமிழக அரசு
வதந்திகளை பரப்பாதீர்கள், வதந்திகளை நம்பாதீர்கள்!
- Chillzee Team

1 1 1 1 1 Rating 5.00 (1 Vote)
விஜயதசமி சிறப்பு சிறுகதை - கல்வியே சிறந்த செல்வம் - சசிரேகா - 5.0 out of 5 based on 1 vote
Pin It

விஜயதசமி சிறப்பு சிறுகதை - கல்வியே சிறந்த செல்வம் - சசிரேகா

education

அனைவருக்கும் விஜயதசமி நல்வாழ்த்துக்கள்

மாலை மணி 5

சென்னை

மெரினா கடற்கரை

அவளது பாதங்களில் மணலும் கடல் நீரின் உப்பும் நுரையும் சேர்ந்து பாதங்கள் பாதி மணலில் புதைந்திருந்தது. அதைக்கூட கவனியாமல் அமைதியாக தனக்கு நடந்த சிலவற்றைப் பற்றி நினைத்து மனதுக்குள் புழுங்கிக் கொண்டிருந்தாள் விஜயலட்சுமி.

அவள் மனதில் பட்ட காயத்திற்கு எவ்வளவு கண்ணீர் வடித்தும் கண்ணீரும் வற்றிப் போனது. காய்ந்த சருகு போல அமைதியாக அமர்ந்திருந்தவளின் கண்கள் கடல் அலைகளின் மீதே பதிந்தது.

இன்று விஜயதசமி வீட்டிற்குச் செல்ல வேண்டும் பூஜை இருக்கறது ஆனாலும் விஜியின் மனதில் துக்கம் நிரம்பி வழிந்தது. எதற்காக வீட்டிற்கு செல்ல வேண்டும் என்ன இருக்கிறது அங்கு, யார் இருக்கிறார்கள் நமக்காக என நினைத்தாள்.

10 நாள் முன்பு

நவராத்ரிக்காக காலேஜில் விடுப்பு வரவும் 10 நாள் முன்பு வீடு வந்தாள் விஜி. குடும்பத்தை காணப் போகிறோம் என்ற மகிழ்ச்சியுடன் வந்தாள். அம்மா, அப்பா, அண்ணன், அண்ணி, அக்கா, தம்பி, தாத்தா, பாட்டி, பெரியப்பா, பெரியம்மா என அனைவரும் கூட்டுக்குடும்பமாக வாழும் அந்த வீட்டில் படிப்பிற்காக வெளியூர் செல்ல நேர்ந்த போதே மறுத்து அடம்பிடித்தவளை ஆறுதல் வார்த்தைகள் பேசி அனுப்பி வைத்தார்கள் பெரியவர்கள். அவர்களுக்காக மட்டுமில்லாமல் தனக்காகவும் இநத உலகத்தில் தனக்கென ஒரு அடையாளத்தை பதிக்க வேண்டும் என்ற எண்ணத்திலும் கல்லூரியில் சேர்ந்து கூட்டுக்குடும்பத்தை விட்டு ஒரு ஹாஸ்டலில் சேர்ந்து அங்கு கூட தங்கியிருந்தவர்களை தனது குடும்பமாக பாவித்து அனைவருடனும் அன்பை வெளிப்படுத்தி இதோ 2 ஆண்டுகள் முடிந்துவிட்டது, இனி 2 ஆண்டுகள் கழித்து விஜி ஒரு சிறந்த மாணவி, வெளியுலகில் படித்த பட்டதாரி, சிறந்த இன்ஜினியர் என்ற பெயர் வரப்போகும் நாளை எண்ணி மகிழ்ச்சியுடனும் 2 வருடம் கழித்து குடும்பத்தை காணப்போகிறோம் என்ற ஆசையுடனும் வீட்டுக்குள் நுழைந்தாள் விஜி, கையில் 2 பைகள் அதில் ஒன்றில் வீட்டிற்கு என வாங்கி வந்த பரிசு பொருட்கள் இன்னொன்றில் புத்தகங்கள் இருக்கும், தசரா விடுமுறையில் நேரம் கிடைக்கும் போது படிக்கவும் மற்ற நேரங்களில் குடும்பத்துடன் பழக எண்ணி வந்தாள். ட்ரெயினில் வந்த சோர்வு ஒரு பக்கம் இருந்தாலும் வீடு வந்ததுமே தனி உற்சாகம் பிறந்தது. ஆசையாக வீட்டுக்குள் நுழைந்தவளுக்கு அதிர்ச்சியும் ஆச்சர்யமும் காத்திருந்தது

”அதோ வந்துட்டாளே அவள்தான் என் பொண்ணு விஜி, இன்ஜினியரிங் படிக்கறாள் காலேஜ்லயே அவள்தான் முதல் மார்க் எடுப்பாள். ரொம்ப புத்திசாலி பொண்ணு, உங்களுக்கு அவளை கண்டிப்பா பிடிக்கும் பாருங்க” என விஜியின் தந்தை சந்திரன் எதிரில் இருந்த தாய் தந்தை மற்றும் இளம் வயது இளைஞன் முன்பு சொல்ல அவர்களும்

