" சரி பேசு" என்றான்.
"வாழ்க்கை என்பது ஒரு பயணம் போல…"
'தத்துவமா…' என்று நினைத்தவன்..
" ஆமாம் இருக்கட்டும்" என்றான்.
"அந்த பயணத்தில் நம்முடன் யார் யார் வருவார்கள் என்று நம்மால் நிச்சயமாக சொல்ல முடியாது"
" சரி"
"நம் உடன் வருபவர்கள் அனைவரும் நம்முடைய பயணம் முழுவதும் நம்முடன் வருவார்கள் என்று சொல்ல முடியாது"
" ஆமாம்… சொல்ல முடியாது'
" சிலர் மட்டுமே கடைசி வரை நம்முடன் பயணிக்கலாம் "
"இருக்கட்டும்"
" அவர்களில் சிலரிடம் மட்டுமே நாம் அன்பையும் நட்பையும் வெளிப்படுத்த முடியும்."
" ஓகே… ஃபேக்ட்.. ஃபேக்ட்டு…"
"இப்போது நீங்களும் நானும் இந்த பயணத்தில் இணைந்திருக்கிறோம்"
" ஆமாம் உண்மை. அதுக்கென்ன?"
" இந்த பயணத்தில் நாம் உண்மையாக.. ஒருவருக்கு ஒருவர் உண்மையாக இருக்க வேண்டும் என்று நினைக்கிறேன்."
" சரி"
" ஆதரவாகவும் இருக்கவேண்டும்"
" இருக்கலாம்"
"எனவே…"
"எனவே…?"
"இதுவரை நடந்த கசப்பான சம்பவங்களை மறந்து விடுவோம். இனி நான் உங்களுக்கு ஆதரவாக துணையாக இருப்பேன் என்று சொல்ல விரும்புகிறேன்"
" சரி"
" ஏதாவது உங்களுக்கு உதவி தேவை என்றால் என்னிடம் கேட்கலாம்"