Pencilஹாய் பிரெண்ட், கதையை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் down

”போட்டோல விட நேர்ல அழகா இருக்காளே”

என பையனின் தாய் சொல்லவும் அதற்கு விஜியின் தாய் சாந்தியோ

”இன்னும் அழகா இருப்பா, ட்ரெயின்ல வந்ததால இப்படியிருக்கா, கொஞ்சம் இருங்க நான் இப்பவே அவளை ரெடி பண்ணி கூட்டிட்டு வந்துடறேன்” என சொல்லிவிட்டு நேராக விஜியிடம் வந்தார்

”வா விஜி ரூமுக்கு போய் ரெடியாகலாம்” என சொல்ல அவளோ அமைதியாக

”அம்மா என்ன நடக்குது இங்க, நவராத்ரி ஆரம்பிக்குது, வீட்ல கொலு வைக்கறோம் இந்த முறை நீ கலந்துக்கிட்டா உனக்கு நல்லது அப்படின்னு சொன்னதால நான் வந்தேன் இங்க, யார்மா இவங்க என்ன பேசறாங்க எனக்கு ஒண்ணும் புரியலை”

“எல்லாம் ரூம்ல சொல்றேன் வாம்மா வா” என சாந்தி அவளை அவசரமாக அழைத்துக் கொண்டு அவளது அறைக்குச் சென்றார். கதவை சாத்தியதும் அவளிடம் இருந்த பைகளை வாங்கி ஓரம் வைத்தவர் ஏற்கனவே அவளது கட்டிலில் ரெடியாக வைக்கப்பட்டிருந்த பட்டுப் புடவையையும் நகைகளையும் காட்டி

”இதப்பாரு சீக்கிரமா குளிச்சி ரெடியாகி இந்த புடவை நகைகளை போட்டுக்கிட்டு வா, மாப்பிள்ளை வீட்டுக்காரங்க வந்தே அரை மணி நேரம் ஆகுது இனிமேலயும் அவங்களை காக்க வைச்சா தப்பா நினைப்பாங்க” என சொல்ல விஜிக்கு கோபமே வந்தது

”அம்மா என்னம்மா இது”

“உன்னை பொண்ணு பார்க்க வந்திருக்காங்க போதுமா, பெரிய இடத்து சம்பந்தம் பையன் பாரின்ல வேலை பார்க்கறான். கை நிறைய சம்பளம்”

“அப்ப என்னோட படிப்பு”

“நீ இப்ப படிச்சி என்ன செய்யப் போற, நல்ல மாப்பிள்ளை தனியா பாரின்ல இருக்காரு. மாசம் ஆனா 2 லட்சம் சம்பாதிக்கறாரு, நீ படிச்சி முடிச்சி வேலைக்கு போனாலும் உன்னால இவ்ளோ சம்பாதிக்க முடியுமா சொல்லு”

“அதுக்காக இன்னும் எனக்குப் படிப்பே முடியலை அதுக்குள்ள எதுக்கு கல்யாணம்”

”நல்ல வரன் வரும் போதே அதை பிடிச்சிக்கனும் விஜி, உன் நல்லதுக்குத்தான் சொல்றேன் புரிஞ்சிக்கம்மா”

About the Author

Sasirekha

Sasirekha

Latest Books published in Chillzee KiMo

  • AndrilAndril
  • I MyselfI Myself
  • Nin thiruvadi saranamNin thiruvadi saranam
  • Pinai vendum panmaaya kalvanPinai vendum panmaaya kalvan
  • Tholaivil Ni Ninaivil NaanTholaivil Ni Ninaivil Naan
  • Thedum Kan Paarvai ThavikkaThedum Kan Paarvai Thavikka
  • Un nesam en suvasamUn nesam en suvasam
  • Unnai kan thedutheUnnai kan theduthe

Completed Stories
On-going Stories
Add comment

Comments  
# RE: விஜயதசமி சிறப்பு சிறுகதை - கல்வியே சிறந்த செல்வம் - சசிரேகாராணி 2018-10-24 14:48
அருமையான சிறுகதை ஒரு பெண்ணுக்கு மிகவும் தேவையானது கல்வி என்பதை அழகாக சொல்லியிருக்கிறீர்கள் நன்று :clap:
Reply | Reply with quote | Quote
# RE: விஜயதசமி சிறப்பு சிறுகதை - கல்வியே சிறந்த செல்வம் - சசிரேகாChillzee Team 2018-10-21 04:52
yup education is the first step towards prosperity. Thanks for sharing the special story Sasirekha ji.
Reply | Reply with quote | Quote
# RE: விஜயதசமி சிறப்பு சிறுகதை - கல்வியே சிறந்த செல்வம் - சசிரேகாவைத்தியநாதன் 2018-10-19 13:24
யதார்த்தமான கதை! நவராத்திரி பரிசு! பாராட்டுக்கள்!
Reply | Reply with quote | Quote
Share your novel

Come join the FUN!

Write @ Chillzee
Go to top